2 KHANG TANGTHU NIHNATE 32:8 - Tedim Bible

⁸ Amah tawh mihing thatang om hi; ahih hangin eite hong huhin i gal hong dosak dingin Topa i Pasian in eite tawh hong om hi,” a ci hi. Tua ciangin mite in Judah kumpipa Hezekiah’ kammalte muang uh hi.

Tedim Bible Revision 2017

⁸ Amah in mihing thahatna nei a, ahih hangin eite hong huhin i gal hong dosak dingin Topa i Pasian in eite hong ompih hi,” a ci hi. Tua ahih ciangin mite in Judah kumpipa Hezekiahʼ kammalte a muang uh hi.

2 KHANG TANGTHU NIHNATE 32:8 Referans Kwoze

Jeremiah 17:5

Topa in kong cih-inah: Mi bek muangin mi’ hatna bek suanga a lungsim Topa tawh a kilehngat mi in haamsiatna a ngah hi.

2 KHANG TANGTHU NIHNATE 20:17

Note in hih kidona-ah na do ding uh kisam lo hi; Judah gam mite leh Jerusalem khua mite aw, na panmun uh la-in taang loin ding un la, note taangin Topa’ gualzawhna mu un,’ ci hi. Kihta kei un la, lungkia kei un; zing ciangin amaute do-in pai un, Topa in note tawh hong om ding hi,” a ci hi.

2 KHANG TANGTHU NIHNATE 20:15

Tua ciangin amah in, “Judah gam khempeuh leh Jerusalem a, teeng khempeuh leh kumpi Jehoshafat aw, ngai un: Topa in hih bangin note tungah hong gen hi, ‘Kihta kei un la, hih a tam mi honpi hangin lungkia kei un; bang hang hiam cih leh galdona in note’ aa hi loin Pasian aa ahi hi.

2 TIMOTI NIHNA 4:17

Thuhilhna khempeuh ka hilh theih nading ahi zongin, Gentail mi khempeuh in a zak nadingun ahi zongin, Topa in kei lamah om a, keima tha hong dimsak a, humpinelkai’ kam sung pan hong honkhia hi.

Sawltak 18:10

Bang hang hiam na cih leh, nangmah tawh hong omkhawm ka hih manin kuamah in nang hong doin hong liamsuah kei ding hi. Bang hang hiam na cih leh, hih khua sungah keimah in mi tampi ka nei hi,” a ci hi.

Isaiah 41:10

nang tawh hong om ka hih manin lau kei in, na Pasian ka hih manin lungkia kei in; nang hong thakhauh sakin kong huh ding a, nang hong hu-in ka dikna khut taklam tawh kong honkhia ding hi.

1 JOHAN MASA 4:4

Ka ta neute aw, note in Pasian tawh kipawlin tua khate na zozo uh hi. Bang hang hiam na cih uh leh, note sungah a om mi in leitungmite sungah a om mi sangin a lianzaw hi.

Late 46:11

Mi honte’ Topa in ei tawh omkhawm a, Jakob' Pasian in eima belh ahi hi.

2 KHANG TANGTHU NIHNATE 13:12

En un, kote’ lutang-in kote tawh Pasian hong omkhawm a, note a do ding sapna peengkul a tum dingin a siampite a galkap peengkulte tawh hong om uh hi. Israel’ mite aw, na pu na pate uh Pasian, Topa do kei un; bang hang hiam na cih uh leh na tangtung kei ding uh hi,” a ci hi.

Thu-hilhkikna 20:4

bang hang hiam cih leh note tungah gualzawhna a hong pia ding, na langte uh hong dosak dingin note tawh hong paikhawmpa in Topa na Pasian uh ahi hi,’ ci ding hi.

Paunak 12:25

Lunghihmawhna in lungkhamna piangsak a, kampau hoih in mi lungdamsak hi.

2 KHANG TANGTHU NIHNATE 20:20

Tua ciangin zingsangin amaute tho baihin Tekoa gamlakah paikhia uh hi; amaute a paikhiat lai takin Jehoshafat ding-in, “Judah leh Jerusalem a, teengte aw, ka thugen za un! Topa na Pasian uh um un, tua hi leh note na kip ding uh hi; ama kamsangte um un, tua hi leh na mavang ding uh hi,” a ci hi.

2 KHANG TANGTHU NIHNATE 14:11

Tua ciangin Topa’ Pasian tungah Asa kiko a, “Topa aw, a thahat leh a zawngkhal kikalah a huh dingin nang tawh a kibang kuamah om lo hi. Kote hong huh in, Topa kote’ Pasian aw, bang hang hiam cih leh nang kong suang uh a, nangma minin hih mihonpi do dingin kong pai uh hi. Topa aw, nangmah in kote’ Pasian na hi hi; mite kizosak kei in,” a ci hi.

Thu-hilhkikna 20:1

“Na langte uh a do dingin pai-in sakolte leh leengte leh galkapte nomau’ aa sangin a tam zaw-in na muh uh ciangin amaute na kihta kei ding uh hi; bang hang hiam cih leh Izipt gam panin note hong paikhiatpih Topa na Pasian uh note tawh hong om hi.

