2 KHANG TANGTHU NIHNATE 9:23 - Tedim Bible

²³ Tua ciangin Pasian in ama lungsim sungah a koihsak pilna a za dingin leitung kumpi khempeuh in Solomon’ omna hong zong uh hi.

Tedim Bible Revision 2017

²³ Tua ciangin Pasian in ama lungsim sungah a koihsak pilna a za dingin leitung kumpi khempeuh in Solomonʼ omna hong zong uh hi.

2 KHANG TANGTHU NIHNATE 9:23 Referans Kwoze

Jeim 3:17

Vantung pan hong tung pilna in a masa belin a siangtho hi. A nung ciangin kilemna ahi hi, lungnemna ahi hi, zol baihna ahi hi, hehpihna leh gah pha tawh a dim hi, maitang zahtakna leh simtatna a om kei hi.

Jeim 1:5

Note lakah khatpeuh peuh in lungpilna a deih leh, kosiatna a nei lo, mi khempeuh a kigen thei lo-a a pia nuam Pasian kiangah thungen ta hen. A nget leh a ngah ding hi.

Paunak 2:6

Bang hang hiam cih leh pilna a piapa in Topa hi a, amah in pilna leh siamna a hilhpa ahi hi.

1 KUMPI MASATE 4:34

Mi khempeuh sungpan, leh leitung kumpi khempeuh sung panin Solomon’ pilna a za dingin ama pilna a zasate hong pai uh hi.

Efesa 1:17

Ka thungetna in: eite Topa Zeisu Khazih’ Pasian, vangliatna Pa in amah theihtel nadingin pilna ahi zongin, theih baihna lungsim ahi zongin hong piak nadingin,

1 KORIN MASA 12:8

Bang hang hiam na cih uh leh, tua Kha Siangtho tawh mi khat kiangah pilna thu a pia hi. Tua Kha Siangtho tawh mi khat kiangah siamna thu a pia hi.

1 KORIN MASA 1:30

Tua Pasian hangin note in Khazih Zeisu sungah na om uh hi. Tua Khazih Zeisu in eite ading Pasian kiang pan pilna, dikna, sian’thona leh tatkhiatna hong suak zo hi.

Luka 21:15

Bang hang hiam na cih uh leh, na galte khempeuh un hong nial theih loh hong sel theih loh nadingin gen theihna kam leh pilna note kong pia ding hi.

Daniel 5:11

Na gam sungah a siangtho pasiante’ kha a nei mi khat a om hi. Na pa kumpi ahih lai takin, tua mipa in pasiante’ pilna tawh a kibang pilna, theihna leh lungsim navakna a nei hi. Tua hi a, na pa Nebukhadnezzar kumpipa in tua pa aisan theite, mitphial siamte, khongkhai siamte leh aksi et siamte’ ukpi dingin a koih hi.

Daniel 1:17

Pasian in tua khangno lite lai theih siamna leh pilna thukte a pia hi. Daniel pen mangmuhna leh mang khiat siamna a pia hi.

Isaiah 11:10

Tua ni ciangin Jessi’ zung pen mihingte’ tungah lim khat hi ding hi; minamte in ama kiangah kikhawm ding uh a, ama tawlngakna mun pen minthang mahmah ding hi.

Isaiah 11:2

Ama tungah, Topa’ Kha ahi, lungpilna leh thu theihtelna Kha, thu lamlah siamna leh vangliatna Kha, theihna leh Topa kihtakna Kha om ding hi.

1 KUMPI MASATE 3:28

Tua ciangin Israel khempeuh in kumpipa’ piak thukhenna za uh hi; thutang a sem dingin ama tungah Pasian in pilna pia hi, ci-in phawk uh ahih manin amaute in kumpipa lamdangsa-in om uh hi.

2 KHANG TANGTHU NIHNATE 9:22

Tua bangin kumpi Solomon in hauhna leh pilna tawh leitung kumpi khempeuh khupnelh hi.

2 KHANG TANGTHU NIHNATE 9:24

Amaute khempeuh in a letsong ciat uh, ngun leh kham tawh kibawl nate, puante, mirrah paknamtuite, a namtui nate, sakolte, le la-sakolte, a kum kumin tampi tak hong puak uh hi.