2 KHANG TANGTHU NIHNATE 7:3 - Tedim Bible

³ Israel mite khempeuh in meikuang hong pai sukin Topa’ minthan’na biakinn tungah a om a muh uh ciangin suangphah tungah lei lam maingatin kun uh a, bia-in Topa tungah lungdamna ko-in, “Topa tungah lungdam koh ding hoih hi; bang hang hiam cih leh ama itna kip tawntung hi,” a ci hi.

Tedim Bible Revision 2017

³ Israel mite khempeuh in meikuang hong pai sukin Topaʼ minthanna vang biakinn tungah a om a muh uh ciangin suangphah tungah lei lam maingatin kun uh a, Pasian bia-in Topaʼ tungah lungdamna ko-in, “Topaʼ tungah lungdam koh ding hoih hi; bang hang hiam cih leh ama itna kip tawntung hi,” a ci uh hi.

2 KHANG TANGTHU NIHNATE 7:3 Referans Kwoze

2 KHANG TANGTHU NIHNATE 5:13

aw kikhatin phatin Topa tungah lungdam koh ding pen peengkul tumte leh lasate’ nasep ahi hi), peengkulte leh daltuahte leh adang lasaknate tawh, “Topa tungah lungdam koh ding hoih hi, bang hang hiam cih leh ama itna kip tawntung hi,” ci-in Topa phatna-in la a kisak ciangin, Topa’ inn in meii tawh kidim a,

2 KHANG TANGTHU NIHNATE 20:21

Amah in mite tawh thu a kikup khit ciangin, galkapte mai-ah amaute a pai kawmin, “ Topa tungah lungdamna ko un, bang hang hiam cih leh ama itna kip tawntung hi,” ci-in biakna puan silhin Topa tungah la sa-in amah a phat dingte seh hi.

Luka 1:50

Amah kihta mite tungah, Khang khat pan khang khat dongin ama hehpihna a om tawntung ding hi.

Isaiah 63:7

Topa’ itna kip, Topa phatnate, Topa in eite tunga hong piak na hoihte khempeuh tawh kizui leh, ama hehpihna tawh kizui, a lianpi ama itna kip tawh kizui-in amaute tunga a piak, Israel innkuan tunga ama hoihna lianpite ka gengen ding hi.

Ezra 3:11

tua ciangin amaute in Topa phatna leh lungdam kohna a kidawngin sa uh a, “Topa tungah lungdam koh ding hoih hi, bang hang hiam cih leh Israelte hong itna kip tawntung hi,” a ci uh hi. Topa’ inn bulpi kiphut khin ahih manin mi khempeuh in nakpi takin Topa phat uh hi.

Paikhiatna 4:31

Mite in um uh hi; Israel mite' kiangah Topa lungnuam loin, amau’ thuaknate amah in a muh khitna thu amaute in a zak uh ciangin, amaute in a lu uh kunin bia uh hi.

Jeremiah 33:11

Ahih hangin lungdamna aw leh kipahna awte, zi nei thakte leh mothakte’ awte kiza kik ding hi. Mite in Topa’ biakinn ah hong pai-in lungdam biakna pia-in: ‘A vanglian Topa tungah lungdamna pia un. Bang hang hiam cih leh Topa hoih a, ama’ itna kip kho tawntung hi!’ ci-a a lasakna awte uh a kiza kik ding hi. Bang hang hiam cih leh Topa in kong cih-inah a masa-a mah bangin hih gam ka hausak kik ding hi.

Late 103:17

Ahih hangin, Topa’ itna kip pen, amah a zahtak mite tungah a tawntung panin a tawntung dongin kip ngitnget a, ama thumanna pen, ama thuciamna zui-in a thupiakna bangin sep ding a phawk mite’ tungah a khang khangin kip tawntung hi.

Late 95:6

Hong pai un, bia-in kun ni, eite hong Bawl Topa mai-ah khukdin’ ni!

1 KHANG TANGTHU MASATE 29:20

Tua ciangin David in a kikhawmte khempeuh tungah, “Topa na Pasian uh phat un,” a ci hi. Tua ciangin a kikhawmte khempeuh in a pute a pate uh Pasian Topa phat in, a lu uh kun uh a, Topa bia-in kumpipa tungah zahtakna bawl uh hi.

1 KHANG TANGTHU MASATE 16:41

Ama itna kip kho tawntung ahih manin, amaute tawh Heman leh Jeduthun, leh Topa tungah lungdamna a ko dingin a kiteel; a minin a kilo khia a om laite om hi.

1 KUMPI MASATE 18:39

Mi khempeuh in tua thu a muh uh ciangin a mai uh lei lam ngatin puk uh hi; amaute in, “Topa in Pasian ahi hi; Topa in Pasian ahi hi,” a ci uh hi.

Gamlak-vakna 16:22

Amaute boksuk uh a, “Pasian, mi khempeuhte tungah nuntakna a pia Pasian aw, mi khat khial ding a, mihon khempeuhte tungah nang heh ding na hi hiam?” a ci uh hi.

Gamlak-vakna 14:5

Tua ciangin Israel mihon kikhawmte khempeuh’ mai-ah Moses leh Aaron boksuk uh hi.

Siampi Laibu 9:24

Topa mai panin mei hong piang khia-a meihal biakna leh biakna tau tunga om sathau kang hi; mi khempeuh in a muh uh ciangin, amaute awng uh a, lei maingatin puksuk uh hi.

1 KHANG TANGTHU MASATE 16:34

Amah hoih ahih manin Topa tungah lungdamna ko un; bang hang hiam cih leh a itna kip a tawntungin a kho hi!

Late 100:5

Bang hang hiam cih leh Topa hoih hi; ama itna kip-in kho tawntung a, ama thumanna a khang a khangin a kip hi.

Late 106:1

Topa phat un! Topa tungah lungdamna ko un, bang hang hiam cih leh amah hoih a, ama itna kip kho tawntung hi!

Late 107:1

Topa tungah lungdamna ko un, bang hang hiam cih leh amah hoih a, ama itna kip kho tawntung hi!

Late 118:1

Topa tungah lungdamna ko un, bang hang hiam cih leh amah hoih a, ama itna kip kho tawntung hi!

2 KHANG TANGTHU NIHNATE 20:18

Tua ciangin Jehoshafat in a maitang lei lam ngatin kun a, tua ciangin Judah gam leh Jerusalem-a teeng mite khempeuh in zong Topa’ mai-ah pukin Topa bia uh hi.

2 KHANG TANGTHU NIHNATE 29:28

A kikhawm khempeuh in bia-in, lasate in sa uh a, peengkul tumte in tum uh hi; meihal biakna a kiman mateng hihte khempeuh hih paisuak uh hi.

2 KHANG TANGTHU NIHNATE 29:29

Biak piakna a kiman ciangin kumpipa leh amah tawh a om khempeuhte in kunin bia uh hi.

2 KHANG TANGTHU NIHNATE 29:30

Tua ciangin David’ kammalte leh thu-mupa Asaf’ kammalte zangin Topa’ tungah phatna la a sak nadingun kumpipa Hezekiah leh uliante in Levi mite thu pia uh hi. Tua ciangin amaute in lungdamna tawh phatna late sa uh a, kunin bia uh hi.