2 KHANG TANGTHU NIHNATE 32:19 - Tedim Bible

¹⁹ Amaute in, mite’ khut tawh kibawl, leitung mite’ pasiante a gen bang lel-un Jerusalem Pasian gen uh hi.

Tedim Bible Revision 2017

¹⁹ Amaute in, miteʼ khut tawh a kibawl leitung miteʼ pasian-te a gen bang lelun Jerusalem Pasian a gen uh hi.

2 KHANG TANGTHU NIHNATE 32:19 Referans Kwoze

Isaiah 2:8

Amau gam in milimte tawh kidim hi; amau’ khut tawh a bawlsate, a khutmete tawh a bawlsate amaute in bia uh hi.

2 KUMPI NIHNATE 19:18

a pasiante uh meikhuk sungah lotsak uh hi; bang hang hiam cih leh tuate in pasian hi lo-in, mihingte’ khut tawh a kibawl sing leh suang ahi hi; tua ahih ciangin tuate kisusia hi.

Hebru 12:22

Note in Zion Mual ah ahi zongin, a nungta Pasian’ khua ahi vantung Jerusalem khuapi-ah ahi zongin, a kisim zo lo vantungmi tampi kikhopna-ah ahi zongin, vantung lai sungah a kikhum ta-upa pawl a kikhoppina leh pawlpi-ah ahi zongin, mi khempeuh thu a khen ding Pasian kiangah ahi zongin, kicin’na ah a tung midik mite lungsim khate kiangah ahi zongin, thuciamna thak kikham ahi Zeisu kiangah ahi zongin, Abel’ sisan sangin a phazaw a kigen sisan kitheh kiangah ahi zongin, na tung uh hi.

Jeremiah 32:30

Bang hang hiam cih leh Israel mite leh Judah mite in a neu lai pek uh a, kipan ka muhna-ah siatna bekbek a bawl uh a, keimah Topa in kong cih-inah, Israel mite in a khut uh tawh milim a bawlna uh hangin kei hong heh sak uh hi.

Jeremiah 10:9

Tarshish khua panin ngun sek sa va la uh a, Uphaz khua panin kham va la uh hi. Khut siamte leh kham sekte in milim-in bawl uh a, siamgat siamte’ gat ahi, puan engdup leh puan sandup tawh zem uh hi.

Jeremiah 10:3

Hih mite’ ngeinate a kiman’na om lo hi. Gamlakah sing khat kiphuk a, khut siampa in a hei tawh milim-in a bawl hi.

Jeremiah 1:16

Ka mite in kei hong taisan uh ahih manin a mawhna uh hangin amau’ tungah thu ka khen ding hi; pasian dangte meihal biakna a pia uh a, a khut uh tawh a bawlsa milimte a bia uh hi.

Isaiah 37:19

amaute’ pasiante pen meikhuk sungah paihsakin susia khin hi; bang hang hiam cih leh tuate pen pasian hi loin, mite’ khut tawh a kibawl sing leh suangte ahi hi; tua ahih ciangin tuate kisusia hi.

Isaiah 14:32

Filistia mite’ hong sawl kamtaite, mi khatpeuh in bangci dawn’ ding hiam? “Topa in Zion kipsak khin a, gimna a thuak ama mite in tua sungah buk nading mu uh hi,” ci in dawng ding hi.

Late 78:68

ahih hangin, ama it, Zion Mual, Judah minam a teel hi.

1 SAMUEL MASA 17:36

Na nasempa in humpinelkai leh vomte that khin ngei hi; amah in a nungta Pasian' galkapte ninsak ahih manin dawibia hih Filistiapa in tuate khat tawh kibang ding hi,” a ci hi.

Thu-hilhkikna 27:15

“Topa adingin a kihhuai ahi, khutsiampa khut tawh a kibawl, a kiseek ahi a, a kisung ahi zongin milim bawlin, mun simtham ah a koih mipa in gimna ngah ta hen,’ ci ding uh hi. Tua ciangin mi khempeuh in dawngin, ‘Amen,’ ci ding uh hi.

Thu-hilhkikna 4:28

Note in tua lai munah mite’ khut in a bawl, khua mu thei lo, khua za thei lo, a ne thei lo, a nam thei lo sing leh suang pasiante’ na na sem ding uh hi.

2 KHANG TANGTHU NIHNATE 32:20

Tua ciangin kumpipa Hezekiah leh Amoz’ tapa, kamsangpa Isaiah in hih thu hangin thu ngenin vantung lamah kiko uh hi.

1 KUMPI MASATE 20:28

Tua ciangin Pasian’ mi khat a nai-ah hong pai-in Israel kumpipa kiangah, “Topa in hih bangin ci hi. ‘Siriate in, “Topa in mualtung pasian hi a, amah in kuam sung pasian hi lo hi,” ci uh ahih manin hih a lian mihonpi khempeuh nangma khut sungah kong pia ding a, keimah in Topa ka hihna na thei ding hi,’ ci hi,” a ci hi.

Late 74:18

Topa aw, galte in hong thusimlohna leh, dawi bia mite in nangma min a simmawhna thu uh phawk in.

Ezekiel 25:8

Topa Pasian in kei kiangah thu hong gen a, “Moab leh Seir mite in a thugenna uhah, Judah gam mite pen minam dangte bangmah hi lel uh hi, ci se uh hi.

Ezekiel 35:13

Kei hong gensia-in na kiphatsak paunate khempeuh a vekin ka za khin hi.