2 KHANG TANGTHU NIHNATE 34:2 - Tedim Bible

² Amah in Topa mit-ah a man gamta a, a pu David’ khekhap zui hi; tak lamah ahi a, vei lamah ahi zongin amah lam pial lo hi.

Tedim Bible Revision 2017

² Topaʼ mitah a man gamta a, a pu Davidʼ khekhap zui-in them khat zong lampial lo hi.

2 KHANG TANGTHU NIHNATE 34:2 Referans Kwoze

2 KHANG TANGTHU NIHNATE 29:2

A pu David’ hihnasa khempeuh bangin Topa’ mit-ah a man gamta hi.

Paunak 4:27

Siatna peelin a maanin gamta in la, thuman lampi panin themcik zong pial kha kei in.

2 KHANG TANGTHU NIHNATE 17:3

Amah in a pa’ gamtat nasate zui ahih manin Jehoshafat tawh Topa om hi; amah in Baalte bia lo hi;

2 KHANG TANGTHU NIHNATE 14:2

Tua ciangin Asa in ama Pasian, Topa’ mit-ah a hoih leh a man na sem hi.

2 KUMPI NIHNATE 22:2

Amah in Topa’ mit-ah a man gamta-in, a pu David’ khekhap khempeuh zui cinten a, tak lamah ahi a, vei lamah ahi zongin pial lo hi.

1 KUMPI MASATE 15:5

bang hang hiam cih leh Hit mi Uriah thu-ah cih sim loh David in ama nuntak sung tawntung Topa’ mit-ah a manin gamta-in a thupiakte khat peuhpeuh panin amah pial lo hi.

1 KUMPI MASATE 14:8

David innkuan panin kumpigam balkhia-in nangma tungah kong pia hi; ahi zongin nang in ka thupiaknate zui-in, a lungsim khempeuh tawh kei hong zui-in ka mit-ah a man nate bek a sem ka nasempa David na bang kei a,

Joshua 23:6

Tua ahih ciangin note lakah a om lai hih minamte tawh kihel loin, amau’ pasiante zong gen loin, tuate tawh zong kiciam loin, amau’ na sem loin, amaute mai-ah zong note kun loin, ahih hangin tu ni-a na gamtat bangun Topa na Pasian uh na belh theih nadingun Moses’ thukham laibu sunga kigelhte khempeuh zui-in semin, tua panin tak lamah hita leh vei lamah hita leh pial loin na om nadingun khauh takin om un.

Joshua 1:7

Thahat-in hang in la, ka nasempa Moses in nang hong piak thukhamte khempeuh tawh kizui-in na gamtat ding lim takin ngaihsun in; na paina peuhah hoih takin na lamzan’ theihna dingin tak lamah ahi a, vei lamah ahi zongin pial kei in.

Thu-hilhkikna 28:14

Note in tu ni-a kong thupiak limtakin zuihna tawh Topa na Pasian uh thupiaknate mangin, tu ni-a note kong thupiakna kammalte panin, pasian dangte, na semin a zui dingin, vei lam hita leh tak lamah hita leh na pial kei nak uh leh, Topa in a makai-in note hong bawl ding a, mi’ nungzui-in hong bawl lo ding hi; tung lam bekah na kah ding uh a, na nuai kiat ngei kei ding uh hi.

Thu-hilhkikna 17:20

hih thukham sunga thute leh hih ngeinate kemin zuihna tawh Topa a Pasian zahtak ding a theih nading, a mipihte tungah ama lungsim a kiliatsak toh loh nading, taklam hita leh vei lam hita leh thupiaknate panin a pial loh nading, Israelte sung ahi ama kumpigam sungah amah leh a tate saupi a om theih nadingin amah in a nuntak sung tawntung tua sunga thute sim ding hi.

Thu-hilhkikna 17:11

amaute in note tungah hong piak thuhilhna leh note tungah hong gen uh thukhennate tawh kizui-in na hih ding uh hi; amaute in hong gen thukhenna panin tak lamah ahi a, vei lamah ahi zongin na pial kei ding uh hi.

Thu-hilhkikna 5:32

Tua ahih ciangin Topa na Pasian un note hong thupiak bangin na gamtat ding uh na kingaihsun ding uh hi; ama thu panin taklam hita leh vei lamah hita leh na pial kei ding uh hi.

2 KHANG TANGTHU NIHNATE 34:3

Bang hang hiam cih leh ama uk a kum giatna sung, amah naupang ahih laipi mahin, amah in a pu David’ Pasian zon’ ding kipan hi; a kum sawm-le-nihna ciangin amah in Judah leh Jerusalem panin mual dawn a, biak piaknate, Asherah milimte, leh a kiseek leh a kisung milimte beisiang sak ding kipan hi.

2 KHANG TANGTHU NIHNATE 17:4

Israelte’ gamtat bang hi loin, ama pa’ Pasian zongin ama thupiakna zui hi.