2 KHANG TANGTHU NIHNATE 30:5 - Tedim Bible

⁵ Tua ahih ciangin mite hong pai-in Israel Pasian, Topa adingin Jerusalem ah Paisan Pawi a bawl nadingun Be-ersheba panin Dan ciang dong Israel sung khempeuh ah taangkona khat a bawlna ding uh thukhentatna khat bawl uh hi; bang hang hiam cih leh bawl dinga a kigen bangin amaute in a lianpi-in bawl ngei lo uh hi.

Tedim Bible Revision 2017

⁵ Tua ahih ciangin mite hong pai-in Israel Pasian, Topa adingin Jerusalem ah Paisan Pawi a bawl nadingun Beer-sheba panin Dan ciang dong Israel sung khempeuh ah taangkona khat a bawl nading uh thukhensatna khat bawl uh hi; bang hang hiam cih leh bawl dinga a kigen bangin amaute in a lianpi-in bawl ngei lo uh hi.

2 KHANG TANGTHU NIHNATE 30:5 Referans Kwoze

Thukhente 20:1

Tua ciangin Israel mite khempeuh, Gilead gam zong a kihel, Dan panin Be-ersheba dong hong kuankhia uh a, Topa' kiang Mizpah-ah mihing khat bangin mihonte hong kikhawm uh hi.

1 KORIN MASA 11:2

Note in na khempeuh sung pan kei nong ngaihsut uh a, ka hong piak bangin thu na zuih uh ciangin note ka hong phat hi.

Daniel 6:8

Tua ahih ciangin kumpipa aw, thupiakna lai hawmkhia in la, a tungah na min gelh in. Tua hi leh Mediate leh Persiate’ upadi pen kikhel thei lo ding a, ngat taka a kizuih kul ding hi,” a ci uh hi.

2 KHANG TANGTHU NIHNATE 36:22

Tu-in Persia kumpipa Sairas’ kum khatna kumin, Jeremiah’ kam pana Topa’ thugen a tangtun’ theih nadingin, Topa in Persia kumpipa Sairas’ lungsim hanthawn a, amah in a kumpigam sung khempeuh ah taangkona khat bawl a, lai-in zong gelh hi.

2 KHANG TANGTHU NIHNATE 35:18

Kamsang Samuel’ huna kipan tua bang Paisan Pawi Israel tungah kibawl ngei lo hi; Josiah, leh siampite leh Levi mite, leh tua lai-ah a om Judah leh Israel khempeuh, leh Jerusalem a, teeng mite in a bawl Paisan Pawi tawh a kibang, Israel kumpite kuamah in bawl lo hi.

2 KHANG TANGTHU NIHNATE 24:9

Gamlakah a om lai-un Pasian’ nasem Moses in Israel mite a piaksak mangmu Topa adingin hong puak nadingun Judah leh Jerusalem sung khempeuh ah thuzaksakna kibawl hi.

Thu-hilhkikna 12:32

“Note kong thupiak khempeuh na hih ding uh na lim ngaihsut ding uh hi; na behlap kei ding uh a, zong na khiam kei ding uh hi.

Siampi Laibu 23:4

“Hihte in amaute adingin a kiseh hunin note in na gen ding uh ahi Topa’ pawi a kisehte a siangtho biak kikhopnate ahi hi.

Siampi Laibu 23:2

“Israel mite tungah hih bangin gen in: Note in a siangtho biak kikhopnate hi ci-a na gen ding uh a kiseh Topa’ pawi ahi a kiseh keima pawite in hihte ahi hi.

Piancilna 21:14

Tua ahih ciangin zingsangin Abraham tho baihin an leh tuithawl la-in Hagar pia a, ama' liangko tungah naupang tawh suanin amah sawl khia hi. Amah pai khia a, Be-ersheba gam sungah vak kawikawi hi.

2 KHANG TANGTHU NIHNATE 30:4

hih geelna pen kumpipa leh a kikhawm khempeuh adingin hoih leh kilawm hi.