2 KHANG TANGTHU NIHNATE 32:12 - Tedim Bible

¹² Hih Hezekiah mah in mual dawn a, a biak piaknate leh ama biakna taute la khia-in Judah leh Jerusalem thu pia a, “Biakna tau khat mai-ah note in bia-in tua tungah na biak piaknate uh na hal ding uh hi,” ci hilo ahi hiam?

Tedim Bible Revision 2017

¹² Hih Hezekiah mah in mual dawna a biakpiaknate le ama biakna taute la khia-in Judah le Jerusalem thu pia a, “Biakna tau khat mai ah note in bia-in tua tungah na biakpiaknate uh na hal ding uh hi,” ci hi lo ahi hiam?

2 KHANG TANGTHU NIHNATE 32:12 Referans Kwoze

2 KHANG TANGTHU NIHNATE 31:1

Tu-in hihte khempeuh a man ciangin, tua lai-a a om Israel khempeuh Judah khuapite ah pai-in khuampite sat khamin Asherah milimte phukin, Judah leh Benjamin sung, leh Efraim leh Manasseh sunga mual dawn-a biak piaknate leh biakna taute a suksiat khit mateng uh phelkek uh hi. Tua ciangin Israel mi khempeuh, a mi kimin amau’ inn omna a khuapi ciat uhah ciah uh hi.

Isaiah 36:7

Ahih hangin note in, “Topa ka Pasian uh ka suang uh hi,” a ci-a kinei na hih uh leh ama mun sangte leh biakna taute Hezekiah in lakhia-in, Judah leh Jerusalem tungah, “Hih biakna tau mai-ah na bia ding uh hi,” ci hilo ahi hiam?

2 KHANG TANGTHU NIHNATE 4:1

Amah in sumngo biaknatau, a dung tong sawmnih, a vai tong sawmnih a sang tong sawm a pha khat bawl hi.

2 KUMPI NIHNATE 18:22

Ahih hangin note in kei kiangah, “Kote in Topa ka Pasian uh ka suang uh hi,” na cih uh leh, Hezekiah in mual tunga biaknate leh a biakna taute hepkhiat sakin Judah leh Jerusalem tung a, “Jerusalem khua sung hih biakna tau mai-ah na bia ding uh hi,” a cihpa hilo ahi hiam?

2 KUMPI NIHNATE 18:4

Amah in mual tunga biaknate hemkhia-in, khuampite sutan a, Asherah milim phuk pai hi. Tua ciangin amah in Moses’ bawlsa sumngo gulpi satnen hi; bang hang hiam cih leh tua ni dongin Israel mite in tua tungah paknamtui hal uh hi; tua pen Nehushtan kici hi.

1 KUMPI MASATE 7:48

Tua ahih ciangin Topa’ inn sunga om nazat khempeuh Solomon in bawl hi; kham biakna tau, Ompihna Anlum adingin kham sabuai,

2 KHANG TANGTHU NIHNATE 32:11

Hezekiah in note kiangah, “Assiria kumpipa khut panin Topa i Pasian in eite hong honkhia ding hi,” hong cih ciangin, note gilkial dangtakin a hong si sak dingin amah in note hong makai khial hilo ahi hiam?

2 KHANG TANGTHU NIHNATE 33:17

Ahi zongin mite in mual dawn-a biak piaknate ah biakna pia lai uh a, ahih hangin Topa amaute’ Pasian tung bekah biakna pia uh hi.

2 KHANG TANGTHU NIHNATE 30:14

Amaute nasem dingin kipanin Jerusalem a, om biakna taute hemkhia uh a, paknamtui halna ding biakna taute khempeuh amaute in la khia-in Kidron kuamah paai uh hi.