2 KHANG TANGTHU NIHNATE 7:1 - Tedim Bible

¹ Solomon a thunget a tawp ciangin, vantung panin meikuang hong pai sukin meihal biakna leh biak piaknate haltum a, tua ciangin Topa’ minthan’na in biakinn hong dim hi.

Tedim Bible Revision 2017

¹ Solomon a thunget a tawp ciangin, vantung panin meikuang hong pai sukin meihal biakna le biakpiaknate kaang tum a, tua ciangin Topaʼ minthanna vang biakinn sung hong dim hi.

2 KHANG TANGTHU NIHNATE 7:1 Referans Kwoze

1 KUMPI MASATE 18:38

Tua ciangin Topa’ meikuang hong kia a, a meihal biakna, a sing, a suangte, leh a leivui kangtumin, hawklam sunga om tui nangawn liak tum hi.

1 KHANG TANGTHU MASATE 21:26

Tua ciangin David in tua lai-ah Topa’ adingin biakna tau khat lamin meihal biaknate leh thu-nuama biaknate bawlin Topa’ tungah thu ngen a, tua ciangin amah in a thungetna a piakna-in a meihal biakna a hal dingin vantung panin meikuang pia suk hi.

1 KUMPI MASATE 18:24

Tua ciangin note in na pasian tung uhah thu ngenin, keimah in Topa tungah thu ka ngen ding hi; tua ciangin thungetna mei tawh hong pia pasian in Pasian taktak ahi hi,” a ci hi. Tua ciangin mi khempeuh in dawngin, “Hih thugen hoih hi,” a ci uh hi.

Ezekiel 44:4

Tua ciangin a mipa in leilu lam kongpi tawnin biakinn mai-ah hong paipih a, ka khuadak leh, Topa’ biakinn sung khempeuh, ama minthan’na tawh na kidim hi. Kei zong leilak kiden’na-in ka boksuk hi.

Ezekiel 43:5

Tua ciangin Kha in hong la-in a tual sungnungah hong paipih a, tua lai panin, Topa’ minthan’na tawh biakinn sung a kidimna ka mu hi.

Piancilna 15:17

Ni tumin khua a mial khit ciangin, en in, hih sate kikal-ah mei beel khu leh a kuang meivak pai hi.

Thukhente 6:21

Tua ciangin Topa’ vantungmi in a khut sunga om ciangkhut dawn dawksakin, sa leh silngo sawhloh mohte su hi; a suang panin mei piangkhia-in sa leh silngo sawhloh moh kangtum hi; tua ciangin ama muhna panin Topa’ vantungmi mang hi.

Mangmuhna 21:23

Ni tan’na, kha tan’na zong tua khuapi-ah a kisam kei hi. Bang hang hiam na cih uh leh, Pasian’ vang in tua khuapi a tangsak a, Tuuno in zong tua khuapi’ meivak ahi hi.

Sawltak 4:31

Tua thu a nget khit uh ciangin a kikhopna mun uh liing a, amaute khempeuh Kha Siangtho tawh kidimin Pasian’ thu hang takin a gen uh hi.

Daniel 9:20

Keima mawhna leh ka mipih Israelte’ mawhna pulakin, ka Topa Pasian kiangah a mual siangtho a hong puahkik nadingin thuumin thu ka ngenngen hi.

Isaiah 65:24

Amaute in hong sap ma-in ke’n ka dawng ding a, thu a gen laitakun ka za ding hi.

Paikhiatna 29:43

Tua lai-ah Israel mite tawh ka kituah ding a, keima' minthan’na in tua mun siangthosak ding hi;

Paikhiatna 19:18

Sinai Mual meikhu in tuamcip hi, bang hang hiam cih leh Topa in mei sungah tua mual tungah kum hi; a khu in meiphualpikhu bangin kahto a, a mual buppi nakpi takin liing hi.

Malakhi 3:4

Tua ciangin Judah mite leh Jerusalem mite’ piak biaknate pen, nidang-ate mah bangin Topa’ mai-ah a lungkimhuai hi ding hi.

1 KUMPI MASATE 9:1

Solomon in Topa’ inn leh kumpipa’ inn leh a lam nop khempeuh a lam a man khit ciangin,

Late 26:8

Topa aw, nangma inn-a teen’ ding leh na minthang a omna mun-ah om ding ka ut hi.