2 KHANG TANGTHU NIHNATE 26:21 - Tedim Bible

²¹ Tua ciangin a sih ni dong Kumpi Uzziah a phak hi a, amah mi phak ahih manin inn tuam khatah teeng hi; bang hang hiam cih leh Topa’ biakinn panin amah kipuaseh hi. Tua ciangin a tapa Jotham in kumpipa’ innkuan tungah uk a, amah in tua gam mite uk hi.

Tedim Bible Revision 2017

²¹ Tua ahih ciangin a sih ni dong Kumpi Uzziah a phak hi a, amah miphak ahih manin inn tuam khat ah a teeng hi; bang hang hiam cih leh Topaʼ biakinn panin amah kipuaseh hi. Tua ciangin a tapa Jotham in tua gam mite a uk hi.

2 KHANG TANGTHU NIHNATE 26:21 Referans Kwoze

Siampi Laibu 13:46

Amah in a natna a neih lai teng a nin hi ding hi; amah a nin ahi hi; giahphual pua lam mun khatah amah guak teeng ding hi.

2 KUMPI NIHNATE 7:3

Tu-in kulh kongpi lutna ah a phak mi li om hi; amaute khat leh khat in, “I sih dongin bang hangin hih lai-ah tu ding i hi hiam?

Gamlak-vakna 12:15

Tua ahih ciangin giahphual pua lamah ni sagih sung Miriam kikhumcip hi; Miriam a kipaipih kik mateng khualzin a zom dingin mite ding khia lo uh hi.

Siampi Laibu 14:8

A kisiangsak ding mipa in a puante sawpin, a mul khempeuh met khia-in, tui sungah amahmah kisilin, amah in a siang hi ding hi; tua khit ciangin amah giahphual ah hong ciah ding a, ahih hangin ama puanbuk pua lamah ni sagih sung om ding hi.

2 KHANG TANGTHU NIHNATE 26:20

Tua ciangin siampi lian Azariah leh siampi khempeuh in amah a et uh ciangin a taltangah phak natna na nei hi. Tua ciangin amaute in manlang takin amah sawnkhia uh a, Topa in amah vat khin ahih manin amahmah zong a paikhia dingin nawhtat hi.

Gamlak-vakna 5:4

Tua mah bangin Israel mite in hih uh a, giahphual pua-ah amaute hawl khia uh hi; Topa in Moses kiangah a gen bang in Israel mite in hih uh hi.

2 KHANG TANGTHU NIHNATE 27:1

Jotham in uk ding a kipatin kum-sawmnih-le-nga pha a, amah in Jerusalem ah kum sawm-le-guk sung uk hi. Ama nu’ min in Jerushah hi a, Zadok’ tanu ahi hi.