2 KHANG TANGTHU NIHNATE 28:9 - Tedim Bible

⁹ Ahih hangin Oded min nei Topa’ kamsang khat tua lai-ah om hi; tua ciangin Samaria ah hong tung galkapte a dawn dingin amah pai khia a, amaute kiangah, “En un, na pu na pate uh’ Pasian Topa in Judah tungah heh ahih manin note khut sungah amaute hong pia a, ahih hangin note in heh mahmahna tawh amaute na that uh a, tua in vantung dong ban hi.

Tedim Bible Revision 2017

⁹ Ahih hangin Oded min nei Topaʼ kamsang khat tua lai ah om hi. Samaria ah hong tung galkapte a dawn dingin amah pai khia-in amaute kiangah, “En un, Judah tungah na pu na pate uh Pasian Topa heh ahih manin noteʼ khut sungah amaute hong pia a, ahih hangin note in heh mahmahna tawh amaute na that uh a, tua in vantung dong ban hi.

2 KHANG TANGTHU NIHNATE 28:9 Referans Kwoze

Mangmuhna 18:5

Bang hang hiam na cih uh leh, tua khuapi-a gitlohnate in vantung dongin tung a, Pasian in tua gitlohna thute a phawk zo hi.

Isaiah 47:6

Ka mite’ tungah ka heh a, keima luah gamh ka ninsak hi; nangma khut sungah amaute kong pia a, nang in amaute na hehpih kei hi; a khangham mite tungah na hakkol na giksak mahmah hi.

Ezra 9:6

“Ka Pasian aw, ka mawhnate un ka lu dawn uh hong vuknelhin vantung dong banto ahih manin nangma lam kong et ding maizumin ka mai san hi, ka Pasian aw.

Zekhariah 1:15

Tua banga nuam taka a om hithiat minamte tungah ka heh mahmah hi. Ka mite tungah ka hehna ki-ip tentanin ka om lai takin, hih minam dangte in ka mite’ gimna nasiasak semsem uh hi.

Late 69:26

Bang hang hiam cih leh nangmah in na satgawp mi amaute in bawlsia uh a, nangmah in na liamsaksa mi amaute in gimsak sawnsawn uh hi.

2 KHANG TANGTHU NIHNATE 28:5

Tua ahih ciangin Topa in Siria kumpipa khut sungah amah pia a, amah in zo-in a mi tampi salin Damaskas ah ciahpih hi. Israel kumpipa khut sungah zong amah kipia a, amah zo-in tampi tak that hi.

1 KUMPI MASATE 20:42

Tua ciangin amah in ama kiangah, “Topa in hih bangin ci hi: ‘Suksiat dinga ka sehsa mipa paikhiasak na hih ciangin ama nuntakna taangin nangma nuntakna, ama mite’ taangin nangma mite pai ding hi,” ci hi,” a ci hi.

1 KUMPI MASATE 20:22

Tua ciangin Israel kumpipa kiang nai-ah kamsangpa hong pai-in ama kiangah, “Hong pai in, nangmah kithakhauhsak in la, na hih ding thu limtakin ngaihsun in; bang hang hiam cih leh khuakhal ciangin Siria kumpipa nangmah do-in hong kuanto kik ding hi,” a ci hi.

1 KUMPI MASATE 20:13

Tua ciangin en in, Israel kumpi Ahab kiang nai-ah kamsang khat hong pai-in, “Topa in hih bangin ci hi; Hih mihon tampi khempeuh na mu khin hiam? En in, tu ni-in nangma khut sungah kong pia ding hi; tua ciangin keimah in Topa ka hihna na thei ding hi, ci in,” a ci hi.

Thukhente 3:8

Tua ahih ciangin Israelte tungah Topa’ hehna so a, amah in Mesopotamia kumpipa Kushan-rish-athaim tungah amaute zuak hi; Israel mite in Kushan-rish-athaim’ na kum giat sem uh hi.

Piancilna 11:4

Tua ciangin amaute in, “Hong pai un, leitung buppi maitang-ah eite i kithehthang gawp loh nadingin ei’ adingin khuapi khat bawlin, a dawn in vantung a ban ding tausangpi khat lamin, eite’ min ding khat bawl ni,” ci uh hi.

Piancilna 4:10

Topa in, “Nang’ bang hih na hi hiam? Na sanggampa’ sisan, leilak panin keitungah hong kiko hi.

1 KHANG TANGTHU MASATE 21:13

Tua ciangin David in Gad kiangah, “Keimah in lungkhamna lianpi khat ka tuak hi; ama hehpihna lian mahmah ahih manin Topa’ khut sungah hong puksak in; ahih hangin mihing’ khut sungah hong puksak kei in,” a ci hi.

Jonah 1:2

“Kithawi in la, a lian mahmah Nineveh khuapi-ah va pai-in va thu hilh in; bang hang hiam cih leh amau’ gitlohna thu ka za khin zo hi,” a ci hi.