2 KHANG TANGTHU NIHNATE 32:5 - Tedim Bible

⁵ Amah in lungsim kho takin sep ding kipan a, a cimsa kulh khempeuh ciang pha-in tua tungah tausangte koihto a, tua pua lamah kulh dang khat ciang hi; amah in David khuapi sungah Millo a muanhuai-in bawlpha hi. Amah in galhiam leh lumte zong tampi bawl hi.

Tedim Bible Revision 2017

⁵ Amah in lungsim kho takin sep ding kipan a, a cim sa kulh khempeuh ciang pha-in tua tungah tausangte koih to a, tua pua lamah kulh dang khat a ciang hi. Amah in David khuapi sungah Millo a muanhuai-in a bawl pha hi. Amah in galhiamte le lumte zong tampi bawl hi.

2 KHANG TANGTHU NIHNATE 32:5 Referans Kwoze

2 KHANG TANGTHU NIHNATE 25:23

Tua ciangin Israel kumpipa Joash in Bethshemesh ah Ahaziah’ tapa Joash tapa Amaziah ahi Judah kumpipa manin Jerusalem ah paipih a, Efraim Kongpi panin a Kiu Kulhpi ciang dong tong zali sung Jerusalem kulh phelkhia hi.

1 KUMPI MASATE 9:24

Ahih hangin Faro tanu David khuapi panin ama adingin Solomon in a lamsak ama innah paito hi; tua ciangin amah in Millo lam hi.

2 KUMPI NIHNATE 25:4

Tua ciangin khuapi kulh sulet uh hi; Khaldea mite khuapi kiimah a ompi mahin, kumpipa’ huan kiang lam kulhpi nih kikal kulh kongpi lampi zui-in kumpipa leh a galhang mi khempeuh zanin tai uh hi. Amaute Arabah lam manawhin pai uh hi.

2 SAMUEL NIHNA 5:9

Tua ciangin mun muanhuai sungah David teengin David khuapi ci-in phuak hi. Tua ciangin David in Millo panin biakinn lam-ah khuapi lam hi.

Jeremiah 39:4

Judah kumpipa Zedekiah leh galkap khempeuh in amaute a muh uh ciangin a tai sim uh hi. Zan laitakin kumpipa’ huan sung tawnin kulh tegel kikal-a kongpi kan tan-in khuapi sung pan a paikhia uh a, Arabah leizang lam a manawh uh hi.

2 KHANG TANGTHU NIHNATE 26:8

Ammon mite in Uzziah tungah siah puak uh a, amah a thahat mahmah suak ahih manin a minthan’na in Izipt gamgi ciang dong nangawn zel hi.

2 KHANG TANGTHU NIHNATE 23:1

Ahih hangin a kum sagihna kumin Jehoiada amah kihanthawnin a za-a a ukte, Jeroham’ tapa Azariah, leh Jeroham’ tapa Ishmael, leh Obed’ tapa Azariah, leh Ada-iah’ tapa Ma-aseiah, leh Zikri’ tapa Elishafatte tawh thukimna khat bawl hi.

2 KHANG TANGTHU NIHNATE 12:1

Rehoboam’ ukna kipin a thahat ciangin, amah leh amah tawh a om Israel khempeuh in Topa’ thukham nusia uh hi.

2 KUMPI NIHNATE 12:20

Ama nasemte kipanin sawmsimna khat vaihawm uh a, Silla paisukna lampi Millo inn sungah Joash that uh hi.

1 KUMPI MASATE 11:27

Amah in kumpipa a lehdona thu in hih ahi hi. Solomon in Millo lamin a pa David khuapi a vangte hu hi.

Thukhente 9:6

Tua ciangin Shekhem khua mite khempeuh leh Bethmillo khua mite khempeuh hong paikhawm uh a, amaute in Shekhem khua-a tawsaw khuampi kiangah Abimelek kumpi suaksak uh hi.

Paunak 25:28

Ama lungsim a ki-uk zolopa in, dalna kulhpi a nei lo khuapi tawh kibang hi.

2 KHANG TANGTHU NIHNATE 33:14

Tua khit ciangin amah in kuam sung, Gihon nitumna lam, David khuapi ah, Ngasa Kongpi lutna lamah kulh puanung khat ciang a, Ofel kiimah ciang suakin a sang mahmahin ciangto hi; amah in Judah gam sunga kulh nei khuapi khempeuh ah zong galkap a ukte koih hi.

Joel 2:8

Amau’ lampi san ciat hong tawn uh a, kuamah a kiphukha om lo uh hi. Amau mah dalna dinga kibawlte hong phu gawp uh a, khawl het loin hong paisuak uh hi.