2 KUMPI NIHNATE 1:2 - Tedim Bible

² Tu-in Samaria a, a inndei tungnung sung a kikalh simsiam panin Ahaziah kia-in a cina hi; tua ahih ciangin amah in kamtaite sawlin amaute kiangah, “Pai un, hih cinatna panin ka damkik zo ding hiam cih thu Ekron pasian, Baalzebub kiangah va dong un,” a ci hi.

Tedim Bible Revision 2017

² Samaria-a a inn dei tungnung innliim panin Ahaziah kia-in a liam hi. Tua ahih ciangin amah in kamtaite sawlin amaute kiangah, “Pai un, hih natna panin ka damkik zo ding hiam cih thu Ekron pasian, Baal-zebub kiangah va dong un,” a ci hi.

2 KUMPI NIHNATE 1:2 Referans Kwoze

2 KUMPI NIHNATE 1:16

tua ciangin ama kiangah, “Topa in hih bangin ci hi, “Bang hang hiam cih leh nangmah in Ekron pasian, Baalzebub kiangah thu dong dingin kamtaite na sawl khin hi, thu dot ding Israel sungah Pasian om nawn lo ahi hiam?Tua ahih ciangin tu-a na lupna panin nang na thokik nawn kei ding hi; nang na si taktak ding hi,’ ci hi,” a ci hi.

Marka 3:22

Jerusalem khuapi pan a hong paisuk laitheite in, “Hih pa in Beelzebub a nei hi. Dawimangpa suangin dawite a hawlkhia hi,” a ci uh hi.

Mattiu 10:25

A nungzuite in a siapa bangin, a silapa in a topa bangin ahih leh, a pha hi. Inn teekpa ‘Beelzebub’ a cih uh leh, a innkuanpihte tua sangin a ci nuam zaw sem ding uh hilo ahi hiam?”

Isaiah 37:19

amaute’ pasiante pen meikhuk sungah paihsakin susia khin hi; bang hang hiam cih leh tuate pen pasian hi loin, mite’ khut tawh a kibawl sing leh suangte ahi hi; tua ahih ciangin tuate kisusia hi.

Luka 11:15

Mihonpite in lamdang a sa uh hi. Ahih hangin mi kimkhat in, “Amah in Beelzebub suangin dawite a hawlkhia hi,” a ci uh hi.

Isaiah 37:12

Ka pu ka pate un a suksiat minamte, Gozan minam, Haran minam, Rezef minamte leh Telassar khua-a om Eden mite pen amau’ pasiante in honkhia zo ahi hiam?

2 KUMPI NIHNATE 1:6

Tua ciangin amaute in ama kiangah, “Kote dawn dingin mi khat hong pai a, kote kiangah, ‘Note hong sawl kumpipa kiangah paikik un la, ama kiangah, Topa in hih bangin ci hi: Ekron pasian, Baalzebub kiangah thu a dong dingin na sawl nadingin Israel sungah Pasian om nawn lo ahi hiam? Tua ahih ciangin tu-a na lupna panin na thokik nawn kei ding hi; na si taktak ding hi,’ ci hi,” a ci uh hi.

2 KUMPI NIHNATE 1:3

Ahih hangin Topa’ vantungmi in Tishbe mi Elijah kiangah, “Ding in, Samaria kumpipa’ kamtaite dawn dingin paito in la, amaute kiangah, ‘Ekron pasian, Baalzebub kiangah thu dong dingin na pai nadingin Israel sungah Pasian om nawn lo ahi hiam?’ ci in.

1 KUMPI MASATE 11:33

bang hang hiam cih leh amah in kei hong nusia a, Sidon mite’ nusian Ashtoreth, Moab pasian Khemosh, leh Ammon mite pasian Milkom bia-in, a pa David bangin keima muhna ah a manin gamtatna leh ka thukhamte leh ka ngeina kipte zuihna tawh ka lampite tawn lo hi.

Sawltak 20:9

Eutikhas min nei tangval khat in kongvangneu gei-ah a tut lai takin lusu-in, a ihmu hi. Paul in sawtveipi thu hilh ahih ciangin tua tangval ihmu a, inn thuap thum tung pan kiasuk a, a si hi.

Solomon la 2:9

Ka ngaihno in sanang tawh kibang a, sakhitalno tawh zong kibang hi. Ka inn pualam uhah ding a, kongvangneu-ah hong dak zial-in, kawmvang panin hong engiau hi.

JOB (Job) 31:3

A man loin a gamtate tungah siatna leh gimna tungsak hi.

1 KUMPI MASATE 22:34

Ahih hangin mi khat in a thal mawk lot a, a galhiam awmdal thep kikalah lutin Israel kumpipa kha hi; tua ahih ciangin amah in a leeng hawlpa kiangah, “Kei liam ka hih manin kihei in la, gal sung panin hong puakhia in,” a ci hi.

1 KUMPI MASATE 14:3

Anlum sawm, moh pawlkhat, leh khuaizu thawl khat keng in la, ama kiangah pai in; naupang tungah a piang ding thu amah in nang kiangah hong gen ding hi,” a ci hi.

1 SAMUEL MASA 5:10

Tua ahih ciangin amaute in Pasian’ thuciamna singkuang Ekron-ah puak uh hi. Ahih hangin Pasian’ thuciamna singkuang Ekron a tun’ ciangin Ekron mite kiko uh a, “Kote leh ka mite uh a that dingin amaute in Israelte’ Pasian’ thuciamna singkuang ko kiangah hong paipih uh hi,” a ci uh hi.

Thukhente 11:24

Na Pasian Khemosh in na neih dinga hong piakte tang lo ding na hi hiam? Topa ka Pasian un kote mai-ah a suankhiatte kote in ka tang ding uh hi.

Thukhente 5:28

“Kongvangneu panin amah khuadak a, a kikalh simsiam kawm panin Sisera’ nu khuadak hi: ‘Bang hangin a leeng hong ciah ding hih tanvei sawt hiam? A leeng khegingte bang hangin hici zekai hiam?’ a ci hi.

Isaiah 2:6

Amaute pen nisuahna lam gam khongkhaite leh Filistia mite bangin aisante tawh kidim uh a, gamdang mite’ ngeina zui uh ahih manin, Jakob suan leh khakte, na mite nang na nial hi.

Joshua 15:11

Ekron leilu lam mual liangko-ah gamgi paikhia a, tua ciangin Shikkeron-ah gamgi kawi kualin, Baalah Mual-ah paisuak a, Jabne-el-ah leng khia hi; tua ciang tuipi-ah gamgi tawp hi.

1 KUMPI MASATE 22:40

Tua ahih ciangin a pate tawh Ahab ihmu hi; ama tangin a tapa Ahaziah in uk hi.

2 KUMPI NIHNATE 17:16

Amaute in Topa a Pasian uh thupiakte khempeuh nusia-in amau’ adingin a kisung bawngno nih lim bawl uh hi; amaute in Asherah milim khat bawl uh a, vantung a, om nate khempeuh bia-in Baal’ na sem uh hi.

Isaiah 19:3

Izipt mite’ lungsim hawmsuak ding a, amau’ geelnate ka siasak ding hi; amaute in milimte leh khongkhai theite, vankah theite leh aisan theite thu dong ding uh hi;