2 KHANG TANGTHU NIHNATE 24:21 - Tedim Bible

²¹ Ahih hangin amaute in amah sawmsim uh a, kumpipa’ thupiakna tawh amaute in Topa’ inn tual-ah suang tawh amah denglum uh hi.

Tedim Bible Revision 2017

²¹ Ahih hangin amaute in amah sawm sim uh a, kumpipaʼ thupiakna tawh amaute in Topaʼ biakinn tual ah suang tawh amah deng lum uh hi.

2 KHANG TANGTHU NIHNATE 24:21 Referans Kwoze

Nehemiah 9:26

“‘Ahi zongin amaute in dem nopna lungsim nei-in nang hong lehdo uh hi; amaute in na thukham nungngat uh a, nangma lamah hong ciahkik nadingun amaute a hilhkhol na kamsangte that uh a, amaute in gendai-mawhna lianpi bawl uh hi.

Mattiu 21:35

Tua lo khawh lawhte in a nasemte a mat khit uh ciangin, khat sat, khat that, khat suang tawh a deeng uh hi.

Jeremiah 18:18

Tua ciangin amaute in, “Hong pai un, Jeremiah sawm ni. Bang hang hiam cih leh eite hong hilh dingin siampite ahi zongin, i dot dingin mipilte ahi zongin, Pasian’ thu hong gen dingin kamsangte ahi zongin i nei hi. Hong pai un, amah mawhsakin ama’ thu peuhmah mal khat zong i mang kei ding hi,” a ci uh hi.

Jeremiah 11:19

A kithatlum dinga kipaipih mawhna nei lo tuuno bang ka hi hi. Amaute in, “Singkung a gah phat hun lai takin phuktan ni; ama’ min a kiphawk nawn loh nadingin, amah that lum ni,” ci-in a gen uh, kei hong sawmna uh ahih lam ka thei kei kha hi.

Luka 11:51

Ahi hi. Ke’n kong cih-inah, tua si tu lai khang mite tungah a kisiik ding hi.

Hebru 11:37

Suang tawh denna, sing-atna tawh at tanna, ze-etna, namsau tawh thahna a thuak uh hi. Nakpi-in zawngkhalin, bawlsiatna thuakin, tuuvun keelvun silhin a kawivak uh hi.

1 KUMPI MASATE 21:13

Tua ciangin mi ginalo nihte hong pai-in ama mai-ah tu uh hi; tua ciangin mi ginalo nihte in mite’ mai-ah Naboth’ mawhna zong uh a, “Naboth in Pasian leh kumpipa samsia hi,” ci uh hi. Tua ahih ciangin amaute in khuapi pua lamah amah paipih uh a, suang tawh amah denglum uh hi.

Jeremiah 20:2

Tua ciangin Pashhur in kamsangpa Jeremiah sat a, Topa’ biakinn Benjamin Kongpi sak nungah kol a bulh hi.

Jeremiah 26:2

“Topa in kong cih-inah, Topa’ biakinnpi huang sungah va ding in la, Topa’ biakinnpi sunga bia dinga hong pai Judah gam khuapite khempeuh kiangah gen ding a, kong sawl khempeuh va gen in. Kam khat beek im kei in.

Jeremiah 26:21

Jehoiakim kumpipa leh a galkapmang khempeuh leh kumpi ulian khempeuhte in ama’ thugente a zak uh ciangin kumpipa in thah dingin a zong hi. Ahih hangin Uriah in tua thu a zak ciangin lau-in Izipt gamah a taisim hi.

2 KHANG TANGTHU NIHNATE 25:16

Ahih hangin amah in thu a gen lai takin kumpipa in ama kiangah, “Kumpi tungah ngaihsutna a pia dingin nang hong koih ka hi uh hiam? Khawl in! Bang hangin nang hong kithat ding ahi hiam?” a ci hi. Tua ahih ciangin kamsangpa khawl a, ahih hangin, “Nangmah in hih bang gamta-in ka thugenna ngai lo na hih manin Pasian in nang hong suksiat ding a lungsim a khentatna ka thei hi,” a ci hi.

Late 94:21

Amaute in thuman mihoihte thah sawm uh a, a mawh baang lo mite, sihna daan thuak sak uh hi.

Amos 5:10

Note in thukhen zumah thutang a deihpa na mudah uh a, thuman a genpa na hua uh hi.