2 KHANG TANGTHU NIHNATE 30:10 - Tedim Bible

¹⁰ Tua ahih ciangin laitaite Efraim leh Manasseh gam sung khuapi khat pan khuapi khat, leh Zebulun ciang dong pai uh hi; ahih hangin amaute in amaute nuihsanin zahpih uh a, na simmawh bawl uh hi.

Tedim Bible Revision 2017

¹⁰ Tua ahih ciangin Efraim le Manasseh gam sung khuapi khat pan khuapi khat le Zebulun ciang dongah laitaite a pai uh hi. Ahih hangin amaute in na nuihsanin zahpih uh a, na simmawh bawl uh hi.

2 KHANG TANGTHU NIHNATE 30:10 Referans Kwoze

2 KHANG TANGTHU NIHNATE 36:16

ahih hangin a mite tungah Topa’ hehna a suah ciang dong, a hehna a kidamsak zawh nawn loh ciang dongin amaute in Pasian’ kamtaite zahpihin, a thute simmawhin, a kamsangte thusim lo niloh uh hi.

2 KHANG TANGTHU NIHNATE 30:6

Tua ahih ciangin kumpipa leh a uliante kiang pana laikhakte tawh Israel khempeuh leh Judah sungah laitaite pai uh a, kumpipa’ thupiakna, “Israel mite aw, Assiria kumpite’ khut sung panin a suakta, a om lai note lamah amah hong kihei kik theih nadingin Abraham, Isaak, leh Israel Pasian, Topa’ lamah kihei kik un.

Hebru 11:36

Kim khatte in kosiatna, satgawpna tham loin, leh-henna, thongkiatnate tawh ze-etna a thuak uh hi.

Sawltak 17:32

Amaute in misite hin’kikna thu a zak uh ciangin, kimkhat in a kosia uh hi, kimkhat in, “Hih thu tu nung ciangin ka ngaikik nuam uh hi,” a ci uh hi.

Luka 23:35

Mite in enin a ding uh hi. A ukte in, “Hih pa in midangte a gum thei hi. Pasian’ teelsa Khazih ahih takpi leh, ama pumpi kigum ta hen,” ci-in a zahko uh hi.

Luka 16:14

Dangka a deihgawh Farisaite in hih thu khempeuh a zak uh ciangin Zeisu a zahko uh hi.

Luka 8:53

Amah a si kei hi, a ihmu hi,” a cih ciangin, numeino a si cih amau thei uh ahih ciangin, Zeisu zahpihin a nuihsan uh hi.

JOB (Job) 12:4

Ka lawmte nangawn in tu-in kei hong nuihsan uh a, kei dikin paubaang lo napi hong nuihsan uh hi; ahi zongin Pasian in ka thungetna hong piak hun om hi.

JOB (Job) 9:25

“Laitaite sangin ka hun nawh tai zaw a, bei pak ahih manin nopna ngah kha lo hi.

Esther 8:14

Tua ahih ciangin kumpipa’ sakolte’ tungah laitaite tuangin kumpipa’ thu-kin sawl mah bangin nawh tai uh hi; tua ciangin Susa khuapi sungah zong tua thupiakna lai kihawm hi.

Esther 8:10

Tua lai pen Kumpipa Ahasu-eras’ minin kigelhin kumpipa’ minthuhna zungbuh mah tawh kithuh a, kumpi sakol bukah a kikhawi kumpipa’ sakolte tungah laitaite kituangsakin lai kihawmsak hi.

Esther 3:15

Kumpipa’ thupiakna tawh laitaite kinawh sawl a, hih thupiakna pen kumpi khua Susa khuapi panin a kihawmkhia ahi hi. Kumpipa leh Haman zu ne-in om uh a, ahi zongin Susa khuapi sung buai mahmah hi.

Esther 3:13

Tua bangin kumpipa’ ukna gam khempeuh ah laitaite lai kipiasak a, Adar kha ahi a kha sawm-le-nihna a ni sawm-le-thum ni, ni khat sungin Judah mi a moi a ham, numei naupang, a vekpi-in susia-in, thatin, a beisak mang nading uh, leh a neihsate uh a laksak nadingun thu kipia hi.

Nehemiah 2:19

Ahi zongin Horonaim khuami Sanballat leh Ammon mi sal ahi Tobiah leh Arab gam-a a sem Geshem in tua thu a zak uh ciangin, kote zahpihna leh simmawhna tawh, “Hih na sep uh bang ahi hiam? Kumpipa lehpan’ na hi uh hiam?” hong ci uh hi.

Piancilna 19:14

Tua ahih ciangin Lot paikhia-in a tanute a ten’pih ding a mak dingte' kiangah, “Tho un, hih mun panin paikhia un; bang hang hiam cih leh Topa in khuapi a susia ding hi ta hi,” ci hi. Ahih hangin amah a mak dingte tungah a ciamnui bang lel hi.

2 KHANG TANGTHU NIHNATE 34:9

Siampi lianpa Hilkiah kiangah amaute hong pai uh a, kongcingte ahi Levi mite in Manasseh leh Efraim leh Israel a om laite khempeuh leh Judah leh Benjamin khempeuh leh Jerusalem a, teeng mite tung panin a khop ahi, Pasian’ innah hong kipaipih sumte pia uh hi.

Jeremiah 38:19

Kumpipa Zedekiah in Jeremiah kiangah, “Khaldea mite’ kianga a tai Judah mite ka kihta hi. Amaute’ khut sungah kei hong kipia leh amaute in kei hong bawlsia ding uh hi,” a ci hi.