2 KHANG TANGTHU NIHNATE 4:6 - Tedim Bible

⁶ Amah in kisil nading tuikuang dang sawm zong bawl a, leitaw lamah nga, leilu lamah nga koih hi. Amaute in meihal biakna a, a zatte uh hihte sungah silsiang ding uh a, tuikuangpi in siampite’ kisil nading ahi hi.

Tedim Bible Revision 2017

⁶ Amah in kisil nading tuikuang dang sawm zong bawl a, leitaw lamah nga, leilu lamah nga a koih hi. Amaute in meihal biakna-a a zatte uh hihte sungah silsiang ding uh a, tuikuangpi pen siampiteʼ kisil nading ahi hi.

2 KHANG TANGTHU NIHNATE 4:6 Referans Kwoze

1 KUMPI MASATE 7:38

Tua ciangin amah in sumngo tuikuang sawm bawl hi; tuikuang khatah tambong sawmgiat ta-in, tuikuang tong li ciat pha a, a din’na sawmte adingin tuikuang khat ciat om hi.

Ezekiel 40:38

Tual puanung sungah lampi tawh a kimatin inndei gol khat om a, a inndei pen a tual lam nga hi. Hih lai munah biakna-in a pum a, a hal ding uh ganhing luangte silsiang uh hi.

Late 51:2

Ka khialhna panin kei hong silsiang kiuhkeuh in la, ka mawhna panin hong siangsak in!

1 KUMPI MASATE 7:40

Hiram in beelte, kawbiate, leh kuangte zong bawl hi. Tua ahih ciangin Hiram in Kumpi Solomon’ adingin Topa’ inn a lam nasep khempeuh zo hi;

Mangmuhna 7:14

“Topa aw, nang na thei hi,” ka ci kik a, tua upa in, “Tua mite in gimna lianpi sung pan hong pusuakkhia mi ahi uh hi. Amau puante zong Tuuno’ sisan tawh kisawp siang a, a kipaaksak uh hi.

1 JOHAN MASA 1:7

Amah in khuavak sungah a om mah bangin eite zong khuavak sungah i om leh, khat leh khat kihothei-in, a Tapa Zeisu’ si in eite mawhna khempeuh hong sawpsiang hi.

Hebru 9:23

Tua ahih ciangin vantungah a om nate limte in tuate tawh a siangthosak hi. Ahih hangin vantung nate ahih uh leh, a phazawte tawh a siangthosak hi.

Hebru 9:14

tua tham loin, mawhna nei loin a tawntung Kha Siangtho tawh amahmah Pasian biakna-a kipia Khazih’ sisan in a nungta Pasian biak nadingin nomau pumpi kisuan’na lungsim uhah a om sihna tawh kipawl gamtatnate tawh kipelhin a siangthosak nadingin a bawl theizaw ding hilo ahi hiam?

1 KORIN MASA 6:11

Note kimkhat in nidang lai-inah tuate bangin na om uh zongin, tu-in Topa Zeisu Khazih’ min leh i Pasian’ Kha Siangtho tawh na kisilsiang uh a, siangthona leh dikkisakna na ngah uh hi.

2 KHANG TANGTHU NIHNATE 4:2

Tua ciangin amah in a kisung tuikuangpi bawl hi; tua in a bem hi a, a gei khat pen a gei khat dong tong sawm pha-in, tong nga sang a, a kimkot tong sawmthum pha hi.

Siampi Laibu 1:13

ahih hangin a sungkuate leh a khete amah in tui tawh sil ding hi. Siampipa in a vekpi-in pia-in, biakna tau tungah tuate hal ding hi; tua pen Topa adingin a gim namtui, mei tawh kihal biakna, meihal biakpiakna ahi hi.

Siampi Laibu 1:9

ahih hangin a sungkuate leh a khete tui tawh sil ding hi. Tua ciangin siampipa in mei tawh kihal biakna, Topa adingin a gim namtui, meihal biakna-in biakna tau tungah tuate a vekpi-in hal ding hi.

Paikhiatna 29:4

Aaron leh a tapate kikhopna buk kongkhak-ah na paipih ding a, amaute tui tawh na sil ding hi.

Paikhiatna 30:17

Topa in Moses kiangah,