2 KHANG TANGTHU NIHNATE 7:10 - Tedim Bible

¹⁰ A kha sagihna a ni sawmnih leh ni thum ni-in, Topa in David leh Solomon leh ama mi Israel tungah a hoih a bawlna hangin amah in lungdamna leh kipahna tawh a inn uhah mite ciah khia sak hi.

Tedim Bible Revision 2017

¹⁰ A kha sagihna a ni thum ni-in, Topa in David le Solomon le ama mi Israel tungah a hoih a bawlna hangin amah in lungdamna le kipakna tawh a inn uh ah mite a ciahsak hi.

2 KHANG TANGTHU NIHNATE 7:10 Referans Kwoze

1 KUMPI MASATE 8:66

A ni giat ni-in amah in mite ciahsak hi; amaute in kumpipa thupha pia uh a, Topa in a nasempa David leh ama mi Israel tungah hoihna a lahnate khempeuh hangin lungdamna leh lungsim kipahna tawh a inn ciat uhah ciah uh hi.

Filippi 4:4

Topa sungah lungdam tawntungin om un. Khatvei ka hong genkik-in ah lungdam un!

Sawltak 16:34

Ama innah lutpih a, an vaak a, Pasian a up manin, a innkuanpihte khempeuh tawh a lungdam uh hi.

Sawltak 2:46

Amaute in biakna innpi sungah ni simin lungsim kituakin a om uh a, amau innah anlum balnenin, a siangtho lungdamna tawh anne tuidawn uh a, Pasian a phat uh hi.

Late 105:3

Ama min siangtho sungah lungdam un la, Topa a zong mite lungdam ta hen!

Late 100:2

Lungdamna tawh Topa’ na sem un! Ama omna-ah la sa kawmin hong pai un!

Late 92:4

Bang hang hiam cih leh Topa aw, nangma nasepna tawh kei hong lungdamsak a, nangma nasepnate hangin lungdamin la ka sa hi.

Late 32:11

Thumante aw, Topa sungah lungdamin kipak un, lungsim man mi khempeuh aw, lungdamin awng un!

Nehemiah 8:10

Tua ciangin amah in amaute kiangah, “Tu-in ciah un; an lim tui lim ne-in thadim un la, a nei zo lote zong va kholh un; bang hang hiam cih leh i Topa’ adingin tu ni in biakna ni siangtho ni ahi hi; dah kei un, bang hang hiam cih leh Topa sungah lungdamna in note’ thahatna ahi hi,” a ci hi.

2 KHANG TANGTHU NIHNATE 30:26

Israel kumpi David’ tapa Solomon’ huna kipanin Jerusalem ah hih bang om ngeilo ahih manin Jerusalem ah lungdamna lianpi om hi.

2 KHANG TANGTHU NIHNATE 29:36

Pasian in mite’ adingin a bawlsak thute bangin Hezekiah leh mi khempeuh lungdam uh hi; bang hang hiam cih leh tua thu thakhatin hong piang vat hi.

2 KHANG TANGTHU NIHNATE 6:41

“Tu-in ding-in Topa Pasian aw, na tawlngakna ding munah, na vangliatna singkuang tawh pai in. Topa Pasian aw, na siampite, gupna tawh zem in la, na hoihna ah na mi siangthote lungdam ta hen.

Thu-hilhkikna 16:14

na pawi sungah nang leh na tanu leh na tapa, na nasem numei leh na nasem pasal Levi mi, peemta, pa nei lo, leh na khua sunga om meigong numeite tawh na lungdam khawm ding uh hi.

Thu-hilhkikna 16:11

Topa na Pasian uh mai, ama min om nadingin Topa na Pasian un a telna munah, nang leh na tanu leh na tapa, na nasem numei leh na nasem pasal, na khua sunga om Levi mi, peemta, pa nei lo, note lakah a om meigong numeite tawh na lungdam khawm ding uh hi.

Thu-hilhkikna 12:18

Topa na Pasian un a teelna munah note leh na tapa leh na tanu, na nasem pasal leh na nasem numei, na khuapi sunga om Levi mite in Topa na Pasian uh mai-ah na ne ding uh hi; na hihna khempeuh uhah Topa na Pasian uh mai-ah na lungdam ding uh hi.

Thu-hilhkikna 12:12

Topa na Pasian uh mai-ah note leh na tapate leh na tanute, na nasem pasalte uh leh na nasem numeite uh, leh note neih bangin tanh ahi a, luah ahi zongin a nei lo na khua sunga om Levi mite tawh lungdam khawm un.

Thu-hilhkikna 12:7

Topa na Pasian uh a omna tua lai munah na ne ding uh a, Topa na Pasian un note thupha hong piakna hangin na hihna khempeuh uhah note leh na innkuanpihte na lungdam ding uh hi.

Paikhiatna 18:1

Moses’ sungpa, Midian siampi Jethro in Moses leh ama' mi Israelte’ adingin Pasian’ bawlsa khempeuh, Topa in Izipt panin Israel mite a paikhiatpihna thu za hi.

2 KHANG TANGTHU NIHNATE 7:9

Tua ciangin a ni giat ni-in amaute in a thukhupna kikhopna khat nei uh hi; bang hang hiam cih leh amaute in biakna tau apna ni sagih sung pawikham uh hi; pawi dang ni sagih sung kibawl beh lai hi.

2 KHANG TANGTHU NIHNATE 7:11

Tua bangin Solomon in Topa’ inn leh kumpi inn zo hi; Solomon in Topa’ inn leh ama inn sungah hih dinga a geel khempeuh nuam takin zo hi.

Ezekiel 45:25

A kha sagihna a ni sawm-le-nga ni-in nipi kal khat sung a kibawl ding Buk Pawi kipan ding a, mawhna hanga biak piakna, meihal biakna, leh an tawh biakna-a piak dingin an leh sathaute, nisimin a kisam zah, gam uk ulianpa in pia ding hi.