2 KHANG TANGTHU NIHNATE 26:23 - Tedim Bible

²³ Tua ciangin Uzziah a pate tawh ihmu a, amaute in kumpite’ neihsa kivuina munah a pate tawh vui uh hi; bang hang hiam cih leh amaute in, “Amah in a phak ahi hi,” a ci uh hi. Tua ciangin a tapa Jotham in ama tangin uk hi.

Tedim Bible Revision 2017

²³ Uzziah si a, amaute in kumpiteʼ neihsa hanah vui loin a huang sungah a vui uh hi; bang hang hiam cih leh amaute in, “Amah a phak ahi hi,” a ci uh hi. Tua ciangin a tapa Jotham in ama tangin a uk hi.

2 KHANG TANGTHU NIHNATE 26:23 Referans Kwoze

2 KHANG TANGTHU NIHNATE 28:27

Tua ciangin Ahaz si a, amaute in Jerusalem khuapi sungah vui uh hi; ahi zongin Judah kumpite tawh vui khawm lo uh hi. Tua ciangin a tapa Hezekiah in ama tangin uk hi.

2 KHANG TANGTHU NIHNATE 21:20

Amah in uk ding a kipatin kum sawmthum-le-nih pha a, Jerusalem ah kumgiat sung uk hi; kuama dahpih lohin amah kihemkhia hi. Amaute in David khuapi sungah amah phum uh a, ahih hangin kumpite’ han sungah kiphum lo hi.

Isaiah 6:1

Uzziah Kumpipa a sih kumin, a sang mahmah, a lian kumpi tokhom tungah Topa a tu ka mu hi; ama kumpi puanpi pen biakinn sung teng dim hi.

2 KHANG TANGTHU NIHNATE 33:20

Tua ahih ciangin Manasseh a pate tawh ihmu a, amaute in a inn sungah amah vui uh hi; tua ciangin a tapa Amon in ama tangin uk hi.

2 KHANG TANGTHU NIHNATE 26:18

tua ciangin amaute in kumpi Uzziah nialin ama kiangah, “Uzziah aw, Topa tungah paknamtui hal ding pen nangma hih ding hi lo hi; paknamtui hal dingin a ki-ap, Aaron’ suan siampite hih ding ahi hi. Biakinn sung panin paikhia in; bang hang hiam cih leh na gamta khial a, hih bang hihna in Topa Pasian tung panin nang tungah pahtawina hong tun’ lo ding hi,” a ci uh hi.

2 KHANG TANGTHU NIHNATE 27:1

Jotham in uk ding a kipatin kum-sawmnih-le-nga pha a, amah in Jerusalem ah kum sawm-le-guk sung uk hi. Ama nu’ min in Jerushah hi a, Zadok’ tanu ahi hi.