2 KHANG TANGTHU NIHNATE 23:11 - Tedim Bible

¹¹ Tua ciangin amah in kumpipa’ tapa paikhiat pihin ama tungah kumpi lukhu koih a, ama tungah teci pan’na pia hi; tua ciangin amaute in kumpi-in amah taangko uh a, Jehoiada leh a tapate in amah sathau nilhin, “Kumpipa khan’ sau hen!” ci uh hi.

Tedim Bible Revision 2017

¹¹ Tua ciangin amah in kumpipaʼ tapa paikhiat pihin ama lu tungah kumpi lukhu khusak a, kumpi za ngahna lai zong a pia hi. Tua ciangin amaute in kumpi-in amah taangko uh a, Jehoiada le a tapate in amah sathau nilhin, “Kumpipa khansau hen!” a ci uh hi.

2 KHANG TANGTHU NIHNATE 23:11 Referans Kwoze

1 SAMUEL MASA 10:24

Tua ciangin Samuel in mi khempeuh tungah, “Topa in a teelsa mipa na mu uh hiam? Mi khempeuh lakah amah tawh a kibang khat zong om lo hi,” a ci hi. Tua ciangin mi khempeuh awngin, “Kumpipa khan’ sau hen!” a ci uh hi.

Paikhiatna 25:16

Nang' tunga kong piak ding tecipan’na nangmah in singkuang sungah na koih ding hi.

2 KUMPI NIHNATE 11:12

Tua ciangin amah in kumpipa’ tapa paikhiatpihin, ama tungah kumpi lukhu koih a, tecipan’na amah pia hi; tua ciangin amaute in amah kumpi hi, ci-in tangko-in amah sathau nilh uh hi; tua ciangin amaute in a khut uh bengin, “Kumpipa khan’ sau hen!” a ci uh hi.

Mangmuhna 19:12

Ama mittangte in meikuang ahi hi. A lu tungah kumpilukhu tampi a om hi. Amah sim loh kuamah in a theih zawh loh min zong a nei hi.

Mangmuhna 5:10

Ko’ Pasian mai-ah kumpi za-ah ahi zongin, siampi za-ah ahi zongin na koih hi; tuate in leitung ukin a om ding uh hi,” ci-in la thak a sa uh hi.

Mangmuhna 4:10

tokhom tungah tu-in a om mi mai-ah upa sawmnih leh lite in bokin, a tawntungin a nungta mi bia-in, tokhom mai-ah amaute kumpilukhu a khiatsuk khit uh ciangin:

Mangmuhna 4:4

Tokhom kimkotah tokhom adang sawmnih leh li, leh tua tokhomte tungah puanpaak silh, kham kumpilukhu a khu upa sawmnih leh li tu-in a om uh hi.

Jeim 2:5

Ka it ka u ka naute aw, ngai un. Leitung mite mai-ah mizawngte in upna tawh a dim nading ahi zongin, Pasian in a it mite a thuciamna gam a luah nading ahi zongin, tua mite a teel hilo ahi hiam?

Jeim 1:12

Ze-etna a thuak zo mi in thupha a ngah ding hi. Bang hang hiam na cih uh leh, ze-etna a thuak zawh khit ciangin Topa in a it mite a ciamna bangin nuntakna kumpi lukhu a ngah ding hi.

Hebru 2:9

Tu-in ahih leh, vantungmite nuai-ah neukha bek niamkhiatna a thuak mi Zeisu in Pasian’ hehpihna hangin mi khempeuh taang dingin sihna a thuak nading thu sang ahih ciangin, minthan’na leh pahtawina a ngahna thu i thei hi.

Mattiu 21:9

A mai pai, a nung a zui mihonpite in, “David’ Tapa tungah Hosanna! Pasian’ min tawh hong paipa in thupha ngah ta hen! Van a sangbelna-ah Hosanna!” ci-in a kiko uh hi.

Isaiah 49:23

Kumpite pen nang hong kem pate hi ding a, kumpinute pen nang hong khoi na nute hi ding hi. Amaute in a maitang uh lei lak ngatin nang kiangah hong kun ding uh a, na khe-a leivuite liak ding uh hi. Tua ciangin keimah in Topa ka hihna na thei ding hi; kei sungah a lamente maizum lo ding hi,” a ci hi.

Isaiah 8:20

Tua ciangin note in, “Topa hong hilh thute leh teci panna thute ngai un. Aisante’ thu ngai kei un. Amaute in zing khuavak nei lo ahih manin hong gen thute a kiman’na om lo hi,” ci-in dawng un.

Isaiah 8:16

Ka nungzuite aw, Pasian in kei tungah hong piak hih teci thute, lim takin kemin koih cing un.

Late 132:18

Ama galte maizumna tawh ka kidimsak ding a, ahih hangin ama kumpigam khangin zai semsem ding hi,” na ci hi.

Late 89:39

Na nasempa tawh na thuciamna na pelh khin a, leivui lakah ama kumpi lukhu na paihsak hi.

