2 KHANG TANGTHU NIHNATE 26:13 - Tedim Bible

¹³ Amaute’ ukna nuai-ah galdona ah kumpipa a huh dingin thahatna tawh gal a do thei ding galkap tul zathum leh tul sagih leh zanga om hi.

Tedim Bible Revision 2017

¹³ Amauteʼ ukna nuai ah galdona ah kumpipa a huh dingin thahatna tawh gal a do thei ding galkap tul za nga om hi.

2 KHANG TANGTHU NIHNATE 26:13 Referans Kwoze

2 KHANG TANGTHU NIHNATE 25:5

Tua ciangin Amaziah in Judah mite khawm a, a tul-a ukte leh a za-a ukte khut nuai-ah Judah mi leh Benjamin mite a beh behin a pawl pawlin koih hi. Amah in kum sawmnih leh a tungsiah a pha mite khawm a, galsim dingin a hoih, teipi leh lum a zang thei a, a kitengkhia mihing tul zathum pha hi.

2 KHANG TANGTHU NIHNATE 14:8

Asa in Judah mite sung panin lumgol leh teipi a tawi galkap tul zathum, leh Benjamin mite lumneu pua-in thal a keek tul zanih leh tul sawmgiat nei hi; hih mite khempeuh in a thahat galhang mite ahi uh hi.

2 KHANG TANGTHU NIHNATE 13:3

Gal sim dingin Abijah kuankhia a, a kitengkhia mi tul zali a pha, a thahat galhang galkap hon nei hi; tua ciangin Jeroboam in amah do dingin a kitengkhia galhang tul zagiat tawh pang hi.

2 KHANG TANGTHU NIHNATE 11:1

Jerusalem ah Rehoboam hong tun’ ciangin a kumpi gam a ngah kik nadingin Israelte a do dingin amah in Judah minam leh Benjamin minam a kitengkhia galhang mihing tul zakhat leh tul sawmgiat kaikhawm hi.

2 KHANG TANGTHU NIHNATE 12:1

Rehoboam’ ukna kipin a thahat ciangin, amah leh amah tawh a om Israel khempeuh in Topa’ thukham nusia uh hi.

2 KHANG TANGTHU NIHNATE 26:12

A thahat galkap mang a vekpi in tulnih leh zaguk ahi hi.

2 KHANG TANGTHU NIHNATE 26:14

Uzziah in galkap khempeuh adingin lumte, teipite, siklukhute, sikpuante, thalte, lot ding suangtangte bawl hi.

2 KHANG TANGTHU NIHNATE 14:7

Tua ciangin amah in Judah mite kiangah, “Hih khuapite lamin kulhpite leh tausangte, kulhkongpite leh zawlte tawh um ni; eite in Topa i Pasian zong i hih manin leitang in eima’ aa hi lai hi; eite in amah i zong a, amah in i kiim khempeuh panin kilemna hong pia hi,” a ci hi. Tua ahih ciangin amaute in khuapi lam uh a, mavang uh hi.