2 KHANG TANGTHU NIHNATE 22:7 - Tedim Bible

⁷ Ahih hangin Jehoram kiangah hawh dingin a paina tawh Ahaziah’ puk nading a tun’ nading Pasian’ sehsa a hi hi. Bang hang hiam cih leh tua lai-ah amah hong pai ciangin, Ahab innkuan a susia dingin Topa in sathau a nilhsa Nimshi’ tapa Jehu tawh a kimu dingin Jehoram tawh paikhia hi.

Tedim Bible Revision 2017

⁷ Ahih hangin Joramʼ kiangah a hawhna tawh Ahaziahʼ pukna a tun nading Pasianʼ seh sa ahi hi. Bang hang hiam cih leh tua lai ah amah a hawh sungin Ahab innkuan a susia dingin Topa in sathau a nilh sa, Nimshiʼ tapa Jehu tawh a kimu dingin Joram tawh paikhia hi.

2 KHANG TANGTHU NIHNATE 22:7 Referans Kwoze

2 KHANG TANGTHU NIHNATE 10:15

Tua ahih ciangin kumpipa in mite’ thu ngai lo hi; bang hang hiam cih leh Shiloh khuami Ahijah tung tawnin Nebat’ tapa Jeroboam tungah a thugente Topa in a tun’sak theih nadingin Pasian a pian’sak thu kiheina ahi hi.

2 KUMPI NIHNATE 9:21

Joram in, “Kithawi un,” a ci hi. Tua ciangin amaute in a leeng kithawisak uh hi. Tua ciangin Israel kumpipa Joram leh Judah kumpipa Ahaziah, a sakol leeng tuak uhah tuangin dingkhia-in, Jehu dawntuah dingin pai uh a, Jezre-el mi Naboth’ leitangah amah tawh kituak uh hi.

Malakhi 4:3

Keimah in na kong sep ni ciangin, migilote nuaisiahin, leivui bangin na tuancil ding uh hi,” ci hi.

Hosea 14:9

Mipil, thu ngaihsun theite in hih thute thei telin lim takin ciamteh ta hen. Topa’ lampi tang mahmah a, thutang mite in tua lampi tawn uh hi. Mawhneite in tua lampi tawn lo uh ahih manin puk uh hi.

Isaiah 46:10

A kipat cilin a tawp nading thu ka pulak a, tanglai pek panin a piang nai lo nate genin, ‘Ka ngimna kip ding a, ka sepnop khempeuh ka sem ding hi,’ ka ci hi.

Late 9:16

Topa in thu hong khen-in, migilote amau khut nasepna mah-ah awksakna tawh amah hong kilang hi.

1 KUMPI MASATE 22:20

tua ciangin Topa in, ‘Amah kuanto-in Ramoth-gilead ah a tuk nadingin kua in Ahab va zol ding hiam?’ ci hi. Khat in thu khat genin adang khat in thudang khat gen hi.

1 KUMPI MASATE 19:16

tua ciangin Israel tungah kumpi dingin Nimshi’ tapa Jehu sathau na nilh ding hi; tua ciangin nangma munah kamsang dingin Abelmeholah khuami Shafat’ tapa Elisha sathau na nilh ding hi.

1 KUMPI MASATE 12:15

Tua ahih ciangin kumpipa in mite’ thu ngai lo hi, bang hang hiam cih leh Topa in Shiloni mi Ahijah tung tawnin Nebat’ tapa Jeroboam tungah a gensa thu a tun’sak nadingin Topa in a pian’sak thu kiheina ahi hi.

Thukhente 14:4

A nu leh a pa in hih thu pen Topa kiang pan ahih lam thei lo hi; bang hang hiam cih leh amah in Filistia mite tungah paulap a zong ahi hi. Tua hun lai takin Filistia mite in Israelte uk hi.

Thu-hilhkikna 32:35

Phulakna leh thukkikna kei’ aa ahi hi, a hun ciangin amaute puk ding uh hi; bang hang hiam cih leh amau’ gim ngah hun ding hong nai a, amau’ siat nading hong tung pah hi.

2 KUMPI NIHNATE 9:27

Judah kumpipa Ahaziah in hih thu a muh ciangin Bethhaggan lamah tai hi. Tua ciangin Jehu in amah delhin, “Amah zong kap un,” a ci hi; tua ciangin amaute in Ibleam gei, Gur kahtohna san a leeng sungah amah kap uh hi. Ahi zongin amah Megiddo khuapi ciang dong tai zo lai a, tua khua panin amah si hi.

2 KHANG TANGTHU NIHNATE 22:6

Siria kumpi Hazael a do lai takin Ramah ah a ngah a liamnate Jezre-el-ah a kidamsak dingin kilehkik hi. Tua ciangin Jezre-el ah Ahab’ tapa Jehoram a cina ahih manin amah a en dingin Judah kumpipa Jehoram’ tapa Ahaziah hawhsuk hi.

Joshua 11:20

Bang hang hiam cih leh Topa in Moses a thupiakna bangin amaute a kisuksiat mang nading leh hehpihna ngah loin a kibeisak theih nadingin Israelte a do nadingin a lungsim uh khauhsak ding Topa’ bawl ahi hi.

1 KUMPI MASATE 12:24

“Topa in hih bangin ci hi: Note na kuanto kei ding uh a, na behte uh Israelte na do kei ding uh hi. Mi khempeuh a inn ciat uhah ciah hen; bang hang hiam cih leh hih thu in keima kiang pan ahi hi,’ ci hi,” a ci hi. Tua ahih ciangin amaute in Topa’ thu ngai uh a, Topa’ thugen bangin innah ciahkik uh hi.

2 KUMPI NIHNATE 10:11

Tua ahih ciangin Jehu in kuamah a siit nawn loh dongin Jezre-el sungah Ahab innkuan a om laite, a behte, leh a lawm mel theihte, leh a siampite khempeuh that hi.

Paunak 16:9

Mihing in thu geel a, ahi zongin Topa’ deihna bangin kisemkhia hi.