Late 89:20

Ka nasempa David ka mu zo hi; ka khut tawh amah a om ngitnget theih nading, ka baan in zong amah a thakhauhsak theih nadingin ka sathau siangtho tawh amah ka nilh khin hi.

Late 78:5

Amaute pen Pasian’ tunga lungsim thuman lo, lungsim kip a nei lo khang mi, lungsim khauh-in a lehdo khang mite ahi, amau’ pate tawh kibang loin, amaute in Pasian’ sungah amau lametna koihin, Pasian’ nasepnate mangngilh loin, ama thupiakte zui-in, a suak nai lo naupangte, hong piang kik khangthakte in a thute thei-in, amaute dingkhia-in amau’ tu leh tate tungah a thute a gen theih nadingin, amah in i pate in a tate a hilh sawn dinga a sawl ahi, Israel sungah thukham khat koihin, Jakob sungah teci pan’na khat a koih hi.

Late 21:3

Bang hang hiam cih leh thupha hoihte tawh amah na dawntuah a, ama lu tungah kham siang lukhu na khusak hi.

2 KHANG TANGTHU NIHNATE 22:11

Ahih hangin kumpipa’ tanu Jehoshabeath in Ahaziah’ tapa Joash la a, a kithat ding kumpipa’ tapate’ lak panin amah gukhia-in lupna inndei sungah amah leh a cingnu koih hi. Amah in Ahaziah’ sanggamnu ahih manin, Kumpi Jehoram’ tanu ahi, siampi Jehoiada’ zi Jehoshabeath in tua bangin Athaliah kiang panin amah seel a, tua nu in amah that kha lo hi;

1 KUMPI MASATE 1:39

Tua lai-ah siampi Zadok in puanbuk panin sathau biing la-in Solomon nilh hi. Tua ciangin amaute in peengkul tum uh hi; tua ciangin mi khempeuh kiko in, “Kumpi Solomon khan’ sau hen!” a ci uh hi.

1 KUMPI MASATE 1:34

Israel tungah kumpi-in tua lai munah siampi Zadok leh kamsang Nathan sathau nilhsak un; tua ciangin peengkul tum un la, ‘Kumpi Solomon khan’ sau hen!’ ci un.

2 SAMUEL NIHNA 16:16

Tua ciangin David lam a lakpa, Arkhi mi Hushai in Absalom kiangah hong tun’ ciangin, amah in Absalom kiangah, “Kumpipa khan’ sawt hen! Kumpipa khan’ sawt hen! a ci hi.

2 SAMUEL NIHNA 5:3

Tua ahih ciangin Israel upate khempeuh Hebron-a kumpipa kiangah hong pai uh hi; Kumpipa David in amaute tawh Topa mai Hebron ah thuciamna khat bawl a, amaute in Israelte tungah kumpi-in David sathau nilh uh hi.

2 SAMUEL NIHNA 1:10

Tua ahih ciangin ama pangah dingin amah ka that hi; bang hang hiam cih leh amah a tuk khit ciangin nungta lo taktak ding hi, ci-in ka thei hi; tua ciangin a lu tungah a om kumpi lukhu leh a baan tungah a om a banbulh kong la a, tuate hih lai ka topa kiangah kong paipih hi,” a ci hi.

1 SAMUEL MASA 10:1

Tua ciangin Samuel in sathau thawl khat la-in ama lutungah buak a, tua ciangin amah namin, “Topa in ama mi Israelte tungah ulian dingin nang sathau hong nilh khin hilo ahi hiam? Nangmah in Topa’ mite ukin a kiim-a om amau’ galte’ khut sung panin amaute na honkhia ding hi. Hih in nang tungah, Topa in ama luahte tungah ulian dingin nang sathau hong nilh khitna lim hi ding hi.

Paikhiatna 31:18

Sinai Mual tungah thugenna a man khit ciangin, Pasian’ khutme tawh a kigelh suangpeek ahi tecipan’na suangpeek nihte, amah in Moses pia hi.

Paikhiatna 25:21

Singkuang tungah hehpihna tokhom na koih ding hi; singkuang sungah nang kong piak ding tecipan’na na koih ding hi.

2 KHANG TANGTHU NIHNATE 23:10

tua ciangin amah in mi khempeuh a galhiam ciat uh tawh kumpipa a cingin, inn leitaw lam pang pan inn leilu lam pang, biakna tau leh innkim ah koih hi.

2 KHANG TANGTHU NIHNATE 23:12

Mite tai-in kumpipa a phatna uh gamlumna Athaliah in a zak ciangin mite’ omna Topa’ innah pai hi.

1 KUMPI MASATE 1:25

Bang hang hiam cih leh tu ni-in amah paisuk khinin, bawngtalte, ganno thaute, leh tuute, tampi tak biakna-in pia a, kumpipa’ tapate khempeuh, galkapte a ukpa Joab, leh siampi Abiathar sam hi; en in, amaute in ama mai-ah ne-in dawn uh a, ‘Kumpi Adonijah a khan’ sau hen!’ ci uh hi.