2 KHANG TANGTHU NIHNATE 28:8 - Tedim Bible

⁸ Israel mite in amau’ beh Judah mite lak panin numeite, tapate, leh tanute, mihing tul zanih sal-in man uh hi; amaute in amau’ kiang panin van tampi zong la-in tua vante Samaria ah ciahpih uh hi.

Tedim Bible Revision 2017

⁸ Israel mite in amauʼ beh Judah mite lak panin numeite, tapate le tanute, mihing tul za nih salin a man uh hi. Amaute in amauʼ kiang panin van tampi zong la-in tua vante Samaria ah a ciahpih uh hi.

2 KHANG TANGTHU NIHNATE 28:8 Referans Kwoze

2 KHANG TANGTHU NIHNATE 11:4

‘Topa in hih bangin ci hi: ‘Note na kuanto kei ding uh a, na mipihte uh na do kei ding uh hi. Mi khempeuh na inn uhah ciahkik un; bang hang hiam cih leh hih thu in keima kiang pan ahi hi,’ ci-in gen in,” a ci hi. Tua ahih ciangin amaute in Topa’ thu ngai-in ciahkik uh a, Jeroboam a do dingin kuan lo uh hi.

Thu-hilhkikna 28:41

Tanute leh tapate na nei ding uh a, ahih hangin amaute in nomau’ aa hi lo ding uh hi; bang hang hiam cih leh amaute galmat suak ding hi.

Thu-hilhkikna 28:25

“Topa in na galte uh mai-ah note hong lel sak ding hi; amaute do dingin lam khatah na kuan ding uh a, amau mai-ah lam sagih ah na taikeek ding uh hi; leitung kumpi gamte khempeuh muhna ah note in a cikzet-huai na hi ding uh hi.

Sawltak 13:26

“Abraham’ suan akipan ute naute leh no lakah Pasian a kihtate aw, hih gupna thu eite kiangah hong khak zo hi.

Sawltak 7:26

Zingsang ciangin amau kiangah pai a, “Lawmte aw, u leh nau hi napi-in bang hangin khat leh khat na kibawlsia uh hiam?’ ci-in kilemna thu a gen hi.

2 KUMPI NIHNATE 6:22

Amah in dawngin, “Amaute na that kei ding hi. Na namsau leh na thal tawh loin galmatin na laksate that ding na hi hiam? Amaute in ne-in dawnin a topa uh kiangah a ciah theih nadingun amaute mai-ah an leh tui lui in,” a ci hi.

2 KHANG TANGTHU NIHNATE 28:7

Tua ciangin Efraim mi a thahat Zikri in kumpipa’ tapa Ma-aseiah leh kumpi inn a uk Azrikam leh kumpipa zom-ah aana a nei Elkanah that hi.

2 KHANG TANGTHU NIHNATE 28:11

Tu-in ka thugen hong za un la, na behte uh kiang panin na lak uh na galmatte uh puak kik un; bang hang hiam cih leh Topa’ hehna a lauhuai in note tungah om hi,” a ci hi.

Isaiah 9:21

Manasseh in Efraim, Efraim in Manasseh ne-in tua tegel in Judah langpang khawm uh hi. Hih thute khempeuh hangin ama hehna dam zo nai lo a, ama khut kilamto lai hi.