2 KHANG TANGTHU NIHNATE 9:1 - Tedim Bible

¹ Tu-in Sheba kumpinu in Solomon’ minthan’na a zak ciangin thudotna haksate tawh amah a ze-et dingin Jerusalem ah hong pai a, nungzui honpite leh a namtui nate leh kham tampi leh suangmanphate a pua kalaohte hong keng hi. Solomon kiangah amah hong tun’ ciangin a lungsim-a om khempeuh ama tungah gen hi.

Tedim Bible Revision 2017

¹ Tu-in Sheba kumpinu in Solomonʼ minthanna a zak ciangin thudotna haksate tawh a ze-et dingin Jerusalem ah hong pai a, nungzui honpi le a namtui nate le kham tampi le suang manphate a pua kalaohte hong keng hi. Solomon kiangah amah hong tun ciangin a lungsim a om khempeuh ama tungah gen hi.

2 KHANG TANGTHU NIHNATE 9:1 Referans Kwoze

Mattiu 12:42

Khang lam gam kumpinu in, a thukhen ciangin, tu-a khang mite lang khatah ding-in a mawhsak ding hi. Bang hang hiam na cih uh leh, amah in Solomon’ lungpilna thu ngai dingin, lei mong panin a pai hi. Hih lai takah Solomon sangin a lianzaw mi khat a om hi.”

Luka 11:31

Khanglam gam kumpinu in thu a khen ciangin tu-a khang mite langkhat ah ding a, amaute a mawhsak ding hi. Bang hang hiam na cih uh leh, amah in Solomon’ lungpilna thu ngai dingin, leimong panin a hong pai hi. Hih lai takah Solomon sangin a lianzaw mi khat a om hi.

2 KHANG TANGTHU NIHNATE 9:9

Tua ciangin amah in kumpipa tungah kham talen zakhat leh sawmnih, leh a namtui nate tampi tak, leh suangmanphate pia hi. Sheba kumpinu in Kumpi Solomon tungah a piak tua bang a namtui nate zahin a hoih om ngei lo hi.

Piancilna 10:7

Kush’ tapate: Seba, Havilah, Sabtah, Raamah, leh Sabteka ahi hi. Raamah' tapate: Sheba leh Dedan ahi hi.

Mattiu 13:35

Bang hang hiam i cih leh; “Ka kam ka-in thugentehna-in ka hilh ding hi. Lei pian’cil a kipan, thu ki-im khempeuh ka pulak ding hi,” ci-a Pasian’ kamsangte tungah a gensa a tun’ nading hi.

Mattiu 13:11

Zeisu in, “Note in Vantung Gam thu theih hakte na theih nadingun thu hong pia hi. Amaute ahih uh leh, a theih nadingun thu kipia lo hi.

Mattiu 12:34

No mualtan’ suante aw, no gilo na hih uh ciangin kam hoih bangci gen theih ding na hi uh hiam? Bang hang hiam na cih uh leh, lungsim dima om bangin kam in a gen thei hi.

Mattiu 2:11

inn sungah a lut uh leh, naupang leh a nu Mari a muh uh ciangin a bia uh hi. Amau van a suah khit uh ciangin kham leh paknamtui leh mirrah a pia uh hi.

Isaiah 60:6

Midian mite leh Ephah mite’ kalaohnote, kalaoh honpite in nang hong tuam ding uh a, Sheba gam sunga om khempeuh hong pai ding uh hi. Amaute in kham leh paknamtui hong paipih ding uh a, Topa phatna taangko ding uh hi.

Paunak 1:6

paunakte leh thugentehnate thei-in, mipilte’ kampau leh a thugente a theih nading.

Late 142:2

Ama mai-ah ka lungkim lohna ka sung a, ama mai-ah ka haksatna ka gen hi.

Late 78:2

Note tungah thu kong gen ding hi. I pu i pate in hong gensa, eite in i zaksa leh i theihsa, taanglai-a thuthukte kong genkhia ding hi.

Late 72:15

Amah khan’sau hen la, Sheba gam-a khamte ama tungah kipia ta hen! Ama adingin thu kingetsak tawntung hen la, sun thapai-in ama adingin thupha kingetsak ta hen!

Late 72:10

Tarshis kumpite leh tuikulh neu-a kumpite in ama tungah siah pia uh hen la, Sheba leh Seba kumpite in letsong puak ta uh hen!

Late 49:4

Paunak thu theih hak khat ka ngai ding a, laiza lasakna tawh a khiatna ka gentel ding hi.

2 KHANG TANGTHU NIHNATE 1:12

pilna leh theihnate nangma tungah hong kipia hi. Nang ma-a kumpite kuamah in a neih ngei loh, nang khit-ate kuamah in zong tua bang a neih loh ding, hauhnate, neihnate, leh pahtawina zong, nangma tungah kong pia ding hi,” a ci hi.

2 KHANG TANGTHU NIHNATE 1:1

David’ tapa Solomon in ama kumpi gam kho takin lenkip hi, bang hang hiam cih leh Topa ama Pasian in ompih a, a lian mahmahin amah bawl hi.

1 KUMPI MASATE 4:31

Bang hang hiam cih leh mi dang khempeuh sangin amah pil zaw a, Ezrah mi Ethan, leh Mahol, tapa Heman, Kalkol, leh Darda sangin pil zaw hi; ama minthan’na in a kiim-a minam khempeuh lakah kizeel hi.

1 SAMUEL MASA 1:15

Ahih hangin Hannah in dawngin, “Hi lo hi, ka topa aw, keimah in nakpi takin a lungkham numei ka hi hi; leenggahzu ahi a, kham theih zu ahi zongin ka dawn kei hi, Topa mai-ah ka lungsim a sungkhia ka hi hi.

Piancilna 25:3

Jokshan in Sheba leh Dedan’ pa ahi hi. Dedan’ tate in Asshurim, Letushim leh Leummim ahi hi.

Piancilna 10:28

Obal, Abimael, Sheba,

2 KHANG TANGTHU NIHNATE 9:2

Tua ciangin Solomon in ama dotna khempeuh dawng hi; Solomon in ama tungah a gentel theih loh haksa a sakluat bangmah om lo hi.