Isaiah 36:18

Hezekiah in, ‘Topa in eite hong honkhia ding hi,” ci-in lam hong khialsak kha ding ahih ciangin kidawm un. Assiria kumpipa’ khut sung panin minamte’ pasian khatpeuh in ama gam honkhia zo ngei ahi hiam?

Isaiah 8:10

Thu na vaihawm khawm uh hangin a mawkna suak ding hi; thu khat peuhpeuh na gen uh hangin kip lo ding hi; bang hang hiam cih leh kote tawh Pasian omkhawm hi.

Late 46:7

Mi honte’ Topa ei tawh hong omkhawm a, Jakob’ Pasian in eima belh ahi hi.

JOB (Job) 40:9

Kei zahin nang hat na hi hiam? Kei’ awging zahin nang aa ging zo ding ahi hiam?

2 TIMOTI NIHNA 4:22

Topa in na kha tawh omkhawm ta hen. Nangma tungah hehpihna thupha om ta hen.

2 KHANG TANGTHU NIHNATE 32:15

Tua ahih ciangin tu-in note, Hezekiah’ khemsa-in ta kei un la, hih bangin kimakai khial sak kei un, amah um kei un; bang hang hiam cih leh minam khatpeuh, kumpigam khatpeuh’ pasian in keima khut ahi a, ka pu ka pate’ khut pan ahi zongin a mite honkhia zo ngei nai lo hi. Keima khut sung pan na Pasian un note hong honkhia zo lo zawkan ding hi,’ ci un,” ci sak hi.

Joshua 10:42

Israelte’ Topa Pasian in Israelte adingin dosak ahih manin Joshua in hih kumpite khempeuh leh amau leitang hun khat sungin la khin hi.

1 SAMUEL MASA 17:45

Tua ciangin David in Filistiapa kiangah, “Namsau leh teipi leh teikhawh tawh kei kiangah nang nong kuan hi; ahih hangin kei in Israel galkapte’ Pasian, mihonte’ Topa, nangmah in na to mipa’ min tawh nang kiangah kong kuan hi.

2 KUMPI NIHNATE 6:16

Amah in, “Kihta kei in; bang hang hiam cih leh amaute tawh a omte sangin eite tawh a omte tamzaw hi,” a ci hi.

1 KHANG TANGTHU MASATE 5:22

Tua gal in Pasian’ gal ahih manin mi tampi tak kithatin puk hi. Tua ciangin amaute sal a suah dong uh amau’ munah teeng uh hi.

2 KHANG TANGTHU NIHNATE 16:7

Tua hun lai takin Judah kumpi Asa kiangah thu-mupa Hanani hong pai-in ama kiangah, “Nangmah in Siria kumpipa suangin, Topa na Pasian suang lo na hih manin, Siria kumpipa’ galkapte in nang hong suaktasak hi.

Late 20:7

Pawlkhat in leengte kihihsak pih-a, pawlkhat in sakolte kihihsak pih hi; ahih hangin eite in Topa i Pasian’ min i kihihsak pih hi.

Late 118:8

Mi i muan’ sangin Topa belh ding hoihzaw hi.

Jeremiah 42:11

Na kihtak uh Babilon kumpipa kihta nawn kei un. Topa in kong cih-inah, lau nawn kei un. Bang hang hiam cih leh amah’ khut sung pana hong honkhia ding leh hong lakhia dingin keimah in kong ompih hi.

Zekhariah 4:6

Tua ciangin vantungmi in kei kiangah, “Topa in Zerubbabel’ tungah hih bangin thu gen hi; Thagum hat hang hi lo, vangliatna hang zong hi lo, keima tung panin na ngah Kha hang bek tawh na ma na tun’ zo ding hi.

Paikhiatna 4:31

Mite in um uh hi; Israel mite' kiangah Topa lungnuam loin, amau’ thuaknate amah in a muh khitna thu amaute in a zak uh ciangin, amaute in a lu uh kunin bia uh hi.

Thu-hilhkikna 20:3

amaute kiangah, ‘Israelte aw, za un, tu ni-in na langte uh a do dingin na nai uh hi: na lungsim uh lausak kei un; lau kei un, liing kei un, amaute kihta kei un;

2 KUMPI NIHNATE 18:5

Amah in Israel Pasian, Topa muang hi; tua ahih ciangin ama nung a, Judah kumpite khempeuh lak hita leh ama mai-ate lak hita leh amah tawh a kibang kuamah om lo hi.

2 KHANG TANGTHU NIHNATE 14:10

Tua ciangin amah a dawntuah dingin Asa kuankhia a, Zefathah leh Mareshah kuamah galdo nading pan’na bawl uh hi.

Isaiah 30:32

Topa in amaute daan pia-in ciang tawh a satna a gingte tawh kituakin khuang leh laiza lasaknate tumin na gingsak ding uh hi. Amah in a khut viik-in amaute do ding hi.

Isaiah 31:3

Izipt mite mihing hi a, Pasian hilo hi; amau’ sakolte in sa hi a, kha hilo hi. Topa in a khut a zan ciangin a huhpa puk-in, huhna a ngahpa tuk ding a, amaute khempeuh siakhawm ding uh hi.