2 KHANG TANGTHU NIHNATE 9:10 - Tedim Bible

¹⁰ Tua tham loin Ofir panin kham hong pua kumpi Huram’ nasemte leh Solomon’ nasemte in cingsing leh suangmanphate hong pua uh hi.

Tedim Bible Revision 2017

¹⁰ Tua tham loin Ofir panin kham hong pua Kumpi Hiramʼ nasemte le Solomonʼ nasemte in cingsing le suang manphate hong pua uh hi.

2 KHANG TANGTHU NIHNATE 9:10 Referans Kwoze

2 KHANG TANGTHU NIHNATE 8:18

Tua ciangin kumpi Huram in teembawte leh tuipi a thei a nasemte tawh ama nasemte sawl a, Solomon’ nasemte tawh Ofir-ah pai khawmin tua lai panin kham talen zali leh sawmnga pua-in kumpi Solomon kiang tun’ pih uh hi.

1 KUMPI MASATE 10:11

Tua tham loin Ofir panin kham hong pua Hiram’ teembaw honte in Ofir panin cingsing leh suang manpha tampi tak hong pua hi.

1 KUMPI MASATE 10:22

Bang hang hiam cih leh kumpipa in Hiram’ tembaw honte tawh Tarshish teembaw honkhat tuipi-ah a pai nei hi. Tarshish teembaw honte in kum thumin khat vei hong pai-in kham, ngun, saiha, zawngmaw, leh utongte hong puak zel hi.

2 KHANG TANGTHU NIHNATE 2:8

Taamtaak, taaksan, leh cingsing zong, Lebanon panin hong puak in; bang hang hiam cih leh na nasemte in Lebanon sing phuk ding zia a theihna ka thei hi. Tua ciangin kei adingin sing tampi a sem dingin nangma nasemte in keima nasemte tawh om ding uh hi; bang hang hiam cih leh ka lam ding inn in lianin lamdang ding hi.

2 KHANG TANGTHU NIHNATE 9:9

Tua ciangin amah in kumpipa tungah kham talen zakhat leh sawmnih, leh a namtui nate tampi tak, leh suangmanphate pia hi. Sheba kumpinu in Kumpi Solomon tungah a piak tua bang a namtui nate zahin a hoih om ngei lo hi.

2 KHANG TANGTHU NIHNATE 9:11

Tua ciangin kumpipa in Topa’ inn leh kumpi inn-a cingsing kahlei ding leh lasate’ adingin laiza lasaknate leh harp lasaknate-in zong bawl hi; tua hun ma-in Judah gam sungah tua bang kimu ngei lo hi.

Paunak 31:14

Amah in, sumbukte’ van pua teembaw bangin, gamlapi panin an hong ciahpih hi.