2 KHANG TANGTHU NIHNATE 32:4 - Tedim Bible

⁴ Mi tampi tak kikhawm uh a, gam sungah a luang tuinak leh lui khempeuh khakcipin “Bang hangin Assiria kumpite hong pai-in tui tampi mu ding ahi hiam?” ci uh hi.

Tedim Bible Revision 2017

⁴ Mi tampi tak kikhawm uh a, gam sungah a luang tuinak le lui khempeuh khakcipin, “Bang hangin Assiria kumpite hong pai-in tui tampi mu ding ahi uh hiam?” a ci uh hi.

2 KHANG TANGTHU NIHNATE 32:4 Referans Kwoze

2 KHANG TANGTHU NIHNATE 32:30

Hih Hezekiah mah in Gihon tui tungnungte khaktanin David khuapi nitumna lam pangah luang sak hi. Hezekiah a nasepna khempeuh ah a ma vang hi.

Isaiah 10:8

bang hang hiam cih leh amah in, “Ka galkap mangte pen kumpi vive hi khin hilo ahi hiam?

2 KHANG TANGTHU NIHNATE 32:1

Hih thute khempeuh leh citak-a hih banga na a kisep khit ciangin Assiria kumpipa Sennakherib hong pai-in Judah simin kulhnei khuapite lang khatah phual sat a, amah adingin lak sawm hi.

2 KHANG TANGTHU NIHNATE 30:14

Amaute nasem dingin kipanin Jerusalem a, om biakna taute hemkhia uh a, paknamtui halna ding biakna taute khempeuh amaute in la khia-in Kidron kuamah paai uh hi.

2 KUMPI NIHNATE 20:20

Hezekiah’ sepna a om laite, leh a vangliatna, leh tuili leh tuilakna bawlin khuapi sungah tui a tutna, Judah Kumpite Khang Tangthu Laibu sungah kigelh hilo ahi hiam?

2 KUMPI NIHNATE 19:17

A taktakin, Topa aw, Assiria kumpite in minam dangte leh a gam uh siasak a,

2 KUMPI NIHNATE 18:13

Kumpi Hezekiah’ kum sawm-le-lina kumin Assiria kumpipa Sennakherib, Judah khuapi kulh a neite khempeuh a sim dingin hong kuan to-in tuate la hi.

2 KUMPI NIHNATE 18:9

Israel kumpipa, Elah’ tapa Hoshea’ kum sagihna kum ahi, Kumpi Hezekiah’ kum lina kumin Assiria kumpipa Shalmaneser, Samaria do-in hong kuan to-in umcih a,

1 KUMPI MASATE 19:21

Tua ciangin amah zuihna panin ciahkik a, a bawngtal kolte la-in a bawngtalte go a, a sate bawngtal kolte tawh huanin mite tungah pia a, amaute in ne uh hi. Tua ciangin amah ding-in Elijah’ nung zui a, ama na sem hi.

1 KUMPI MASATE 3:9

Tua ahih ciangin keimah in a sia leh a pha ka theih theih nadingin na mite uk nading thu theihtelna lungsim na nasempa hong pia in; bang hang hiam cih leh hih a lian a tam na mite kua in uk zo ding ahi hiam?” a ci hi.

2 KHANG TANGTHU NIHNATE 32:3

amah in a uliante leh a mi thahatte tawh khuapi pua lam-a luangkhia tuinakte khakcip ding vaihawm hi; amaute in amah huh uh hi.

Isaiah 22:11

Nangmah in, bual lui pan a, tuite khol nadingin kulhpi nih kikal ah tui beempi khat na bawl hi. Ahih hangin nangmah in, tua na a na bawlpa phawk loin, sawt pek a, a na geelpa na don kei hi.

Nahum 3:14

Hong ki-umcihna na nan’ nadingin tui tawi-in, na kulhte cian’beh in la, Leiseek seek dingin buan cilin, leiseekna kuang a baihsa-in nei ta lecin zong,

Isaiah 22:9

David khuapi mun tampi tak a siatna mu-in, bual nuainung tuite na khawm a,