2 KHANG TANGTHU NIHNATE 8:14 - Tedim Bible

¹⁴ A pa David’ biakna ngeina kip tawh kizui-in, amau’ nasepna dingin siampite a pawlpawlin a kikhennate, leh ni simin nasepna-ah a kisam bangin siampite’ mai-ah Levi mite phatna panmunte leh nasepna, leh kongpi tampite’ adingin kongcingte amau’ pawl kikhenna ciatah amah in seh hi; bang hang hiam cih leh tua bangin Pasian’ mipa David in thu pia hi.

Tedim Bible Revision 2017

¹⁴ A pa Davidʼ biakna ngeina kip tawh kizui-in, nasep nadingin siampite a pawlpawlin a kikhennate le nisim nasepna ah a kisam bangin siampiteʼ mai ah Levi mite phatna la sak panmunte le kongpi tampite-aʼ dingin kongcingte amauʼ pawl kikhenna ciatah amah in seh hi; bang hang hiam cih leh tua bangin Pasianʼ mipa David in thupia hi.

2 KHANG TANGTHU NIHNATE 8:14 Referans Kwoze

1 KHANG TANGTHU MASATE 9:17

Kulhkongpi cingte in: Shallum, Akkub, Talmon, leh Ahiman hi a, Shallum in amau’ makaipa ahi hi.

Nehemiah 12:36

leh ama behte Shemaiah, Azarel, Milalai, Gilalai, Ma-ai, Nethanel, Judah, Hanani-te, Pasian’ mi David’ lasakna nate tawh pai uh a, tuate lakah lai theipa Ezra masa hi.

Nehemiah 12:24

Tua ciangin Levi mi ukpite in: Hashabiah; Sherebiah, Jeshua, Binnui, leh Kadmiel hi uh a, Pasian’ mi David’ thupiakna bangin a ban banin phatna lasa ding leh lungdam ko dingin a sanggamte uh tawh na a sem ding uh ahi hi.

Ezra 6:18

Tua ciangin Moses laibu sungah a kigelh bangin Jerusalem a, Pasian’ nasep nadingin siampite amau’ panmun ngei-ah pangsak uh a, Levi mite amau nasepna ngei-ah sem sak kik uh hi.

Sawltak 13:36

David in Pasian’ deih bangin ama khan’ lai-in na a sep khit ciangin si a, a pute a pate tawh kivui khawm a, muatna a thuak hi.

Sawltak 13:22

Tua pa a khinkhiat khit ciangin David kumpipa a koih hi. ‘Ka deih bangin a sem ding, ka lungsim tawh kituak mi, Jessi’ tapa David ka mu zo hi,’ ci-in amah ading teci a pang hi.

Luka 1:8

Zekhariah in ama pawlte tawh a ban ban Pasian mai-ah siampi na a sep hun tung a; siampite za ngeina bangin biakna innpi sungah lutin, paknamtui mei tawh hal nading thu a ngah hi.

Luka 1:5

Judah gam Herod kumpipa a man’ lai-in Abijah pawlte lakah Zekhariah a min nei siampi khat a om hi. Tuapa’ zi in Aaron suan hi a, a min Elisabeth ahi hi.

2 KHANG TANGTHU NIHNATE 35:10

Nasep nading a kithawi khit uh ciangin, siampite amau’ munah ding a, kumpipa’ thupiakna bangin Levi mite amau’ khen sungah om uh hi.

2 KHANG TANGTHU NIHNATE 31:2

Tua ciangin Hezekiah in siampite leh Levi mite amau’ nasep ciat tawh kizui-in a khen a khenin seh a, siampite leh Levi mite in meihal biaknate leh thu-nuama biaknate pia-in, Topa’ inn sung phual tuamtuamte huang sungah nasemin lungdam kohna leh phatna a bawl ding ahi uh hi.

2 KHANG TANGTHU NIHNATE 23:4

Hih in note’ hih ding ahi hi; sabbath ni-in nasep a peng no siampite leh Levi mite sung panin seh-thum-suah-seh-khat kulhkongpi cingte na hi ding uh a,

2 KHANG TANGTHU NIHNATE 5:11

Siangtho mun panin siampite hong pusuakin (bang hang hiam cih leh amau’ pawlte cih tuam om loin tua lai-a om siampite khempeuh amau mahmah kisian’suah uh hi;

1 KHANG TANGTHU MASATE 28:19

Nasep ding khempeuh geelsa bangin sep dingin hih thu tawh kizui-in Topa’ genna bangin lai-in gelhna tawh amah in hihte khempeuh a siangin hih hi.

