2 KHANG TANGTHU NIHNATE 28:6 - Tedim Bible

⁶ Bang hang hiam cih leh amaute in a pu pate uh’ Pasian, Topa nusia uh ahih manin Remaliah’ tapa Pekah in ni khat thu-in amaute galhang mihing tul zakhat leh tul sawmnih, Judah gam sungah that hi.

Tedim Bible Revision 2017

⁶ Bang hang hiam cih leh amaute in a pu a pate uh Pasian, Topa nusia uh ahih manin Remaliahʼ tapa Pekah in ni khat thu-in amaute galhang mihing tul za khat le tul sawm nih, Judah gam sungah a that hi.

2 KHANG TANGTHU NIHNATE 28:6 Referans Kwoze

2 KUMPI NIHNATE 15:27

Judah kumpipa Uzziah’ kum sawmnga-le-nihna kumin Remaliah’ tapa Pekah in Samaria panin Israel tungah uk ding kipan a, kum sawmnih sung uk hi.

Isaiah 9:21

Manasseh in Efraim, Efraim in Manasseh ne-in tua tegel in Judah langpang khawm uh hi. Hih thute khempeuh hangin ama hehna dam zo nai lo a, ama khut kilamto lai hi.

Jeremiah 15:6

Nangmah in kei nong taisan zo hi, Topa in kong ci hi, kei nong nungngat niloh hi; tua ahih manin ka khut kong zan-a kong susia hi—ka hehna ka ki-ipip zo nawn kei hi.

Jeremiah 2:19

Na gitlohna mah in nangmah hong thu hilh ding-a, na thu up nawn lohna in nangmah hong mawhsak ding hi. Topa na Pasian nong nusiat ciang, kei nong kihtak nawn loh ciangin, nuam hetlo-a kha keei hi, cih thu thei in la, mu in, a vanglian Topa Pasian in kong ci hi.

Isaiah 7:9

Efraim’ lutang in Samaria hi a, Samaria’ lutang in Remaliat’ tapa ahi hi. Hih thu upna kho na neih kei leh, nang na kip kei ding hi,’ va ci in,” ci-in a gen hi.

Isaiah 1:28

Ahih hangin a lehdo mite leh a khial mite pen kisusia khawmin Topa a nusiate pen kibeimangsak ding hi.

2 KHANG TANGTHU NIHNATE 15:2

tua ciangin Asa dawntuah dingin amah pai-in ama kiangah, “Ka thu ngai un, Asa leh Judah mite leh Benjaminte aw: Note in amah tawh na om lai teng uh Topa in note tawh om hi. Amah na zon’ uh leh amah na mu ding uh a, ahih hangin amah na nusiat uh leh amah in note hong nusia ding hi.

2 KHANG TANGTHU NIHNATE 13:17

Abijah leh a mite in amaute tampi tak that uh hi; tua ahih ciangin Israel mi a kitengkhia mihing tul zanga a kithatin tuk hi.

2 KUMPI NIHNATE 16:5

Tua ciangin Siria kumpipa Rezin leh Israel kumpipa, Remaliah, tapa Pekah, Jerusalem gal-in a do dingin hong kuanto uh a, amaute in Ahaz umcih uh a, ahih hangin amah zo zo lo uh hi.

2 KUMPI NIHNATE 15:37

Tua hunin Topa in Judah do dingin Siria kumpipa Rezin leh Remaliah’ tapa Pekah sawl ding kipan hi.

Joshua 24:20

Topa nusia-in gamdang pasiante’ na nasep uh leh, note tungah a hoih hong bawl khit ciangin amah hong kihei-in note tungah siatna hong bawlin note hong beisak ding hi,” a ci hi.

Thu-hilhkikna 32:20

Amah in, ‘Amaute kiang panin ka mai ka seel ding a, amaute’ tawpna bang hong hi hiam ka en ding hi; bang hang hiam cih leh amaute in a lampial khang mite hi a, cihtakna a nei lo tate ahi uh hi.

Thu-hilhkikna 28:25

“Topa in na galte uh mai-ah note hong lel sak ding hi; amaute do dingin lam khatah na kuan ding uh a, amau mai-ah lam sagih ah na taikeek ding uh hi; leitung kumpi gamte khempeuh muhna ah note in a cikzet-huai na hi ding uh hi.

Thu-hilhkikna 28:15

“Ahih hangin note in Topa na Pasian uh thu mang loin, tu ni-a note kong piak ama thupiaknate leh ama thukhamte khempeuh lim takin na zuih kei uh leh, hih samsiatna khempeuh note tungah hong tung ding a, note hong ban ding hi.

2 KHANG TANGTHU NIHNATE 28:7

Tua ciangin Efraim mi a thahat Zikri in kumpipa’ tapa Ma-aseiah leh kumpi inn a uk Azrikam leh kumpipa zom-ah aana a nei Elkanah that hi.

Isaiah 7:1

Uzziah’ tapa Jotham, Jotham’ tapa Ahaz ahi Judah kumpipa’ hun lai takin, Siria kumpipa Rezin leh Remaliah’ tapa Pekah ahi Israel kumpipa in Jerusalem khuapi sim dingin kuanto uh a, ahih hangin amaute in zo zo lo uh hi.

2 KHANG TANGTHU NIHNATE 21:10

Tua ahih ciangin tuni dongin Judah ukna panin Edom lengkhia hi. Jehoram in a pu a pate’ Pasian, Topa nusia ahih manin, tua hun lai takin Libnah zong ama ukna panin lengkhia hi.

JOB (Job) 34:27

Bang hang hiam cih leh amaute in a thu mang nawn lo uh a, a thupiaknate khempeuh don nawn lo uh hi.

Late 37:38

Ahih hangin thu palsatte kisusia mang khin ding a, migilote’ suan-le-khakte kipuaseh ding hi.

Isaiah 3:25

Na mite pen namsau tawh si ding uh a, a vanglian na mitepen gal sungah kisia ding uh hi.