2 KHANG TANGTHU NIHNATE 5:13 - Tedim Bible

¹³ aw kikhatin phatin Topa tungah lungdam koh ding pen peengkul tumte leh lasate’ nasep ahi hi), peengkulte leh daltuahte leh adang lasaknate tawh, “Topa tungah lungdam koh ding hoih hi, bang hang hiam cih leh ama itna kip tawntung hi,” ci-in Topa phatna-in la a kisak ciangin, Topa’ inn in meii tawh kidim a,

Tedim Bible Revision 2017

¹³ Aw kikhatin phatin Topaʼ tungah lungdam koh ding pen peengkul tumte le lasateʼ nasep ahi hi) peengkulte le daltuahte le a dang lasaknate tawh, “Topaʼ tungah lungdam koh ding hoih hi; bang hang hiam cih leh ama itna kip tawntung hi,” ci-in Topa phatna-in la a kisak ciangin, Topaʼ biakinn sung meii tawh kidim a,

2 KHANG TANGTHU NIHNATE 5:13 Referans Kwoze

Ezra 3:11

tua ciangin amaute in Topa phatna leh lungdam kohna a kidawngin sa uh a, “Topa tungah lungdam koh ding hoih hi, bang hang hiam cih leh Israelte hong itna kip tawntung hi,” a ci uh hi. Topa’ inn bulpi kiphut khin ahih manin mi khempeuh in nakpi takin Topa phat uh hi.

Jeremiah 33:11

Ahih hangin lungdamna aw leh kipahna awte, zi nei thakte leh mothakte’ awte kiza kik ding hi. Mite in Topa’ biakinn ah hong pai-in lungdam biakna pia-in: ‘A vanglian Topa tungah lungdamna pia un. Bang hang hiam cih leh Topa hoih a, ama’ itna kip kho tawntung hi!’ ci-a a lasakna awte uh a kiza kik ding hi. Bang hang hiam cih leh Topa in kong cih-inah a masa-a mah bangin hih gam ka hausak kik ding hi.

2 KHANG TANGTHU NIHNATE 7:3

Israel mite khempeuh in meikuang hong pai sukin Topa’ minthan’na biakinn tungah a om a muh uh ciangin suangphah tungah lei lam maingatin kun uh a, bia-in Topa tungah lungdamna ko-in, “Topa tungah lungdam koh ding hoih hi; bang hang hiam cih leh ama itna kip tawntung hi,” a ci hi.

Isaiah 52:8

Ngai un, na galvilte un a aw uh sangsak a, amaute lungdamin lasa khawm uh hi; bang hang hiam cih leh Zion ah Topa hong pai kikna amaute in maitang kituahin mu uh hi.

Late 100:5

Bang hang hiam cih leh Topa hoih hi; ama itna kip-in kho tawntung a, ama thumanna a khang a khangin a kip hi.

2 KHANG TANGTHU NIHNATE 20:21

Amah in mite tawh thu a kikup khit ciangin, galkapte mai-ah amaute a pai kawmin, “ Topa tungah lungdamna ko un, bang hang hiam cih leh ama itna kip tawntung hi,” ci-in biakna puan silhin Topa tungah la sa-in amah a phat dingte seh hi.

ROM (Romans) 15:6

Khazih Zeisu deih bangin khat leh khat kilung tuakin na om nadingun , kithuakzawhna leh hehnepna a pia Pasian in hong hehpih ta hen.

Sawltak 4:32

Thu-um mite in a lungsim leh a ngaihsut uh kikhat a, kuamah in ama neihsa khatpeuh peuh pen ama’ aa tuamin ngaihsun loin, a neih khempeuh uh a neikhawm uh hi.

Jeremiah 32:39

Amaute’ hoih nading leh amaute’ nung-a a tu a tate uh’ hoih nadingin a tawntungin kei hong zahtak nadingun lungsim kikhat leh nuntakdan kikhat ka pia ding hi.

Mangmuhna 15:8

Tua lai takin biakinnpi in Pasian’ vangliatna hangin meikhu tawh dimin, tua vantungmi sagihte’ gimna sagih a bei matengin biakinnpi sungah kuamah a lut thei kei ding hi.

Late 106:1

Topa phat un! Topa tungah lungdamna ko un, bang hang hiam cih leh amah hoih a, ama itna kip kho tawntung hi!

Late 107:1

Topa tungah lungdamna ko un, bang hang hiam cih leh amah hoih a, ama itna kip kho tawntung hi!

Late 118:1

Topa tungah lungdamna ko un, bang hang hiam cih leh amah hoih a, ama itna kip kho tawntung hi!

Paikhiatna 29:43

Tua lai-ah Israel mite tawh ka kituah ding a, keima' minthan’na in tua mun siangthosak ding hi;

1 KHANG TANGTHU MASATE 16:4

Tua tham loin amah in Topa’ thuciamna singkuang mai-ah na semin thu ngen ding, lungdamna ko ding, leh Israel Pasian, Topa a phat dingin Levi mite pawlkhat seh hi.

2 KHANG TANGTHU NIHNATE 7:1

Solomon a thunget a tawp ciangin, vantung panin meikuang hong pai sukin meihal biakna leh biak piaknate haltum a, tua ciangin Topa’ minthan’na in biakinn hong dim hi.

2 KHANG TANGTHU NIHNATE 7:2

Topa’ minthan’na in Topa’ inn dim ahih manin Topa’ inn sungah siampite lut thei lo uh hi.

2 KHANG TANGTHU NIHNATE 7:6

Siampite amau’ panmun uhah ding uh hi; Levi mite zong, Kumpi David in Topa tungah lungdam koh nadingin a bawl Topa’ tungah la sak nading lasaknate tawh ding uh hi—bang hang hiam cih leh ama itna kip tawntung hi—David in amau’ nasepna tawh phatnate a bawl ciangin tua bangin hih uh hi; amaute tawh a kigalsai-ah siampite in peengkulte tum uh hi; tua ciangin Israel khempeuh ding uh hi.

2 KHANG TANGTHU NIHNATE 20:22

Amaute in la sa-in phat ding a kipat uh ciangin, Judah mite do dingin a hong pai Ammon mite, Moab mite, leh Seir Mual gam mite a pangsim ding Topa in koih a, amaute kizo hi.

Nehemiah 12:27

Tua ciangin amaute in daltuahte, harp lasaknate, laiza lasaknate tawh lungdam ko-in lasa-in lungdamna tawh kulhpi apna a bawl dingin Jerusalem ah hong pai theih nadingun Levi mite a omna khempeuh uhah zong uh hi.

Late 22:4

Ka pate un nangmah hong muang hi; amaute in hong muang uh a, nangmah in amaute na honkhia hi.

Late 81:2

La khat phuang-in, khuangno tum-in, a ngaih laiza khausai lasakna leh harp khausai lasakna tum un.

Late 150:3

Peengkul aw tawh amah phat un la, githa lasakna leh harp lasakna tawh amah phat un!

Late 150:5

Daltuahte tawh amah phat un la, nakpi-a ging daltuahte tawh amah phat un!