2 KHANG TANGTHU NIHNATE 6:4 - Tedim Bible

^4-6 Tua ciangin amah in, “‘Izipt gam panin ka mite ka paikhiatpih ni-a kipanin keima min a om nadingin Isreal minam khempeuh sungah inn khat lam nading khuapi khat zong ka teel kei a, keima mi Israel tungah kumpi dingin mi khat zong ka teel kei hi; ahih hangin tu-in ka min a om theih nadingin Jerusalem teelin ka mi Israel tungah a uk dingin David ka teel khin ta hi,’ ci-in gen in, ka pa David tungah a kam tawh a thuciamna a khut tawh a tungsak Israel Pasian, Topa in thupha ngah ta hen.

Tedim Bible Revision 2017

^4-6 Tua ciangin amah in, ‘Egypt gam panin ka mite ka paikhiatpih ni a kipanin keima min a om nadingin Israel minam khempeuh sungah biakinn khat lam nading khuapi khat zong ka teel kei a, keima mi Israel tungah kumpi dingin mi khat zong ka teel kei hi. Ahih hangin tu-in ka min a om theih nadingin Jerusalem teelin ka mi Israel-te tungah a uk dingin David ka teel khinta hi,’ ci-in genin, ka pa David tungah a kam tawh a thuciamna a khut tawh a tungsak Israel Pasian, Topa in thupha ngah tahen.

2 KHANG TANGTHU NIHNATE 6:4 Referans Kwoze

Efesa 1:3

Eite in Pasian mai-ah itna sungah siangthoin, mawhna tawh kikhen nadingin leitung pian’ma-in eite Khazih sungah hong teel mah bangin, vantung tawh kipawl omna-ah thuphate khempeuh tawh Khazih hanga eite hong hehpih i Topa Zeisu Khazih’ Pa Pasian in thupha ngah ta hen.

Mattiu 24:35

Van leh lei a mangthang ding hi; ka thu ahih leh a mangthang ngei kei ding hi.”

Late 68:4

Pasian’ tungah la sa un la, ama min phatna la sa un; meiite tunga tuangpa lasak un; ama min in Topa ahi hi, a mai-ah lungdamin diang un!

Late 41:13

Israel Pasian, Topa in khang tawntungin thupha ngah ta hen! Amen, Amen.

1 KHANG TANGTHU MASATE 29:20

Tua ciangin David in a kikhawmte khempeuh tungah, “Topa na Pasian uh phat un,” a ci hi. Tua ciangin a kikhawmte khempeuh in a pute a pate uh Pasian Topa phat in, a lu uh kun uh a, Topa bia-in kumpipa tungah zahtakna bawl uh hi.

1 KHANG TANGTHU MASATE 29:10

Tua ahih ciangin a kikhawmte khempeuh’ omna ah David in Topa phat hi; tua ciangin David in: “Nang, Topa, ka pu uh Israel Pasian aw, a tawntungin thupha ngah ta in.

1 KHANG TANGTHU MASATE 17:12

Amah in kei adingin inn khat hong lamsak ding a, keimah in ama kumpi tokhom ka kipsak paisuak ding hi.

1 KUMPI MASATE 8:15

Tua ciangin amah in, “Izipt panin ka mi Israelte ka paikhiatpih huna kipanin keima Min a om theih nadingin inn khat lam nading Israel minam khempeuh sungah khuapi khat zong ka teel kei hi; ahih hangin ka mi Israelte tungah a uk dingin David ka teel hi,’ ci-in ka pa David tungah a kam tawh a ciamsa thu a tungsak Israel Pasian, Topa in thupha ngah ta hen.

2 KHANG TANGTHU NIHNATE 6:3

Tua ciangin kumpipa in en kawikawi a, Israel mi a kikhawmte khempeuh a din’ laitakin amaute khempeuh thupha pia hi.

2 KHANG TANGTHU NIHNATE 6:15

ama tungah na gensa bangin na nasem ka pa David tungah a tungsakpa na hi hi; hi hi, na kam tawh thu na gen a, na khut tawh tu ni-in na tungsak hi.

2 KHANG TANGTHU NIHNATE 6:17

Tua ahih ciangin tu-in Israel Pasian, Topa aw, na nasempa David tungah na gensa na kammal kipsak in.

Nehemiah 8:6

Tua ciangin Ezra in a lian Pasian, Topa thupha pia a, mi khempeuh in a khut uh laamto-in, “Amen, Amen,” ci-in dawng uh hi; tua ciangin a lu uh kunin lei lam mai ngatin Topa bia uh hi.