1 KHANG TANGTHU MASATE 23:1

Tu-in David teekin kum tampi pha a, amah in Israel tungah kumpi-in a tapa Solomon koih hi.

1 KHANG TANGTHU MASATE 16:42

Heman leh Jeduthun in la aw dingin peengkulte leh daltuahte nei uh a, biakna la sak nadingin lasakna nate nei uh hi. Jeduthun’ tapate kulhkongpi cing dingin kiseh hi.

1 KUMPI MASATE 13:1

En in, Topa’ thu tawh Judah panin Pasian’ mi khat Bethe-el ah hong pai hi. Paknamtui hal dingin biakna tau gei-ah Jeroboam na ding hi.

2 SAMUEL NIHNA 23:2

“Topa’ Kha in kei tung tawnin thu hong gen a, ka kam sungah ama thugente om hi.

Thu-hilhkikna 33:1

Hih in, Pasian mi Moses in ama sih ma-in Israel mite thupha a piakna ahi hi.

1 KHANG TANGTHU MASATE 16:37

Tua ahih ciangin David in ni sim-a a kisam bangin thuciamna singkuang mai-ah na a sem tawntung dingin Asaf leh a Levi mipihte Topa’ thuciamna singkuang mai-ah nusia a,

1 KHANG TANGTHU MASATE 24:1

Aaron’ suante a kisehkhennate in hihte ahi hi. Aaron’ tapate in: Nadab, Abihu, Eleazar, leh Ithamar ahi uh hi.

1 KHANG TANGTHU MASATE 25:1

David leh nasepna ah a ukpite in zong laiza lasaknate, harp lasaknate, leh daltuahte tawh mai lam thu a genkhol dingin Asaf, Heman, leh Jeduthunte’ tapate pawlkhat nasepna-a dingin koih tuam uh hi. Na a semte leh amau’ nasepte in:

1 KHANG TANGTHU MASATE 26:1

Kongcingte a kiseh khennate in: Korah behte sung panin, Asaf innkuan sung panin Kore’ tapa Meshelemiah ahi hi.

2 KHANG TANGTHU NIHNATE 8:15

Thu khatpeuh peuh leh van manpha koihnate tawh kisai-in kumpipa in siampite leh Levi mite a thupiakna bang teekteekin amaute in sem uh hi.

2 KHANG TANGTHU NIHNATE 29:25

Tua ciangin amah in David leh kumpipa’ thu-mupa Gad leh kamsang Nathan’ thupiakna bangin Topa’ biakinn sungah daltuahte, harp lasaknate, leh laiza lasaknate tawh Levi mite koih hi; bang hang hiam cih leh tua thupiakna in a kamsangte’ tung tawnin Topa kiang pan hong pai ahi hi.

2 KHANG TANGTHU NIHNATE 35:4

Note a khen khenin na beh uh tawh kizui-in kithawi un la, Israel kumpipa David’ lam lahna leh a tapa Solomon’ lam lahna zui un.

1 KHANG TANGTHU MASATE 9:24

Kongpi cingte in a pang li, nisuahna, nitumna, leilu, leh leitaw lamah om uh hi;

1 KHANG TANGTHU MASATE 24:3

Eleazar’ suan Zadok, leh Ithamar’ suan Ahimelek’ huhna tawh David in amau’ nasepna ah a kiseh bangin Aaron’ suante a koih hi.

2 KHANG TANGTHU NIHNATE 23:19

Lam khat peuhpeuh ah a nin mi khat peuhpeuh hong lut loh nadingin Topa’ biakinn kulhkongpite ah amah in kulh kongpi cingte koih hi.

2 KHANG TANGTHU NIHNATE 35:15

David’ thupiak bangin Asaf behte ahi lasate, leh Asaf, leh Heman, leh kumpipa’ thu-mupa Jeduthunte amau’ munah om uh hi; kulhkongpi cingte kulhkongpi ciatah om uh hi; amau’ sanggam Levi mite in amau’ adingin kithawi sak uh ahih manin amau’ nasepna pan amau a paikhiat ding uh kisam lo hi.

Nehemiah 12:25

Mattaniah, Bakbukiah, Obadiah, Meshullam, Talmon, leh Akkubte in vankoihna kongpite a cing kongcingte ahi uh hi.