2 KHANG TANGTHU NIHNATE 6:19 - Tedim Bible

¹⁹ Ahi zongin na nasempa’ thungetna leh hong thuumna don in; Topa ka Pasian aw, na nasempa in na mai-ah hong kikona leh hong nget thungetna ngai in;

Tedim Bible Revision 2017

¹⁹ Ahi zongin na nasem paʼ thungetna le hong thumna don in, Topa ka Pasian aw, na nasem pa na mai ah hong kikona le a hong nget thungetna hong ngai in.

2 KHANG TANGTHU NIHNATE 6:19 Referans Kwoze

Johan 17:20

“Hih mite ading bekin thu kong ngen kei hi. Amaute’ thuhilhna hangin kei hong um mite adingin zong thu kong ngen hi.

Late 130:2

Topa aw, ka aw hong za in! Ka thumna aw-gingte hong ngai in!

Late 74:20

Na thuciamna hong pingaihsut in; bang hang hiam cih leh leitung mun mialna khempeuh mi ngongtatte’ omna tawh kidim hi.

Late 4:1

Kong sap ciangin hong dawng in, a thuman ka Pasian! Gimna ka thuak ciangin nopsakna nong pia hi. Kei hong hehpih in la ka thungetna hong za in.

1 KUMPI MASATE 8:28

Ahi zongin na nasempa’ thungetna leh a hong thuumna hong don in la, Topa ka Pasian aw, tu ni-in nangma mai-ah na nasempa in a hong ngetna ahi a kikona leh a thungetna hong ngai in;

2 KHANG TANGTHU NIHNATE 6:18

“Ahih hangin Pasian in mite tawh leitungah hong teeng takpi ding ahi hiam? En in, vantung leh a sangpen vantung in nang hong huam zo lo hi; hih keima lamsa inn in hong huam zo lo zawkan ding hi!

2 KHANG TANGTHU NIHNATE 6:20

na nasempa in hih mun lamah hong thungetna na zak theih nadingin nangmah in na min koih nadingin na ciamsa mun hih inn lam sun leh zanin na mit tawh en in.