2 KHANG TANGTHU NIHNATE 7:9 - Tedim Bible

⁹ Tua ciangin a ni giat ni-in amaute in a thukhupna kikhopna khat nei uh hi; bang hang hiam cih leh amaute in biakna tau apna ni sagih sung pawikham uh hi; pawi dang ni sagih sung kibawl beh lai hi.

Tedim Bible Revision 2017

⁹ Tua ciangin a ni giat ni-in amaute in a thukhupna khat nei uh hi; bang hang hiam cih leh amaute in biakinn apna ni sagih sung pawi kham uh a, tua pawi ni sagih sung kibawl hi.

2 KHANG TANGTHU NIHNATE 7:9 Referans Kwoze

Siampi Laibu 23:36

Ni sagih sung note in Topa tungah meihal biakna na pia ding uh hi; a ni giat ni-in note in a siangtho kikhopna khat nei-in Topa’ tungah meihal biakna na pia ding uh hi; tua in a thupi kikhopna khat ahi hi; note in thatang nasep na sem kei ding uh hi.

Joel 1:14

An tan’ ding thu pia un la, a thupi biak kikhopna bawl un. Note’ Topa Pasian’ inn sungah, makaite leh gam mi khempeuh khawm un la, Topa’ tungah kiko-in thuum un.

Nehemiah 8:18

Tua hi a, akipat ni-a kipan abei ni dong Ezra in ni simin Pasian’ thukham laibu simkhia hi. Amaute in ni sagih sung tua pawikham uh a, a ngeina om bangin a ni giat ni-in pawi khupna a thupi kikhopna khat om hi.

2 KHANG TANGTHU NIHNATE 30:23

Tua ciangin a dang ni sagih sung mah tua pawi a bawl thuah lai ding uh a kikhawm khempeuh thukim uh hi; tua ahih ciangin amaute in lungdamna tawh adang ni sagih sung mah bawl thuah uh hi.

1 KUMPI MASATE 8:65

Tua ahih ciangin tua hunin Solomon leh amah tawh a om Israel khempeuh in Topa i Pasian mai-ah ni sagih sung, Hamath lutna panin Izipt Lui dong kikhopna lianpi khat bawlin pawi khat kham uh hi.

Thu-hilhkikna 16:8

Ni guk sung silngo sawhloh anlum na ne ding uh hi; a ni sagih ni-in Topa na Pasian uh adingin a thupi kikhopna khat om ding hi; tua ni-in na na sem kei ding uh hi.

Gamlak-vakna 7:10

Biakna tau sathau a kinuh ni-in a ap nadingin makaite in biakna pia uh hi; makaite in a biakna uh biakna tau mai-ah pia uh hi.

2 KHANG TANGTHU NIHNATE 7:10

A kha sagihna a ni sawmnih leh ni thum ni-in, Topa in David leh Solomon leh ama mi Israel tungah a hoih a bawlna hangin amah in lungdamna leh kipahna tawh a inn uhah mite ciah khia sak hi.

Paikhiatna 29:37

Biakna tau adingin ni sagih sung kilemna bawlin, na siangthosak ding hi, biakna tau in a siangthopen hi ding hi; biakna tau a lawng peuhpeuh a siangtho suak ding hi.

1 KUMPI MASATE 8:2

Tua ciangin Israel mite khempeuh a kha sagihna ahi Ethanim kha sunga pawi hunin Kumpi Solomon kiangah kikhawm uh hi.