2 KHANG TANGTHU NIHNATE 23:13 - Tedim Bible

¹³ Amah a khuadak ciangin, inn lutna a, om a khuampi gei-ah kumpipa ding-in, a ukte leh peengkul tumte kumpipa’ gei-ah om-in, gam sung mi khempeuh lungdamin peengkulte tum uh a, lasate a lasakna nate uh tawh tua pawi makai-in a na om uh mu hi. Tua ciangin Athaliah in a puante balkekin kiko a, “Sawmsimna, Sawmsimna!” ci hi.

Tedim Bible Revision 2017

¹³ Amah a khuadak ciangin, biakinn lutna-a om a khuampi gei ah kumpipa ading le a ukte le peengkul tumte kumpipa gei ah a om le gam sung mi khempeuh lungdamin peengkulte a tum le lasate a lasakna nate uh tawh tua pawi makai-in a na om uh a mu hi. Tua ciangin Athaliah in a puante bal kekin kiko a, “Sawm simna! Sawm simna!” a ci hi.

2 KHANG TANGTHU NIHNATE 23:13 Referans Kwoze

Thuhilh-sia 9:12

Mihing in ama hun ding thei ngei lo hi. Thang-ah a awk vasate, ngen-ah a awk ngasate tawh i kibang hi. Lam-et loh hun laitak keekin, hun sia sungah mihingte i tung hi.

Paunak 29:2

Midikte in gam a uk ciangin gam mite lungdam a, migilote in a uk ciangin a gam mite thuum uh hi.

Paunak 11:10

Midikte a tuahphat ciangin khua sungah lungdamna om a, migilote a sih ciangin zong khua sungah lungdamin kikona om hi.

Late 14:5

Amaute pen launa lianpi sungah om ding uh hi, bang hang hiam cih leh midikte tawh Pasian omkhawm hi.

2 KHANG TANGTHU NIHNATE 34:31

Tua ciangin kumpipa ama munah ding-in, hih laibu sungah a kigelh thuciamna kammalte a sem dingin a lungsim khempeuh leh a nuntakna khempeuh tawh Topa’ nung a zuihna ding leh ama thupiaknate leh ama tecipan’nate leh a thukhamte a zuihna ding, Topa’ mai-ah thuciamna khat bawl hi.

1 KHANG TANGTHU MASATE 15:27

David in saihadial puan tualpi silh a, tua mah bangin thuciamna singkuang a pua Levi mite khempeuh, leh lasate, leh lasate a uk Khenaniah-te in zong silh uh hi; tua ciangin David in siampi puan khat silh hi.

1 KHANG TANGTHU MASATE 15:24

Siampite Shebaniah, Joshafat, Nethanel, Amasai, Zekhariah, Benaiah, leh Eliezer-te in Pasian’ thuciamna singkuang mai-ah peengkulte tum ding uh hi. Obededom leh Jehiah-te zong thuciamna singkuang’ adingin kongcingte hi ding uh hi.

1 KHANG TANGTHU MASATE 12:40

Israel sungah lungdamna om ahih manin a vengte uh Issakhar leh Zebulun leh Naftali ciang dong panin zong hong pai-in late leh kalaote leh la-sakolte leh bawngtalte tawh an hong pua-in, an tampi tak, thei mohte, leenggahkeu bawkte, leh leenggahzu leh sathau, bawngtalte leh tuute hong puak uh hi.

2 KUMPI NIHNATE 23:3

Tua ciangin khuampi gei-ah kumpipa dingin hih laibu sunga a kigelh hih thuciamna kammalte khempeuh a sep nading, Topa thu mangin a thupiaknate leh a tecipan’nate leh a thukhamte, a lungsim leh a ngaihsutna khempeuh tawh a zuih nading, Topa mai-ah thuciamna khat bawl hi; tua ciangin mi khempeuh tua thuciamna ah kihel uh hi.

2 KUMPI NIHNATE 9:23

Tua ciangin Joram in a sakol kamkaih leh hei-in tai a, Ahaziah kiangah, “Ahaziah aw, gal om!” a ci hi.

2 KUMPI NIHNATE 9:13

Tua ciangin nawhsa-in mi khempeuh in a puan uh la-in ama din’ nadingin kahlei tungah koih uh a, tua ciangin amaute in peengkul tumin, “Jehu in kumpi hi,” ci-in tangko uh hi.

Thukhente 7:8

Tua ahih ciangin amah in amau’ tung panin mite’ beelte leh a peengkulte la hi; Israel a dangte khempeuh amau puanbuk ciatah ciahsak a, ahih hangin mihing zathumte khawl sak hi; Midiante’ giahphual pen ama khang lam kuam sungah om hi.

2 KUMPI NIHNATE 11:14

amah a khuadak ciangin a ngeina ding bangin khuampi gei-ah kumpi thakpa ding-in kumpipa gei-ah a ukte leh peengkul tumte om a, tua gammi khempeuh in lungdamin peengkul na tum uh hi. Tua ciangin Athaliah in a puante balkekin kiko a, “Sawmsimna! sawmsimna!” a ci hi.

2 KHANG TANGTHU NIHNATE 23:12

Mite tai-in kumpipa a phatna uh gamlumna Athaliah in a zak ciangin mite’ omna Topa’ innah pai hi.

2 KHANG TANGTHU NIHNATE 23:14

Tua ciangin siampi Jehoiada in galkapte tungah a kikoih a ukte paikhiat pihin amaute tungah, “A gual-a a pangte lak panin a pua-ah amah paikhiatpih un; amah a pan’pih mi khatpeuh peuh namsau tawh kithat ding hi,” a ci hi. Bang hang hiam cih leh siampipa in, “Topa’ inn sungah tuanu that kei un,” ci hi.

Ezekiel 46:2

Siampite in meihal biakna leh thunuam-a biakna a piak lai takun, gam uk ulianpa pen tual puanung lam panin inndei lianpi kongpi-ah pai-in kongpi khuamte gei-ah ding ding a, tua kongpi ah bia-in tua khit ciangin pusuak kik ding hi. Nitak mateng tua kongpi kikhak lo ding hi.