2 KHANG TANGTHU NIHNATE 4:1 - Tedim Bible

¹ Amah in sumngo biaknatau, a dung tong sawmnih, a vai tong sawmnih a sang tong sawm a pha khat bawl hi.

Tedim Bible Revision 2017

¹ Amah in sumngo biakna tau, a dung pi sawm thum, a vai pi sawm thum, a sang pi sawm le nga a pha khat bawl hi.

2 KHANG TANGTHU NIHNATE 4:1 Referans Kwoze

1 KUMPI MASATE 8:64

Tua ni mahin kumpipa in Topa’ inn mai-a om inntual laizang ap hi; bang hang hiam cih leh meihal biakna leh an tawh biakna leh thunuam-a biakna a thaute a ta zo dingin Topa mai-a sumngo biakna tauneu lua ahih manin tua lai munah meihal biakna leh an tawh biakna leh thunuam-a biakna a thaute pia hi.

2 KHANG TANGTHU NIHNATE 1:5

Tua tham loin Hur’ tapa Uri, a tapa Bezalel in a bawl sumngo biaknatau pen Topa’ biakbuk mai tua lai-ah om hi. Tua ciangin Solomon leh a kikhawm mite in Topa thu dong uh hi.

1 KUMPI MASATE 9:25

Solomon in Topa adingin a lam biakna tau tungah meihal biakna leh thunuam-a biakna kum khatin thum vei pia-in Topa mai-ah paknamtui hal hi. Tua ahih ciangin amah in a inn zo hi.

1 KUMPI MASATE 8:22

Tua ciangin Israel a kikhawmte khempeuh omna Topa’ biakna tau mai-ah Solomon ding a, vantung lamah a khutte zak hi;

2 KHANG TANGTHU NIHNATE 8:12

Tua ciangin sabbath nite, khadet nite, leh kum simin a kinei pawi thum—silngo sawh loh anlum pawi, nipi kal pawi, biakbuk pawite’ adingin Moses’ thupiakna tawh kizui-in ni simin piakna nasep ding a kisam ahih mah bangin innlim mai-a a lam Topa’ biakna tau tungah Solomon in meihal biakna Topa tungah pia hi.

2 KHANG TANGTHU NIHNATE 15:8

Asa in Oded’ tapa Azariah’ thugenkholh, hih thute a zak ciangin amah hong hangin, Judah gam khempeuh leh Benjamin leh Efraim mualtung gam panin a laksa khuapite panin a kihhuai milimte lakhia a, Topa’ innlim mai-a om Topa’ biaknatau puah hi.

2 KHANG TANGTHU NIHNATE 7:7

Tua ciangin Solomon in Topa’ inn mai-ah a om inntual laizang ap hi; bang hang hiam cih leh Solomon in a bawl sumngo biakna tau-ah meihal biakna leh an tawh biakna leh a thaute ta zo lo ahih manin tua lai munah amah in meihal biakna leh thunuam-a biakna thaute pia hi.

2 KHANG TANGTHU NIHNATE 29:18

Tua ciangin kumpipa Hezekiah’ kiangah amaute tumin, “Topa’ inn khempeuh, meihal biakna tau leh a nazatte khempeuh, leh Ompihna Anlum sabuai leh a nazatte khempeuh ka puahsiang khin uh hi.