2 KHANG TANGTHU NIHNATE 23:18 - Tedim Bible

¹⁸ Tua ciangin Jehoiada in David hih ngei bangin, Moses’ thukham sungah a kigelh bangin lungdamna leh lasakna tawh, Topa’ tungah meihal biakna a pia dingin, Topa’ biakinn a en dingin David in a vaihawmsa Levi siampite leh Levi mite’ ukna nuai-ah Topa’ biakinn adingin galvilte koih hi.

Tedim Bible Revision 2017

¹⁸ Tua ciangin Jehoiada in Davidʼ hih ngei bangin, Moses thukham sungah a kigelh bangin lungdamna le lasakna tawh, Topaʼ tungah meihal biakna a pia ding, Topaʼ biakinn a en dingin David in a vaihawm sa Levi siampite le Levi miteʼ ukna nuai ah Topaʼ biakinn a vil galvilte a koih hi.

2 KHANG TANGTHU NIHNATE 23:18 Referans Kwoze

2 KHANG TANGTHU NIHNATE 5:5

Tua ciangin amaute in thuciamna singkuang, leh kikhopna buk, leh puanbuk sunga om a siangtho um-le-beel khempeuh pua to uh hi; siampite ahi Levi mite in tuate pua to uh hi.

2 KHANG TANGTHU NIHNATE 29:25

Tua ciangin amah in David leh kumpipa’ thu-mupa Gad leh kamsang Nathan’ thupiakna bangin Topa’ biakinn sungah daltuahte, harp lasaknate, leh laiza lasaknate tawh Levi mite koih hi; bang hang hiam cih leh tua thupiakna in a kamsangte’ tung tawnin Topa kiang pan hong pai ahi hi.

1 KHANG TANGTHU MASATE 23:25

Bang hang hiam cih leh David in, “Israel Pasian, Topa in a mite tungah kilemna pia zo hi; tua ciangin amah in Jerusalem ah om tawntung hi.

2 KHANG TANGTHU NIHNATE 29:27

Tua ciangin biakna tau tungah meihal biakna a kipiak nading Hezekiah in thu pia hi. Meihal biakna a kipat ciangin Topa’ tungah lasakna zong kipan a, Israel kumpi David’ lasaknate in peengkulte pawm hi.

2 KHANG TANGTHU NIHNATE 30:27

Tua ciangin siampite leh Levi mite ding-in mite thupha pia uh a, amau’ awging kiza-in, amau’ thungetna in vantung a, a siangtho ama teen’na banto hi.

2 KHANG TANGTHU NIHNATE 7:6

Siampite amau’ panmun uhah ding uh hi; Levi mite zong, Kumpi David in Topa tungah lungdam koh nadingin a bawl Topa’ tungah la sak nading lasaknate tawh ding uh hi—bang hang hiam cih leh ama itna kip tawntung hi—David in amau’ nasepna tawh phatnate a bawl ciangin tua bangin hih uh hi; amaute tawh a kigalsai-ah siampite in peengkulte tum uh hi; tua ciangin Israel khempeuh ding uh hi.

2 KHANG TANGTHU NIHNATE 29:30

Tua ciangin David’ kammalte leh thu-mupa Asaf’ kammalte zangin Topa’ tungah phatna la a sak nadingun kumpipa Hezekiah leh uliante in Levi mite thu pia uh hi. Tua ciangin amaute in lungdamna tawh phatna late sa uh a, kunin bia uh hi.

2 KHANG TANGTHU NIHNATE 35:2

Amah in siampite amau’ panmunte ah seh a, Topa’ inn sunga nasepna ah amaute hanthawn hi.

Ezra 6:22

Tua hi a, amaute in lungdamna tawh ni sagih sung silngo sawhloh anlum pawi bawl uh hi; bang hang hiam cih leh amau’ lungdam nading a om theih nadingin Topa in Assiria kumpipa’ lungsim amau tungah a nuam dingin bawlsak a, tua ahih manin Israel Pasian ahi Pasian’ inn a sepna uhah kumpipa in amaute huh hi.