2 KHANG TANGTHU NIHNATE 6:42 - Tedim Bible

⁴² Topa Pasian aw, na sathau nilhpa nial kei in! Na nasempa David na itna sa hong phawk in,” a ci hi.

Tedim Bible Revision 2017

⁴² Topa Pasian aw, na sathau nilh pa nial kei in. Na nasem pa David na itnasa hong phawk in,” a ci hi.

2 KHANG TANGTHU NIHNATE 6:42 Referans Kwoze

Isaiah 55:3

Ka mite aw, ka thu ngai un la, kei kiangah hong pai un; nuntakna na ngah theih nadingun hong za un; David tungah ka kamciam mah bangin, keima itna kip ahi tawntung thuciamna note tawh ka bawl ding hi.

Late 132:1

Topa aw, David na ngaihsutna in a gim thuaknate khempeuh leh, amah in, “Jakob’ Vanglian Pa’ teen’ nading mun, Topa’ ading mun ka muh matengin ka inn sungah ka tum kei ding a, ka lupna ka zuan kei ding hi; ka ihmu kei ding a, ka mitkhute ka kikhupsak kei ding hi,” ci-in Jakob’ Vanglian Pa’ tungah hong thuciamna leh Topa’ tungah hong kiciamnate phawk in.

Sawltak 13:34

‘David kiangah a siangtho leh kip taka ka piak hehpihna thupha note kong pia ding hi,’ ci-in a genkholh mah bangin, tua Topa sihna pan a nungtakik sak a, a nung ciangin a muat nawn kei ding hi.

Isaiah 61:1

A zawng mite tungah lungdamna thu puak dingin Topa in kei sathau hong nilhin hong sawl ahih manin kei tungah Topa Pasian’ kha hong om hi; lungsim kitamzante a damsak ding, sal-a a kimante tungah suahtakna thu a gen ding, a kihen mite’ adingin thong kong a hong ding;

Late 132:10

Na nasempa David tungah thu na ciam zo hi; na sathau nilhpa nial kei in.

Late 89:28

Amah ka itna, ka kipsak tawntung ding a, ama tungah ka thuciamna kip tawntung ding hi.

Late 89:24

Amah it tawntungin, ama tungah ka thutak ding a, amah, ka gualzosak tawntung ding hi.

Late 2:2

Leitung kumpite leh gam ukte in, Topa leh ama sathau nilhpa langpangin vaihawm uh a,

1 KUMPI MASATE 2:16

Tu-in nangma tung panin kong nget ding khat om hi; kei hong nial kei in,” a ci hi. Tua nu in ama kiangah, “Gen in,” a ci hi.

1 KUMPI MASATE 1:34

Israel tungah kumpi-in tua lai munah siampi Zadok leh kamsang Nathan sathau nilhsak un; tua ciangin peengkul tum un la, ‘Kumpi Solomon khan’ sau hen!’ ci un.

Late 84:10

Bang hang hiam cih leh mun dangah ni tulkhat om sangin nangma huang sungah ni khat om hoih zaw hi. Gitlohna inn sungah ka teen’ sangin ka Pasian’ inn kongcingpa ka hi nuamzaw hi.