2 KHANG TANGTHU NIHNATE 7:5 - Tedim Bible

⁵ Kumpi Solomon in biakna-in bawngtal tul sawmnih leh tulnih leh tuutal zakhat leh tul sawmnih pia hi. Tua ahih ciangin kumpipa leh mi khempeuh in Pasian’ inn ap uh hi.

Tedim Bible Revision 2017

⁵ Kumpi Solomon in biakna-in bawngtal tul sawm nih le tul nih le tuu tul za khat le tul sawm nih pia hi. Tua bangin kumpipa le mi khempeuh in Pasianʼ biakinn a ap uh hi.

2 KHANG TANGTHU NIHNATE 7:5 Referans Kwoze

Johan 10:22

Jerusalem khua-ah ki-apna pawikhamna a om lai takin phalbi lai hi a;

Micah 6:7

Topa kiangah, tuu a tul tulin va puakin, gun tui bangin sathau va luangsak leng, tuate tawh amah lungdam ding ahi hiam? Ka mawhnate maisak nadingin ka ta upa pen tawh va bia ding ka hi hiam?

Ezekiel 45:17

Gam uk ulianpa in meihal biakna-a piak ding ganhingte, an tawh biakna-a zat dingte, leh pawi khempeuh, kha det ni, sabbath nite-in Israel mibuppite’ adingin tuiphih biaknate a piak ding ama nasep ahi hi. Israel mite’ mawhna a mai theih nadingin mawhna hanga biakna, an tawh biakna, meihal biakna, leh thunuam-a biak piakna-a zat dingte khempeuh amah in a sikh ding ahi hi.

2 KHANG TANGTHU NIHNATE 30:24

Bang hang hiam cih leh Judah kumpipa Hezekiah in biakpiak nadingin a kikhawmte tungah bawngtal tulkhat leh tuu tulsagih pia a, uliante in a kikhawmte tungah bawngtal tulkhat leh tuu tulsawm pia uh hi. Siampite in tampi tak amau mah kisian’suah uh hi.

2 KHANG TANGTHU NIHNATE 15:11

Tua ni-in amaute in gal sung panin a ciahpih uh nate sung panin bawngtal za sagih leh tuu tul sagih tawh Topa tungah biakna pia uh hi.

2 KHANG TANGTHU NIHNATE 5:6

Tua ciangin kumpi Solomon leh ama mai-ah a kikhawm Israelte khempeuh thuciamna singkuang mai-ah om uh a, biakna-in tuu leh bawngtal tampi tak pia uh ahih manin a phazah kisim zo lo hi.

2 KHANG TANGTHU NIHNATE 2:4

En in, Israelte’ adingin a tawntung ading a kikipsaksa bangin, ama mai-ah a namtui nate ahi paknamtui hal nading leh Ompihna Anlum piak tawntung nading, leh sabbath nite leh khadet nite leh Topa i Pasian’ adingin a kisehsa pawi nite-in zing leh nitakin meihal biaknate piak nadingin Topa ka Pasian’ minin inn khat lamin ama tungah a ap ding ka hi hi.

2 KHANG TANGTHU NIHNATE 1:6

Tua ciangin kikhopna bukah a om, Topa mai-a sumngo biaknatau ah Solomon paito-in tua tungah meihal biakna ganhing tulkhat pia hi.

1 KHANG TANGTHU MASATE 29:21

Tua ciangin amaute in Topa tungah biakpiakna bawl uh a, a zing ciangin Topa tungah meihal biakna bawngtal tulkhat, tuutal tulkhat, leh tuuno tulkhat, a leenggahzu tawh a biakna teng tawh, leh Israel khempeuh adingin biak piakna tampi pia uh hi;

Gamlak-vakna 7:10

Biakna tau sathau a kinuh ni-in a ap nadingin makaite in biakna pia uh hi; makaite in a biakna uh biakna tau mai-ah pia uh hi.

2 KHANG TANGTHU NIHNATE 7:4

Tua ciangin kumpipa leh mi khempeuh in Topa’ mai-ah biakna pia uh hi.

2 KHANG TANGTHU NIHNATE 7:6

Siampite amau’ panmun uhah ding uh hi; Levi mite zong, Kumpi David in Topa tungah lungdam koh nadingin a bawl Topa’ tungah la sak nading lasaknate tawh ding uh hi—bang hang hiam cih leh ama itna kip tawntung hi—David in amau’ nasepna tawh phatnate a bawl ciangin tua bangin hih uh hi; amaute tawh a kigalsai-ah siampite in peengkulte tum uh hi; tua ciangin Israel khempeuh ding uh hi.