2 KHANG TANGTHU NIHNATE 22:9 - Tedim Bible

⁹ Amah in Ahaziah zong a, Samaria ah a buk lai takin amah kiman a, tua ciangin Jehu kiangah amah kipai pihin kithat hi. Amaute in amah vui uh hi; bang hang hiam cih leh amaute in, “Amah in, a lungsim khempeuh tawh Topa a zong Jehoshafat’ tupa ahi hi,” a ci uh hi. Tua ciangin Ahaziah innkuante in kumpigam a uk zo ding mi khat zong nei nawn lo uh hi.

Tedim Bible Revision 2017

⁹ Amah in Ahaziah zong a, Samaria ah a buk laitakin amah kiman a, tua ciangin Jehu kiangah amah kipaipihin kithat hi. Amaute in amah vui uh hi; bang hang hiam cih leh amaute in, “Amah pen a lungsim khempeuh tawh Topa a zong Jehoshafatʼ tupa ahi hi,” ci uh hi. Tua ciangin Ahaziah innkuante in kumpi gam a uk zo ding mi khat zong nei nawn lo uh hi.

2 KHANG TANGTHU NIHNATE 22:9 Referans Kwoze

2 KHANG TANGTHU NIHNATE 22:8

Jehu in Ahab innkuan tungah thukhenna a piak lai takin Judah uliante leh Ahaziah’ na a sem, Ahaziah’ sanggam pasalte’ tapate tuak a, amah in amaute that hi.

2 KHANG TANGTHU NIHNATE 21:20

Amah in uk ding a kipatin kum sawmthum-le-nih pha a, Jerusalem ah kumgiat sung uk hi; kuama dahpih lohin amah kihemkhia hi. Amaute in David khuapi sungah amah phum uh a, ahih hangin kumpite’ han sungah kiphum lo hi.

2 KHANG TANGTHU NIHNATE 21:17

tua ciangin Judah simin amaute hong kuanto-in luh uh a, kumpipa’ innah a om a muh uh na khempeuh, leh a tapate leh a zite zong puakhia uh a, a tapa neupen Jehoahaz simloh a tapa a kinusia om lo hi.

2 KHANG TANGTHU NIHNATE 21:4

A pa’ kumpi tokhom ah Jehoram kahin a kip ciangin namsau tawh a sanggam pasal khempeuh that a, Judah ulian pawlkhat zong that hi.

1 KUMPI MASATE 14:13

Tua ciangin Israel khempeuh ama hangin kapin vui ding uh hi; bang hang hiam cih leh Israel Pasian, Topa tungah a lungkimhuai na khat Jeroboam innkuan sung panin ama tungah kimu ahih manin Jeroboam sung panin amah bek hanah pai ding hi.

1 KUMPI MASATE 13:21

Judah panin hong pai Pasian’ mipa tungah amah kiko a, “Topa in hih bangin ci hi, ‘Nangmah in Topa thu mang loin, Topa na Pasian in hong thu piaksa thupiakna zui loin,

2 KUMPI NIHNATE 9:34

Tua ciangin amah sungtumin ne-in dawn hi; tua ciangin amah in, “Tu-in a kisamsia hih numei mu un la, amah phum un; bangbang ahi zongin amah in kumpipa’ tanu hi buang hi,” a ci hi.

Jeremiah 29:13

Note in kei nong zong ding uh a, na lungsim khempeuh uh tawh nong zon’ uh ciangin nong mu ding uh hi.

2 KHANG TANGTHU NIHNATE 19:3

Ahi zongin nang na hoihna khat om hi; bang hang hiam cih leh nangmah in gam sung panin Asherah milimte susia-in Pasian zon’ ding na lungsimah na ngaihsun hi,” a ci hi.

2 KHANG TANGTHU NIHNATE 24:25

Amah nakpi tak a liam sa-in nusia-in, ama kiang panin Siriate a kihepkhiat khit uh ciangin, siampi Jehoiada’ tapa a thahna hangin a nasemte in amah sawmsim uh a, a lupna tungah amah that uh hi. Tua ahih ciangin amah si hi; David’ khuapi sungah amah vui uh a, ahih hangin amaute in kumpite’ han-ah amah vui lo uh hi.

2 KHANG TANGTHU NIHNATE 25:27

Topa kiang panin amah a kiheikhiat a, kipanin amaute in amah sawmsimna khat Jerusalem ah bawl uh a, tua ciangin Lakhish ah amah nungdelh sak uh a, tua lai-ah amah that uh hi.

2 KHANG TANGTHU NIHNATE 33:24

Tua ciangin ama nasemte in amah sawmsimin ama inn sungah amah that uh hi.