2 KHANG TANGTHU NIHNATE 26:8 - Tedim Bible

⁸ Ammon mite in Uzziah tungah siah puak uh a, amah a thahat mahmah suak ahih manin a minthan’na in Izipt gamgi ciang dong nangawn zel hi.

Tedim Bible Revision 2017

⁸ Ammon mite in Uzziah tungah siah puak uh a, amah a thahat mahmah suak ahih manin a minthanna in Egypt gam ciang dong nangawn zel hi.

2 KHANG TANGTHU NIHNATE 26:8 Referans Kwoze

2 KHANG TANGTHU NIHNATE 17:11

Filistiate pawlkhat in Jehoshafat tungah letsongte leh siah dingin ngun puak uh hi; tua ciangin Arabte in zong ama tungah ganhon tuutal tul sagih leh za sagih, leh keeltal tul sagih leh za sagih puak uh hi.

2 SAMUEL NIHNA 8:2

Tua ciangin amah in Moab mite zo a, amaute khauzang khat tawh tehin, lei lakah amaute lumsak hi; amah in thah dingin gual nih leh khah dingin gual khat dim teh hi. Tua ciangin Moab mite in David’ nasemte suakin siah puak uh hi.

Piancilna 19:38

A nau in zong tapa khat nei a, a min Ben-ammi phuak hi; amah in tu donga Ammon mite’ pian’na pupi ahi hi.

Mattiu 4:24

A thu khempeuh in Siria gam teng zeel a, dawi lut, sibup, khut leh khe si akipan, cinatna pawl khempeuh a veite ama kiangah hong paipih uh a, cinatna khempeuh a damsak hi.

2 KHANG TANGTHU NIHNATE 20:1

Hih thu khit ciangin Moab mite leh Amon mite, leh Meunim mite pawlkhat in Jehoshafat a sim dingin hong kuan uh hi.

1 KUMPI MASATE 4:31

Bang hang hiam cih leh mi dang khempeuh sangin amah pil zaw a, Ezrah mi Ethan, leh Mahol, tapa Heman, Kalkol, leh Darda sangin pil zaw hi; ama minthan’na in a kiim-a minam khempeuh lakah kizeel hi.

2 SAMUEL NIHNA 8:13

David in minthan’na ngah hi. A ciah ciangin amah in Ci Kuam-ah Edom mite tulsawm leh tulgiat that hi.

1 SAMUEL MASA 11:1

Tua ciangin Ammon mi Nahash paito-in Jabesh Gilead umcih hi; Jabesh mite in Nahash kiangah, “Ko tawh kilemna hong bawl in, nangma’ na kong sem ding uh hi,” a ci uh hi.

Thu-hilhkikna 2:19

Ammon mite leitang khat zong na neih dingun hong pia lo ding ka hih manin, Ammon mite’ gamgi na nai uh ciangin amaute gimsak kei un la, amaute tawh kido kei un, bang hang hiam cih leh a neih dingun Lot’ suan leh khakte tungah ka pia ding hi.

Piancilna 12:2

Thupha a ngah dingin minam lian khatin nang hong bawlin, thupha hong pia-in, na min kong liansak ding a, nang in thupha na hi ding hi.

2 KHANG TANGTHU NIHNATE 26:9

Tua tham loin Uzziah in Jerusalem a Kiu Kongpi leh a Kuam Kongpi leh a Keen Kulh san-ah tausangte lam a, tuate kulh tawh um hi.

1 KHANG TANGTHU MASATE 14:17

Tua ciangin David minthan’na in gam khempeuh zel a, Topa in minam khempeuh tungah amah kikihtakna tungsak hi.

2 KHANG TANGTHU NIHNATE 27:5

Amah in Ammon kumpipa tawh kido a, amaute zo hi. Tua ciangin Ammon mite in tua kumin ama tungah ngun talen zakhat, leh mangbuh lawh tulsawm leh mangbuhham lawh tulsawm mah puak uh hi. Ammon mite in ama tungah a kum nihna leh a kum thumna kumin tua zah mah puak uh hi.