2 KHANG TANGTHU NIHNATE 23:7 - Tedim Bible

⁷ Levi mite in a khut sungah a galhiam ciat uh tawh kumpipa cing ding uh a, tua ciangin biakinn sungah a lut peuhpeuh kithat ding hi. Hong tum ciang hita leh a pusuah ciang hita leh a paina peuhpeuh ah kumpipa tawh om un,” a ci hi.

Tedim Bible Revision 2017

⁷ Levi mite in a khut sung uh ah a galhiam ciat uh tawh kumpipa cing ding uh a, biakinn sungah a lut peuhpeuh kithat ding hi. Hong tum ciang hitaleh a pusuah ciang hitaleh ah kumpipa tawh om un,” a ci hi.

2 KHANG TANGTHU NIHNATE 23:7 Referans Kwoze

Gamlak-vakna 3:38

Nisuahna lam pang biakbuk mai, kikhopna buk mai-ah giahphual a sat dingte in, Israel mite adingin bang khatpeuh peuh sep nadingin biakinn sungah thu a nei Moses leh Aaron leh a tapate ahi hi; midang khatpeuh a nai-ah hong paite kithat ding hi.

Gamlak-vakna 3:10

Nangmah in Aaron leh a tapate na seh ding a, amaute in a siampi nasep uh don ding uh hi; ahih hangin midang khatpeuh a nai-ah a pai leh, tua mi kithat ding hi,” a ci hi.

Paikhiatna 21:14

Ahih hangin mi khat in zuauna tawh mi dang khat thah ding tumin a hih leh, amah na thah theih nadingun note in ka biakna tau nangawn panin amah na la teitei ding uh hi.

2 KHANG TANGTHU NIHNATE 23:6

Siampite leh na a sem Levi mite sim loh, Topa’ inn sungah kuamah lut sak kei un; amaute siangtho ahih manin amaute lut thei ding uh a, ahih hangin mi khempeuh in Topa’ sawlna na mang ding uh hi.

2 KHANG TANGTHU NIHNATE 23:8

Siampi Jehoiada’ thupiak khempeuh bangin Levi mite leh Judah mi khempeuh gamta uh hi. Amaute in amau’ mi ciat sabbath ni-in na a sem ding mite tawh sabbath ni-in nasep a peng ding mite hong paipih uh hi; bang hang hiam cih leh siampite Jehoiada in nasep a peng ding a khen pawlte ciahsak lo hi.