2 KHANG TANGTHU NIHNATE 26:18 - Tedim Bible

¹⁸ tua ciangin amaute in kumpi Uzziah nialin ama kiangah, “Uzziah aw, Topa tungah paknamtui hal ding pen nangma hih ding hi lo hi; paknamtui hal dingin a ki-ap, Aaron’ suan siampite hih ding ahi hi. Biakinn sung panin paikhia in; bang hang hiam cih leh na gamta khial a, hih bang hihna in Topa Pasian tung panin nang tungah pahtawina hong tun’ lo ding hi,” a ci uh hi.

Tedim Bible Revision 2017

¹⁸ Tua ciangin amaute in Kumpi Uzziah nialin ama kiangah, “Uzziah aw, Topaʼ tungah paknamtui hal ding nangma hih ding hi lo hi. Paknamtui hal dingin a ki-ap, Aaronʼ suan siampiteʼ hih ding ahi hi. Biakinn sung panin paikhia in; bang hang hiam cih leh na gamta khial a, hih bang hihna in Topa Pasian tung panin nangʼ tungah pahtawina hong tun lo ding hi,” a ci uh hi.

2 KHANG TANGTHU NIHNATE 26:18 Referans Kwoze

Gamlak-vakna 18:7

Nang leh na tapate in biakna tau tawh kisai nate leh dalna puan sunga om nate khempeuhah na siampi nasep uh na sem ding uh hi; na siampi nasep uh letsongin kong piak hi a, a nai-ah hong pai midang peuhmah kithat ding hi,” a ci hi.

Hebru 5:4

Pasian in Aaron a sap bangin a sap mite longal, kuamah in tua za a lian a la thei kei ding hi.

Jeremiah 13:18

Kumpipa leh a nu’ kiangah, “Na kumpi tokhomte tung panin hong tuaksuk un, bang hang hiam cih leh na kumpi lukhute uh na lu tung pan-un kiakhin zo hi,” va ci un.

2 KHANG TANGTHU NIHNATE 19:2

Ahih hangin amah dawn dingin thu-mupa Hanani’ tapa Jehu hong paikhia a, Kumpi Jehoshafat kiangah, “Migilote huhin Topa a mudahte it ding na hi hiam? Hih thu hangin Topa’ hehna nang tungah hong tung zo hi.

Jeim 2:1

Ka u ka naute aw, a minthang Topa ahi i Topa Zeisu Khazih upna thu-ah mi maitang zahtak tuam nei kei un.

Galati 2:11

Tua nung ciangin Antiok khua-ah Kefas hong pai ciangin amah mawhsak nading thu om ahih maninah, kei in amah tel takin nialin ka kham hi.

2 KORIN NIHNA 5:16

Tua ahih ciangin tu-a kipan kote in ci-le-sa pawlte ngaihsunin kuamah ka thei kei uh hi. Ci-le-sa pawlte ngaihsunin Khazih ka theih ngei uh hangin tu-a kipanin tua bang ka thei ngei nawn kei uh hi.

1 KORIN MASA 5:5

Topa Zeisu’ Ni ciangin tua mipa’ kha in gupna a ngah theih nadingin ama pumpi a kisiat na’ng Satan’ khut sungah na pia ta un ci-in ka khen hi.

Johan 5:44

Khat leh khat kipiak minthan’na na ngah uh a, Pasian khat bek’ piak theih minthan’na a zong lo note in bangci up theih ding na hi uh hiam?

Mattiu 14:4

Bang hang hiam i cih leh, Johan in, “Tua numei na teen’pih ding kilawm lo hi,” ci-in Herod kiangah a hilh hang hi.

Mattiu 10:28

Pumpi a thah theih hangin kha a that zo lote na kihta kei un. Pumpi leh kha hel khua sungah a khul zopa na kihta zaw un.

Mattiu 10:18

Tuate akipan Gentailte mai-ah teci-in na pan’ nadingun, mangte leh kumpite mai-ah keima hangin note hong paipih ding uh hi.

Daniel 4:37

Tu in keimah Nebukhadnezzar in Vantung Kumpipa phatin, zahtakin a min ka thangsak hi. A bawlna khempeuh a man hi. Amah a tawntungin thuman a, kiphasak-a gamtate a neusak hi.”

1 SAMUEL MASA 2:30

Tua ahih ciangin Israelte’ Pasian, Topa in thu genin: ‘Nangma innkuan leh na behte in keima mai-ah sung tumin pusuak tawntung ding hi, ci-in thu ka ciam hi,’ a ci hi; ahih hangin tu-in Topa in thu genin: ‘Tua bang hi het lo ding hi: bang hang hiam cih leh kei hong pahtawite ka pahtawi ding a, kei hong simmawhte ka simmawhbawl ding hi.

Gamlak-vakna 3:10

Nangmah in Aaron leh a tapate na seh ding a, amaute in a siampi nasep uh don ding uh hi; ahih hangin midang khatpeuh a nai-ah a pai leh, tua mi kithat ding hi,” a ci hi.

Paikhiatna 28:1

“Tua ciangin keimah' tungah siampi na a sem dingin Israel mite' lak panin na sanggampa Aaron leh amah tawh a tapate—Aaron leh Aaron’ tapate, Nadab leh Abihu, Eleazar leh Ithamar, nangma' kiangah la in.

Joshua 22:15

Tua ciangin Gilead gam sunga om Reuben mite, Gad mite leh Manasseh minam a langte kiangah amaute pai uh a, amaute kiangah,

2 KHANG TANGTHU NIHNATE 30:7

Note in na theih uh bangin, amau’ pute pate’ Topa Pasian tungah a cihtaklohna hangun amaute gamkhingin amah in a bawl na pute na pate uh leh na sanggamte uh bang kei un.