2 KHANG TANGTHU NIHNATE 26:16 - Tedim Bible

¹⁶ Ahih hangin amah a thahat ciangin a siat nadingin a kiphatsakna hong khang hi. Bang hang hiam cih leh Topa a Pasian tungah amah khial a, paknamtui biakna tau tungah paknamtui hal dingin Topa’ biakinn sungah lut hi.

Tedim Bible Revision 2017

¹⁶ Ahih hangin amah a thahat ciangin a siat nadingin a kiphatsakna hong khang hi. Bang hang hiam cih leh Topa a Pasian tungah amah khial a, paknamtui biakna tau tungah paknamtui hal dingin Topaʼ biakinn sungah a lut hi.

2 KHANG TANGTHU NIHNATE 26:16 Referans Kwoze

2 KHANG TANGTHU NIHNATE 32:25

Ahih hangin a lungsim kiphasak ahih manin ama tungah phattuamna a kibawl bangin Topa tungah Hezekiah lungdam lo hi. Tua ahih manin amah leh Judah leh Jerusalem tungah Topa’ hehna hong tung hi.

Paunak 16:18

Kisaktheihna in siatna hong tuak sak a, kiphatsakna in pukna hong piang sak hi.

2 KHANG TANGTHU NIHNATE 25:19

Nangmah in, ‘Mu in, Edom mite ka vat khin hi,’ na ci a, na lungsim in nang hong kisathei sak hi. Tu-a na minthan’na zah tawh innah om in; bang hangin nangmah leh Judah mite na pukkhawm nadingun buaina piangsak ding na hi hiam?” a ci hi.

Habakkuk 2:4

Tua a hong tung ding thu in, ‘A gilo mite suakta lo ding a, ahih hangin thuman mi in ama upna tawh a nungta ding hi,’” hong ci hi.

Thu-hilhkikna 8:17

Na lungsim uhah, ‘Ka vangliatna uh leh ka thahatna un hih hauhna hong ngahsak hi,’ ci kha ding na hih manun kingaihsun un.

Thu-hilhkikna 8:14

na lungsim uh lianin, salsuahna Izipt gam panin no hong paikhiatpih,

Kolose 2:18

Lutang suang loin, pumpi ci-le-sa tawh kipawl ama lungsim tawh kisathei mawkin, ama theih loh a muh loh thute kantelin lungsim kiniamsakna-ah ahi zongin, vantungmi biakna-ah ahi zongin, nuamsa-a a om mi khat nangawn note lungdamna kisutsak kei un.

2 KUMPI NIHNATE 14:10

Nangmah in Edom na vat khin a, na lungsim in nang hong liansak hi. Na minthan’na tawh lungkim in la, innah om in; bang hangin nang tukin, Judah tawh nang na tuk nadingin buaina piangsak ding na hi hiam?” a ci hi.

1 KUMPI MASATE 12:33

A kha giatna a ni sawm-le-nga ni, ama deih kha sungin Beth-el a, ama bawlsa biakna tau ah amah paito hi; amah in Israel mite’ adingin pawi khat kipsak a, paknamtui hal dingin biakna tau ah paito hi.

Gamlak-vakna 16:35

Topa kiang panin mei hong paikhia a, paknamtui a pia mi zanih leh sawmngate kangtum hi.

Gamlak-vakna 16:18

Tua ahih ciangin a milip-un a paknamtui beel ciat uh la a, tuate sungah mei koihin a tungah paknamtui koih uh a, kikhopna buk kongah Moses leh Aaron tawh ding uh hi.

Gamlak-vakna 16:7

zing ciangin Topa’ mai-ah tua beelte’ sungah mei koihin, mei tungah paknamtui koih un; tua ciangin Topa’ teel mi in a siangtho hong hi ding hi. Levi’ tapate aw, khengval lua uh teh!” a ci hi.

Gamlak-vakna 16:1

Tu-in Levi mite sung pan Levi’ tapa Kohath, Kohath’ tapa Izhar, Izhar’ tapa Korah leh Reuben mite sung Reuben’ tapa Eliab, Eliab’ tapa Dathan leh Abiram leh Peleth’ tapa On,

1 KUMPI MASATE 13:1

En in, Topa’ thu tawh Judah panin Pasian’ mi khat Bethe-el ah hong pai hi. Paknamtui hal dingin biakna tau gei-ah Jeroboam na ding hi.

2 KHANG TANGTHU NIHNATE 26:15

Amah in thaltangte leh suang liante lot nadingin tausang omna munte leh a kiute ah koih ding, mi a siamte in a bawltawm sette, Jerusalem ah bawl hi. Amah a thahat dong a lamdangpi khatin kihuh ahih manin ama minthan’na in gamlapi zel hi.

2 KHANG TANGTHU NIHNATE 27:2

A pa Uzziah hihsa khempeuh bangin amah in Topa’ mit-ah a man gamta hi—ahih hangin a pa bangin Topa’ biakinn sungah amah va mawk lut lo hi. Ahih hangin mite in a sia gamtatnate zui lai uh hi.

Daniel 8:8

Tua keeltal a thahatna hong khangto semsem a, ahih hangin a thahatpen lai takin a ki a kitan hi. Tua ki pona munah a lamdang ki li hong po to kik a, vantung kiu lite a kawk hi.

Gamlak-vakna 17:5

Keimah in ka teel mipa, ciangkhut hong sel ding hi; amaute in nang hong phunsanna, Israel mite’ phunna tua bangin kei kiang panin ka beisak ding hi,” a ci hi.

2 KUMPI NIHNATE 15:5

Tua ciangin Topa in phak natna tawh kumpipa vat ahih manin a sih ni dongin amah a phak hi a, inn tuam sungah amah teng hi. Tua ciangin kumpipa’ tapa Jotham in innkuan tungah a uk hi a, tua gam mite a uk hi.

2 KHANG TANGTHU NIHNATE 12:1

Rehoboam’ ukna kipin a thahat ciangin, amah leh amah tawh a om Israel khempeuh in Topa’ thukham nusia uh hi.

Daniel 11:12

A galhat man leh galkap tampi a thahna hangin kisa thei mahmah ding a, ahih hangin a gualzo tawntung kei ding hi.