2 KHANG TANGTHU NIHNATE 30:6 - Tedim Bible

⁶ Tua ahih ciangin kumpipa leh a uliante kiang pana laikhakte tawh Israel khempeuh leh Judah sungah laitaite pai uh a, kumpipa’ thupiakna, “Israel mite aw, Assiria kumpite’ khut sung panin a suakta, a om lai note lamah amah hong kihei kik theih nadingin Abraham, Isaak, leh Israel Pasian, Topa’ lamah kihei kik un.

Tedim Bible Revision 2017

⁶ Tua ahih ciangin kumpipa le a uliante kiang pan a laikhakte tawh Israel khempeuh le Judah sungah laikhakte tawh pai uh a, kumpipaʼ thupiakna: “Israel mite aw, Assiria kumpiteʼ khut sung panin a suakta, a om lai noteʼ lamah amah hong kiheikik theih nadingin Abraham, Isaac le Israel Pasian, Topaʼ lamah kiheikik un.

2 KHANG TANGTHU NIHNATE 30:6 Referans Kwoze

Jeremiah 51:31

Babilon kumpipa kiangah, thu ko ding a, hong pai kamtaite, a ciah leh a kuan kiphamat uh a, mun khempeuh panin galte in Babilon khua hong sim-in,

Jeremiah 4:1

Topa in, “Israel mite aw, na kilehkik uh leh kei’ kiangah hong kilehkik un. Na kihhuainate uh kei kiang pan na paihkhiat uh a, na tai kawikawi kei uh leh,

Esther 8:14

Tua ahih ciangin kumpipa’ sakolte’ tungah laitaite tuangin kumpipa’ thu-kin sawl mah bangin nawh tai uh hi; tua ciangin Susa khuapi sungah zong tua thupiakna lai kihawm hi.

2 KUMPI NIHNATE 15:29

Israel kumpipa Pekah’ hun lai takin Assiria kumpipa Tiglath-pileser hong pai-in Ijon, Abelbethma-akah, Janoah, Kedesh, Hazor, Gilead, leh Galili, Naftali gam khempeuh la hi; amah in galmatin mite Assiria ah ciahpih hi.

2 KUMPI NIHNATE 15:19

Assiria kumpipa Pul tua gam do dingin hong kuan hi; tua ciangin kumpi aana a letna a kipsak dingin a huh theih nading a deihna-in Menahem in Pul tungah ngun talen tulkhat pia hi.

JOB (Job) 9:25

“Laitaite sangin ka hun nawh tai zaw a, bei pak ahih manin nopna ngah kha lo hi.

2 KHANG TANGTHU NIHNATE 28:20

Tua ahih ciangin Kumpi Ahaz ngetna zui-in Assiria kumpipa Tilgath-pilneser hong kuan hi. Ahi zongin amah tha khuahsak zaw loin gimsak zaw hi.

1 KHANG TANGTHU MASATE 5:26

Tua ahih ciangin Israel’ Pasian in Assiria kumpipa Pul’ lungsim, Tilgath-pilneser a kici Assiria kumpipa’ lungsim hansuah a, amah in amaute, Reuben mite, Gad mite, leh Manasseh minam a langte pua khia-in, amaute Halah, Habor, leh Gozan gun-ah paipihin tu ni dongin tua lai-ah om uh hi.

Jeim 4:8

Pasian kiangah nai un. Tua bang na hih uh leh, nomau kiangah a hong nai ding hi. Mawhneite aw, na khut uh siangthosak un. Lungka mite aw, na lungsim uh na siangthosak un.

Hosea 14:1

Israelte aw, note’ Topa Pasian lamah kihei kik un. Na mawhna hangun note na puk khin uh hi.

Ezekiel 33:11

Amaute kiangah hih bangin gen in: Keimah in a nungta Topa Pasian ka hih mah bangin mawhnei mi khat a si ka muh ciangin nuam ka sa het kei hi. A mawh gamtatna khawlin a nuntak ding ka deihna hi zaw hi. Israel mite aw, na mawh gamtatnate uh khawl un. Bang hangin si nuam se na hi uh hiam?

Kah la 5:21

Topa aw kote hong kaikhawm kik in! hong kaikhawm kik in! A beisa sau veipi lai mah bangin hong thaksuaksak kik in.

Isaiah 6:13

Mi, seh sawmsuah seh khat bang a om lai hangin, taak kung leh tawsaw kungte a kiphuk khit ciangin a bulsum om laite mei tawh a kihal kik bangin amaute zong kisusia ding hi. A siangtho khaici pen, tua a bulsum ahi hi, ci hi.

Isaiah 1:9

Vanglianpen Topa in eite tawmno khat a nungta-in hong siit hi kei leh, eite pen Sodom khua bang khinin, Gomorrah khua bang i suak khin ta ding hi.

Esther 3:13

Tua bangin kumpipa’ ukna gam khempeuh ah laitaite lai kipiasak a, Adar kha ahi a kha sawm-le-nihna a ni sawm-le-thum ni, ni khat sungin Judah mi a moi a ham, numei naupang, a vekpi-in susia-in, thatin, a beisak mang nading uh, leh a neihsate uh a laksak nadingun thu kipia hi.

Jeremiah 29:1

Jerusalem khua panin Nebukhadnezzar in Babilon khua-ah sal-a a paikhiat pih ulian om laite, siampite, kamsangte leh mi khempeuhte’ tungah kamsangpa Jeremiah in Jerusalem khua panin lai khat a khak hi.

1 KUMPI MASATE 18:36

Biakpiak hun ciangin kamsang Elijah a nai-ah hong pai-in, “Abraham, Issak, leh Israel Pasian, Topa aw, nangmah in Israel sungah Pasian na hihna, leh keimah in nangma nasem ka hihna, leh hih nate khempeuh nangma thu tawh ka hihna thu tu ni-in kitheisak in,

1 KHANG TANGTHU MASATE 29:18

Ka pute uh Abraham, Isaak, leh Israel Pasian, Topa aw, na mite’ lungsim sungah tua bang ngimnate leh ngaihsutnate omsak tawntung in la, amaute’ lungsim nangma lamah kai in.

Jeremiah 3:14

Hong kilehkik un, a zulhzau ka tate aw, Topa in kong ci hi; bang hang hiam na cih uh leh keimah in note’ Topa ka hi a, khuapi khat panin mi khat ta leh beh khat sung panin nih ta hong la-in, Zion khua-ah kong puak ding hi.

Kah la 3:40

I gamtatna sate ki-en pha kikin Topa lamah kihei kik ni.

Hosea 6:1

“Hong pai un, Topa kiangah ciahkik ni; amah in eite hong balgawp hangin hong damsak kik ding a, eite hong liamsak hangin i liamnate hong tun’sak kik ding hilo ahi hiam?

Zekhariah 1:3

Ahi zongin tu-in kei kiangah hong ciahkik le uh cin, kei zong note kiangah kong paikik ding hi.

Zekhariah 1:4

Na pu na pate uh bang nawn kei un. Nidanga kamsangte in amaute kiangah ka thu gen uh a, gamtatsia gamta loin, a mawh nawn lohna ding uh hilh uh hi. Ahi zongin amaute in ka thu ngai nuam loin, ka thu hong mang lo uh hi.