2 KHANG TANGTHU NIHNATE 24:16 - Tedim Bible

¹⁶ Amah in Israel sung, leh Pasian’ na leh Pasian’ innah nasep hoih sem ahih manin amaute in David khuapi sung kumpite lakah amah vui uh hi.

Tedim Bible Revision 2017

¹⁶ Amah in Israel sung le Pasianʼ na le Pasianʼ biakinn ah nasep hoih sem ahih manin amaute in David khuapi sung kumpiteʼ lakah amah a vui uh hi.

2 KHANG TANGTHU NIHNATE 24:16 Referans Kwoze

Hebru 6:10

Bang hang hiam na cih uh leh, nomau nasepna uh akipan nidang lai-in misiangthote na vaak uh tham loin, tu nangawnin na vaak uh ahi zongin, tua bang hihin ama min hangin na lah uh ki-itna ahi zongin Pasian in a mangngilh dingin thumanlo-pa ahi kei hi.

2 KHANG TANGTHU NIHNATE 31:20

Tua bangin Hezekiah in Judah gam sung khempeuh ah hih hi; amah in Topa a Pasian mai-ah a hoih leh a man gamta-in cihtakna tawh sem hi.

1 KUMPI MASATE 2:10

Tua ciangin ama pate tawh David ihmu-in David khuapi sungah kivui hi.

Sawltak 2:29

“Ute naute aw, pian’na pu David thu a tel takin note kiangah kong gen-inah, tua David si a, a kivuina han in tuni dongin eite kiangah a om hi.

Nehemiah 13:14

Ka Pasian aw, hih thu tawh kisai-in kei hong phawk in la, ka Pasian’ inn leh a nasep nadingin ka sepsa gamtat hoihte maimangsak kei in.

1 SAMUEL MASA 2:30

Tua ahih ciangin Israelte’ Pasian, Topa in thu genin: ‘Nangma innkuan leh na behte in keima mai-ah sung tumin pusuak tawntung ding hi, ci-in thu ka ciam hi,’ a ci hi; ahih hangin tu-in Topa in thu genin: ‘Tua bang hi het lo ding hi: bang hang hiam cih leh kei hong pahtawite ka pahtawi ding a, kei hong simmawhte ka simmawhbawl ding hi.

2 KHANG TANGTHU NIHNATE 21:2

Jehoshafat’ tapa ama sanggam pasalte in: Azariah, Jehiel, Zekhariah, Azariah, Mikhael, leh Shefatiah ahi uh hi; hihte khempeuh in Judah kumpipa Jehoshafat’ tapate ahi hi.

2 KHANG TANGTHU NIHNATE 21:20

Amah in uk ding a kipatin kum sawmthum-le-nih pha a, Jerusalem ah kumgiat sung uk hi; kuama dahpih lohin amah kihemkhia hi. Amaute in David khuapi sungah amah phum uh a, ahih hangin kumpite’ han sungah kiphum lo hi.

2 KHANG TANGTHU NIHNATE 24:15

Ahih hangin Jehoiada teekin a hun kicing a, tua ciangin si hi; a sihin kum za khat leh kum sawmthum pha hi.

2 KHANG TANGTHU NIHNATE 24:17

Jehoiada a sih khit ciangin Judah uliante hong pai-in amau’ thu a zuih nadingin kumpipa tungah thu va gen uh a, kumpipa in zong amaute’ thu ngai hi.

2 KUMPI NIHNATE 12:7

Tua ahih ciangin Kumpi Joash in siampi Jehoiada leh siampi dangte samin amaute kiangah, “Bang hangin inn puah lo na hi uh hiam? Tua ahih ciangin tu-in na nasepna uh mite kiang panin na sum lakte uh kem nawn kei un la, a sumte inn puah nadingin hong ap un,” a ci hi.

Marka 6:29

Johan’ nungzuite in a zak uh ciangin pai uh a, a luang paipihin hankhuk sungah a vui uh hi.