2 KHANG TANGTHU NIHNATE 6:10 - Tedim Bible

¹⁰ Tu-in Topa in a bawlsa thuciamna tungsak khin hi; bang hang hiam cih leh Topa’ thuciam bangin ka pa David’ munah hong khangin Israel kumpi tokhom ah kong tu a, Israel Pasian, Topa’ min dingin inn ka lam khin hi.

Tedim Bible Revision 2017

¹⁰ “Tu-in Topa in a bawl sa thuciamna tungsak khin hi; bang hang hiam cih leh Topaʼ thuciam bangin ka pa David munah hong khangin Israel kumpi tokhom ah kong tu a, Israel Pasian, Topaʼ min dingin biakinn ka lam khin hi.

2 KHANG TANGTHU NIHNATE 6:10 Referans Kwoze

Thuhilh-sia 1:4

Khang khat bei-in khang khat hong khang a, ahi zongin leitung kibang bang niloh hi.

2 KHANG TANGTHU NIHNATE 1:1

David’ tapa Solomon in ama kumpi gam kho takin lenkip hi, bang hang hiam cih leh Topa ama Pasian in ompih a, a lian mahmahin amah bawl hi.

1 KHANG TANGTHU MASATE 29:23

Tua ciangin a pa David tangin Topa’ kumpi tokhom tungah kumpi-in Solomon tu hi; tua ciangin amah a dau pai a, Israel khempeuh in ama thu mang uh hi.

1 KHANG TANGTHU MASATE 29:15

Bang hang hiam cih leh ka pu ka pate khempeuh uh mah bangin kote in nangma mai-ah mikhualte leh peemtate ka hi uh hi; ka hunte uh leitungah nilim bang hi a, a kip om lo hi.

1 KHANG TANGTHU MASATE 28:5

Tua ciangin ka tapate khempeuh lak panin (bang hang hiam cih leh Topa in kei tungah tapa tampi hong pia hi) Israel tungah Topa’ kumpi tokhom tungah a tu dingin amah in ka tapa Solomon teel khin hi.

1 KHANG TANGTHU MASATE 17:11

Na nuntakna bei-in na pate kiang na zuat ciangin nangma nungah na tapate khat ka khangsak ding a, ama kumpi gam ka kipsak ding hi.

1 KUMPI MASATE 2:12

Tua ahih ciangin a pa David’ tokhom tungah Solomon tu hi; ama kumpi gam kip takin kiphut hi.

2 KHANG TANGTHU NIHNATE 6:9

ahi zongin keima min dingin tua inn a lam dingpa in nangmah hi loin, nangma sung pan hong piang ding na tapa hizaw ding hi,’ a ci hi.

2 KHANG TANGTHU NIHNATE 6:11

Amah in Israel mite tawh a bawl Topa’ thuciamna a kikoihna singkuang tu-in tua lai-ah ka koih khin hi,” a ci hi.

1 KHANG TANGTHU MASATE 22:11

Tu-in ka ta aw, amah in nangma thu a gensa bangin Topa na Pasian’ inn na lamna ah na tangtun’ theih nadingin Topa in nang hong ompih ta hen.