2 KHANG TANGTHU NIHNATE 6:13 - Tedim Bible

¹³ Solomon in a dung tong nga, a vai tong nga, a sang tong thum a pha sumngo tau khat bawlin inntual ah koih khin hi; tua ciangin tua tungah amah ding hi. Tua ciangin Israel a kikhawmte khempeuh muhin amah khuk din’in van lamah a khut zan hi;

Tedim Bible Revision 2017

¹³ Solomon in a dung pi sagih le alang, a vai pi sagih le alang, a sang pi li le alang a pha sumngo tau khat bawlin inntual ah a koih khin hi. Tua ciangin tua tungah amah ding hi. Tua ciangin Israel a kikhawmte khempeuhʼ muhin amah khukdinin van lamah a khut zan hi.

2 KHANG TANGTHU NIHNATE 6:13 Referans Kwoze

1 KUMPI MASATE 8:54

Tu-in Solomon in hih thungetna leh thuumnate khempeuh Topa tungah a bawl khit ciangin, vantung lamah a khutte zan sa-in a khukdin’na mun Topa’ biakna tau mai panin amah ding to hi;

Nehemiah 8:4

Tua ciangin thugen nadinga sing tawh kibawl tau tungah lai theipa Ezra dingto a, ama taklam pangah Mattithiah, Shema, Anaiah, Uriah, Hilkiah, leh Ma-aseiah ding uh a, a veilam pangah Pedaiah, Mishael, Malkhijah, Hashum, Hashbaddanah, Zekhariah leh Meshullam ding uh hi.

Late 95:6

Hong pai un, bia-in kun ni, eite hong Bawl Topa mai-ah khukdin’ ni!

Ezra 9:5

Tua hi a, nitak biakpiak hun ciangin khua phawk kikin ka puan keekpi mah silh kawmin khukdin’in Topa ka Pasian’ lamah ka khut zaakin,

Sawltak 21:5

Ni sagih khit ciangin ka paikik uh a, nungzuite khempeuh in, a zite a tate uh tawh khua nawlah kote hong kha uh a, tuipi gei-ah khukdin’in thu ka nget khit uh ciangin,

Sawltak 20:36

Paul in tua bang a gen khit ciangin khukdin’ a, amaute tawh thu a ngen hi.

Luka 22:41

a nungzuite tawh suang lot khat tan bang kikhen a,

Daniel 6:10

Daniel in tua bang thu piakna lai kihawm khia khin zo ta hi cih a theih ciangin a innah a ciah hi. A inn tungnung dei sungah Jerusalem lam a nga kongvang neu thum a om hi. Tua lai takah kongvang neu honsa-in ahih ngei bangin khukdin’ in, ni khatin thum vei ta Pasian kiangah thu a ngen hi.

2 KHANG TANGTHU NIHNATE 4:9

Amah in siampite’ inntual, leh inntual lian, leh inntual kongkhakte bawl a, a kongkhakte sumngo tawh zut hi.

1 KUMPI MASATE 7:12

Tual lianpi in a kimkotah a kiseek suang gual thum leh taamtaak sing gual khat nei hi; tua mah bangin Topa’ inn tual sungnung leh innlim in zong nei hi.

1 KUMPI MASATE 6:36

Amah in a kiseek suang gual thum leh taamtaak sing gual khat tawh atual sungnung bawl hi.

2 KHANG TANGTHU NIHNATE 6:12

Tua ciangin Israel a kikhawmte khempeuh omna Topa’ biaknatau mai-ah Solomon ding-in a khut zan hi.

Paikhiatna 9:29

Moses in ama' kiangah, “Khuapi panin ka paikhiat khit phetin Topa’ lamah ka khut ka zan ding hi; leitung in Topa’ aa hi ci-in na theih nadingin vanging tawpin gialpi om nawn lo ding hi.

Nehemiah 1:4

Hih thu ka zak ciangin tusukin ka kap niloh a, ni tampi sung an tangin, vantung Pasian kiangah thu ka ngen hi.