2 KHANG TANGTHU NIHNATE 26:20 - Tedim Bible

²⁰ Tua ciangin siampi lian Azariah leh siampi khempeuh in amah a et uh ciangin a taltangah phak natna na nei hi. Tua ciangin amaute in manlang takin amah sawnkhia uh a, Topa in amah vat khin ahih manin amahmah zong a paikhia dingin nawhtat hi.

Tedim Bible Revision 2017

²⁰ Tua ciangin siampi lian Azariah le siampi khempeuh in amah a et uh ciangin a taltang ah phak natna na nei hi. Tua ciangin amaute in manlang takin amah sawn khia uh a, Topa in amah vat khin ahih manin a mahmah zong a paikhia dingin nawh tat hi.

2 KHANG TANGTHU NIHNATE 26:20 Referans Kwoze

Esther 6:12

Tua ciangin kumpipa’ kongpi-ah Mordekai ciahkik hi. Haman ahih leh kilukhuhsa-in a thuum kawmin a innah ciah pah vingveng hi.

Thu-hilhkikna 28:35

Topa in note na kidamsak kik theih loh ding uh a nasia meimatumte tawh na khukte leh na khete uh meimasak gawpin, na khenuai panun na luzang dong uhah na thuak ding uh hi.

Thu-hilhkikna 28:22

Topa in pulnatna, leh cisa natna, meima nasia, leh a sa mahmah natna, leh keutumna, leh huihpi mutgawpna, leh a nom tawh note hong vatgawp ding hi; note na siat mateng uh tuate in hong delh ding hi.

Siampi Laibu 14:34

“Note adinga kong piak Kanaan gamah na om ciangun note’ leitang-a inn khat sungah phak natna kong tun’sak ciangin,

Siampi Laibu 13:10

siampipa in vel ding a, a vun sungah a bawk kaang omin tua in a multe kangsakin a bawk sungah ma thak a om leh,

2 KHANG TANGTHU NIHNATE 26:19

Tua ciangin Uzziah heh hi. Tu-in amah in paknamtui hal dingin a khut sungah paknamtui beel tawi a, siampite tungah a hehna hangin, paknamtui biakna tau gei, Topa’ biakinn sung siampite’ muhin ama taltang ah phaknatna hong suakkhia hi.

2 KHANG TANGTHU NIHNATE 26:21

Tua ciangin a sih ni dong Kumpi Uzziah a phak hi a, amah mi phak ahih manin inn tuam khatah teeng hi; bang hang hiam cih leh Topa’ biakinn panin amah kipuaseh hi. Tua ciangin a tapa Jotham in kumpipa’ innkuan tungah uk a, amah in tua gam mite uk hi.

Ezra 7:5

a pa Abishua, a pa Finehas, a pa Elazar, a pa, siampi lian Aaron—