2 KHANG TANGTHU NIHNATE 33:1 - Tedim Bible

¹ Manasseh in uk ding a kipatin kum sawm-le-nih pha a, amah in Jerusalem ah kum sawmnga-le-nga sung uk hi.

Tedim Bible Revision 2017

¹ Manasseh in uk ding a kipatin kum sawm le kum nih pha a, amah in Jerusalem ah kum sawm nga le nga sung uk hi.

2 KHANG TANGTHU NIHNATE 33:1 Referans Kwoze

1 KHANG TANGTHU MASATE 3:13

a tapa Ahaz, a tapa Hezekiah, a tapa Manasseh,

Mattiu 1:10

Hezekiah’ tapa Manasseh, Manasseh’ tapa Amon, Amon’ tapa Josiah,

Isaiah 3:12

Keima mite ahih leh—khangnote in bawlsia uh a, numeite in zong uk uh hi. Ka mite aw, na makaite un note lam hong lak khial a, note’ lampi zuih pen hong siasak hi.

Isaiah 3:4

Amaute’ ulian dingin naupangte ka bawl ding a, naungeekte in amau uk ding uh hi.

Thuhilh-sia 10:16

A kumpipa mite’ cih bang bangin gamta lel a, zan khuavakin zu ne makai a nei, gam khatpeuh in lungkhamna thuak hi.

2 KHANG TANGTHU NIHNATE 32:33

Tua ciangin Hezekiah a pate tawh ihmu a, amaute in David’ suante’ han paina mual pangah amah vui uh hi; Judah khempeuh leh Jerusalem a, teengte in a sihin amah zahtakna bawl uh hi. Tua ciangin ama tapa Manasseh in ama tangin uk hi.

Jeremiah 15:4

Judah kumpipa Hezekiah’ tapa Manasseh in Jerusalem khua-a a bawl thu hangin leitung gam khempeuhte’ lau nadingin ka koih ding hi.