2 KHANG TANGTHU NIHNATE 34:12 - Tedim Bible

¹² Tua ciangin mite in cihtakna tawh na sem uh hi. Amaute tungah a en dingin Levi mi Merari beh sung pan Jahath leh Obadiah, leh Kohathte beh sung pan Zekhariah leh Meshullam kikoih hi. Levi mi, lasakna nazatte ah siamna a nei khempeuh,

Tedim Bible Revision 2017

¹² Tua ciangin mite in cihtakna tawh na sem uh hi. Amaute tungah a en dingin Levi mi Merari-te beh sung pan Jahath le Obadiah le Kohath-te beh sung pan Zekhariah le Meshullam kikoih hi. Levi mi, lasakna nazatte ah siamna a nei khempeuh,

2 KHANG TANGTHU NIHNATE 34:12 Referans Kwoze

2 KUMPI NIHNATE 12:15

Amaute in thuman takin na sem uh ahih manin nasemte tungah piak dingin a khut sung uhah sum a apnate uh tung panin amaute in sum ciamtehna lai ngen lo uh hi.

1 KHANG TANGTHU MASATE 23:5

tulli in kongcingte, leh tulli in phatna ding a, ka bawlsa lasaknate tawh Topa’ tungah phatna pia ding uh hi,” a ci hi.

1 KORIN MASA 4:2

Tua tham loin, sumpi keempa in lungsim dik a nei ding hi.

Paunak 28:20

A citak mipa in thupha tampi ngah ding a, a hau baih nuam mipa in daan tuak pelmawh ding hi.

Nehemiah 7:2

ka sanggampa Hanani leh galdalna inn a uk Hananiah in a et dingin Jerusalem ka pia hi; bang hang hiam cih leh Hananiah in midang tampi sangin a citakzaw, Pasian a zahtakzaw mi khat ahi hi.

2 KHANG TANGTHU NIHNATE 31:12

Tua ciangin amaute in a piaknate, seh-sawm suah seh-khat leh a ki-ap nate cihtakna tawh hong paipih uh hi. Tuate a en ulian penpa in Levi mi Konaniah hi a, a sanggampa Shimei in amah a huhpa ahi hi;

1 KHANG TANGTHU MASATE 16:41

Ama itna kip kho tawntung ahih manin, amaute tawh Heman leh Jeduthun, leh Topa tungah lungdamna a ko dingin a kiteel; a minin a kilo khia a om laite om hi.

2 KUMPI NIHNATE 22:7

Ahih hangin thuman takin amaute gamta uh ahih manin amaute khut sungah a kipia sumte hangin amaute tung panin sazian kingen lo ding hi,” a ci hi.

Piancilna 46:11

Levi’ tapate: Gershon, Kohath leh Marari ahi hi.

Gamlak-vakna 3:27

Kohathte beh in Amram mite, Izhar mite, Hebron mite, leh Uzziel mite ahi hi; hihte in Kohathte beh ahi hi.

Ezra 3:9

Jeshua a tapate leh a behte tawh, Kadmiel, Binnui, leh Hodaviahte in Henadad’ tapate leh Levi mi a tapate uh leh a behte uh tawh Pasian’ innah nasemte tungah ukna tavuan la khawm uh hi.