2 KHANG TANGTHU NIHNATE 26:5 - Tedim Bible

⁵ Pasian zahtak ding ama tungah a hilh Zekhariah’ hun sung teng amah in Pasian zong hi; amah in Topa a zon’ lai teng, Pasian in amah daupai sak hi.

Tedim Bible Revision 2017

⁵ Pasian zahtak ding ama tungah a hilh Zekhariahʼ hun sungteng amah in Pasian zong hi. Amah in Topa a zon lai teng, Pasian in amah daupaisak hi.

2 KHANG TANGTHU NIHNATE 26:5 Referans Kwoze

2 KHANG TANGTHU NIHNATE 15:2

tua ciangin Asa dawntuah dingin amah pai-in ama kiangah, “Ka thu ngai un, Asa leh Judah mite leh Benjaminte aw: Note in amah tawh na om lai teng uh Topa in note tawh om hi. Amah na zon’ uh leh amah na mu ding uh a, ahih hangin amah na nusiat uh leh amah in note hong nusia ding hi.

2 KHANG TANGTHU NIHNATE 24:2

Joash in siampi Jehoiada’ hun sung khempeuh Topa’ mit-ah a man gamta hi.

1 KHANG TANGTHU MASATE 22:13

Tua ciangin Israelte’ adingin Topa in Moses a piak thukhamte leh biakna ngeina kipte zuih ding na kidop nak leh na maa vang ding hi. Thakhauh in la, hang in. Lau kei in; lungkia kei in.

Daniel 5:16

Ahih hangin nangmah in thu thukpi leh kuama theih zawh loh thute gen thei hi ci-in kong za zo hi. Hi lai kigelh na sim theih a, a khiatna nong gen theih leh, kumpi puanpi san kong silhsak ding a, minphatna khamkhi na ngawngah hong ok sakin, kumpigam sungah a za lian thumna-in ka hong koih ding hi,” a ci hi.

Daniel 10:1

Sairas in Persia gam kumpi-a a suah zawh kumthum a phak lai takin, Belteshazzar a kici Daniel tungah thu khat a kipia hi. Tua thu pen a maan hi a, theihtel hak mahmah ahih manin mangmuhna tawh tel takin a kilak hi.

Daniel 2:19

Tua ciangin tua zanin tua thu thukpi mangmuhna tawh Daniel’ tungah kihilh a, amah in vantung Pasian’ min a phat hi.

Daniel 1:17

Pasian in tua khangno lite lai theih siamna leh pilna thukte a pia hi. Daniel pen mangmuhna leh mang khiat siamna a pia hi.

2 KHANG TANGTHU NIHNATE 25:8

Ahih hangin hih bang lam-a hihna tawh galdona ah thahat dingin kingaihsun kha na hih leh, Pasian in galte mai-ah nang hong paai ding hi; bang hang hiam cih leh Pasian in huh nading ahi a, paihna ding ahi zongin vangliatna nei hi,” a ci hi.

Piancilna 41:15

Faro in Josef' kiangah, “Mang khat ka man a, a khiatna a gen thei kuamah om lo hi; nang in mang na zak ciangin a khiatna gen thei ci-in hong kigenna ka za hi,” ci hi.

Hosea 6:4

Israel leh Judah aw, note bang hong cih thei nawn ding ka hi hiam? Note’ hong itna in zingsang meiilum bangin theng pak a, a mangthang pak daitui tawh kibang lel hi.

1 KHANG TANGTHU MASATE 22:11

Tu-in ka ta aw, amah in nangma thu a gensa bangin Topa na Pasian’ inn na lamna ah na tangtun’ theih nadingin Topa in nang hong ompih ta hen.

Thukhente 2:7

Mite in Joshua nuntak sung leh, Israelte adingin Topa’ sepsa na lian khempeuh a mu, Joshua sanga a khan’ sau zawte khempeuh nuntak sungin Topa’ na sem uh hi.

Piancilna 41:38

Faro in a nasemte' kiangah, “Ama' sungah Pasian’ Kha Siangtho a omna, hih bang mi mu ding i hi hiam?” ci hi.

Sawltak 20:30

Nungzuite a zolkhia dingin thuzuau a gen mite in note lakah a piang ding uh hi cih ka thei hi.

Late 1:3

Amah in luitui luang gei-a kisuan, ama gah hunin gah a, a teh a vul lo singkung tawh kibang hi. Ahihna khempeuh ah a ma pai hi.

2 KUMPI NIHNATE 15:34

A pa Uzziah’ gamtatnasa khempeuh bangin amah in Topa’ mit-ah a man gamta hi.

2 KHANG TANGTHU NIHNATE 26:4

A pa Amaziah’ hihsa khempeuh bangin amah in Topa’ mitah a maan sem hi.

2 KHANG TANGTHU NIHNATE 27:6

Tua ahih ciangin Topa a Pasian’ mai-ah Jotham a va hoih tatna hangin a vang lian hi.

Joshua 1:7

Thahat-in hang in la, ka nasempa Moses in nang hong piak thukhamte khempeuh tawh kizui-in na gamtat ding lim takin ngaihsun in; na paina peuhah hoih takin na lamzan’ theihna dingin tak lamah ahi a, vei lamah ahi zongin pial kei in.

Joshua 1:8

Hih thukham laibu na mangngilh ngei kei ding hi. A sunga a kigelh thute khempeuh tawh kizui-in na gamtat theihna dingin sun leh zanin na lungngaingai ding hi; tua hi leh na lampi mavang ding a, na nasep tangtung ding hi.

2 KHANG TANGTHU NIHNATE 14:6

Tua gamah gal dai ahih manin Judah sungah kulh a nei khuapite lam hi. Topa in ama tungah kilemna pia ahih manin tua kum sungin amah in galdona nei lo hi.

2 KHANG TANGTHU NIHNATE 29:1

Hezekiah in uk ding a kipatin kum sawmnih-le-nga pha a, amah in Jerusalem ah kum sawmnih-le-kua sung uk hi. Ama nu’ min in Abijah hi a, Zakhariah’ tanu ahi hi.

2 KHANG TANGTHU NIHNATE 32:30

Hih Hezekiah mah in Gihon tui tungnungte khaktanin David khuapi nitumna lam pangah luang sak hi. Hezekiah a nasepna khempeuh ah a ma vang hi.