2 KHANG TANGTHU NIHNATE 32:1 - Tedim Bible

¹ Hih thute khempeuh leh citak-a hih banga na a kisep khit ciangin Assiria kumpipa Sennakherib hong pai-in Judah simin kulhnei khuapite lang khatah phual sat a, amah adingin lak sawm hi.

Tedim Bible Revision 2017

¹ Hih thute khempeuh le citak a hih banga na a kisep khit ciangin Assiria kumpipa Sennakherib hong pai-in Judah simin kulh nei khuapiteʼ lang khat ah phual sat a, ama adingin lak a sawm hi.

2 KHANG TANGTHU NIHNATE 32:1 Referans Kwoze

Micah 2:13

Pasian in lampi hong hon’sakin, na maiah hong paikhiatpih ding hi, Salsuahna khuapi kulh kongpi panin paikhia-in na suakta ding uh hi. Kumpi ahi Topa mahmah in hong makaih ding hi.

Hosea 11:5

Tua hi napi, kei lamah amaute hong kihei nuam lo uh ahih manin, Izipt gamah pai kikin, Assiria mite, amau’ kumpi hi ding hi.

Isaiah 36:1

Hezekiah Kumpipa in a uk zawh kum sawm leh lina kumin Assiria kumpipa Sennakherib in Judah gam sunga khuapi muanhuai khempeuh do-in a la hi.

2 KUMPI NIHNATE 18:11

Assiria kumpipa in Israel mite Assiria ah la a, Halah gam sung, leh Gozan gama gun om Habor, leh Media khuapite sungah koih hi;

2 KUMPI NIHNATE 17:6

Hoshea’ kum kua-na kumin Assiria kumpipa in Samaria la a, amah in Assiria ah Israel mite ciahpih a, Halah gam sung, leh Gozan gam a, gun om Habor, leh Media khuapite sungah amaute koih hi.

2 KUMPI NIHNATE 15:19

Assiria kumpipa Pul tua gam do dingin hong kuan hi; tua ciangin kumpi aana a letna a kipsak dingin a huh theih nading a deihna-in Menahem in Pul tungah ngun talen tulkhat pia hi.

2 KHANG TANGTHU NIHNATE 32:2

Sennakherib hong pai-in Jerusalem sim ding a sawmna thu Hezekiah in a theih ciangin,

2 KUMPI NIHNATE 19:19

Tua ahih ciangin tu-in, Topa kote’ Pasian aw, leitung kumpi gam khempeuh in nang, nang bek Pasian na hihna a theih nadingun ama khut panin kote hong honkhia in, kong thum hi, Topa aw,” a ci hi.

2 KHANG TANGTHU NIHNATE 35:20

Hih thute khempeuh khit, Josiah in biakinn a bawl khit ciangin, Eufrates gun gei Karkhemish ah galdo dingin Izipt kumpipa Neko hong kuanto a, amah do dingin Josiah kuankhia hi.

Isaiah 10:32

Tu ni mahmah-in Nob khua-ah galte tungin khawl uh a, Zion Mual ahi, Jerulasem khuapi, a khuttum uh sin’san uh hi.

Isaiah 37:37

Tua ciangin Assiria kumpipa Sennakherib taikhia a, innah ciahin Nineveh khua-ah teeng hi.