2 KHANG TANGTHU NIHNATE 7:6 - Tedim Bible

⁶ Siampite amau’ panmun uhah ding uh hi; Levi mite zong, Kumpi David in Topa tungah lungdam koh nadingin a bawl Topa’ tungah la sak nading lasaknate tawh ding uh hi—bang hang hiam cih leh ama itna kip tawntung hi—David in amau’ nasepna tawh phatnate a bawl ciangin tua bangin hih uh hi; amaute tawh a kigalsai-ah siampite in peengkulte tum uh hi; tua ciangin Israel khempeuh ding uh hi.

Tedim Bible Revision 2017

⁶ Siampite amau panmun uh ah ding uh hi. Levi mite zong, Kumpi David in Topa tungah lungdam koh nadingin a bawl Topaʼ tungah lasak nading lasaknate tawh ding uh hi. Bang hang hiam cih leh ama itna kip tawntung hi. David in amauʼ nasepna tawh phatnate a bawl ciangin tua bangin hih uh hi. Amaute tawh a kigalsai ah siampite in peengkulte tum uh a, Israel mi khempeuh zong a ding uh hi.

2 KHANG TANGTHU NIHNATE 7:6 Referans Kwoze

2 KHANG TANGTHU NIHNATE 5:12

tua ciangin Levi mi lasate Asaf, Heman, leh Jeduthun, amau’ tapate leh a behte, saihadial puan tawh kizemin, daltuahte, harp lasaknate, leh laiza lasaknate tawi-in peengkul tum siampite za leh sawmnih tawh biakna tau nisuahna lamah ding khawm uh hi;

2 KHANG TANGTHU NIHNATE 7:3

Israel mite khempeuh in meikuang hong pai sukin Topa’ minthan’na biakinn tungah a om a muh uh ciangin suangphah tungah lei lam maingatin kun uh a, bia-in Topa tungah lungdamna ko-in, “Topa tungah lungdam koh ding hoih hi; bang hang hiam cih leh ama itna kip tawntung hi,” a ci hi.

Amos 6:5

David bangin la phuah nuam na sa uh a, la saknate na tum nuam uh hi.

Isaiah 52:6

Tua ahih ciangin ka mite in keima min hong thei ding uh a, thu a genkholpa pen keimah ka hihna tua ni ciangin amaute in hong thei ding uh hi; keimah in hih lai-ah ka om hi,” a ci hi.

Late 138:8

Topa in kei adinga a ngaihsutna tung sak ding hi; Topa aw, na itna kip kho tawntung hi. Na sepsa na maban hong tun in.

Late 107:1

Topa tungah lungdamna ko un, bang hang hiam cih leh amah hoih a, ama itna kip kho tawntung hi!

Late 106:1

Topa phat un! Topa tungah lungdamna ko un, bang hang hiam cih leh amah hoih a, ama itna kip kho tawntung hi!

Late 87:7

Tua sung a teeng mi khempeuh in a kibangin, “Ka lungdamna bulpite khempeuh uh nangma sungah om hi,” ci ding uh hi.

2 KHANG TANGTHU NIHNATE 29:25

Tua ciangin amah in David leh kumpipa’ thu-mupa Gad leh kamsang Nathan’ thupiakna bangin Topa’ biakinn sungah daltuahte, harp lasaknate, leh laiza lasaknate tawh Levi mite koih hi; bang hang hiam cih leh tua thupiakna in a kamsangte’ tung tawnin Topa kiang pan hong pai ahi hi.

1 KHANG TANGTHU MASATE 16:34

Amah hoih ahih manin Topa tungah lungdamna ko un; bang hang hiam cih leh a itna kip a tawntungin a kho hi!

1 KHANG TANGTHU MASATE 15:24

Siampite Shebaniah, Joshafat, Nethanel, Amasai, Zekhariah, Benaiah, leh Eliezer-te in Pasian’ thuciamna singkuang mai-ah peengkulte tum ding uh hi. Obededom leh Jehiah-te zong thuciamna singkuang’ adingin kongcingte hi ding uh hi.

1 KHANG TANGTHU MASATE 13:8

Tua ciangin David leh Israel khempeuh in Pasian’ mai-ah la leh laiza lasakna leh harp lasakna leh khuangneute leh daltuahte leh peengkulte leh a tha neih zah uh tawh gualnopna bawl uh hi.

Joshua 6:4

Siampi sagih in thuciamna singkuang mai-ah tuutal ki peengkul sagih tawi ding uh hi; a ni sagih ni-in khuapi kimkotah sagihvei na pai ding uh a, siampite in peengkul tum ding uh hi.

2 KHANG TANGTHU NIHNATE 7:5

Kumpi Solomon in biakna-in bawngtal tul sawmnih leh tulnih leh tuutal zakhat leh tul sawmnih pia hi. Tua ahih ciangin kumpipa leh mi khempeuh in Pasian’ inn ap uh hi.

2 KHANG TANGTHU NIHNATE 5:13

aw kikhatin phatin Topa tungah lungdam koh ding pen peengkul tumte leh lasate’ nasep ahi hi), peengkulte leh daltuahte leh adang lasaknate tawh, “Topa tungah lungdam koh ding hoih hi, bang hang hiam cih leh ama itna kip tawntung hi,” ci-in Topa phatna-in la a kisak ciangin, Topa’ inn in meii tawh kidim a,

2 KHANG TANGTHU NIHNATE 23:18

Tua ciangin Jehoiada in David hih ngei bangin, Moses’ thukham sungah a kigelh bangin lungdamna leh lasakna tawh, Topa’ tungah meihal biakna a pia dingin, Topa’ biakinn a en dingin David in a vaihawmsa Levi siampite leh Levi mite’ ukna nuai-ah Topa’ biakinn adingin galvilte koih hi.

2 KHANG TANGTHU NIHNATE 29:27

Tua ciangin biakna tau tungah meihal biakna a kipiak nading Hezekiah in thu pia hi. Meihal biakna a kipat ciangin Topa’ tungah lasakna zong kipan a, Israel kumpi David’ lasaknate in peengkulte pawm hi.

Ezra 6:18

Tua ciangin Moses laibu sungah a kigelh bangin Jerusalem a, Pasian’ nasep nadingin siampite amau’ panmun ngei-ah pangsak uh a, Levi mite amau nasepna ngei-ah sem sak kik uh hi.